اللي خدامتها مرتبه وسنعه تتفضل لاهانت

[أغلى حبيبه]

جزاج الله خير
اغلى حبيبة

اجمعين حبيبتي

سوال للجميع
متى غسل الملابس
اشلون تنظيم الشغل
بمعنى اول ماتقعد شنو اول شغل تسويه؟


اذا قصدج عن ملابسها من تتسبح تغسلهم بيدها قبل لا تطلع من الحمام

واذا قصدج عن ملابسنا انا اللي اغسل ملابسنا فـ اي وقت احط اغسل

والبنات اللي مافي مجال يحطون لها غساله خاصة
بسبة المكان
تخلونها تغسل ملابسها بيدها
ولا بغسالتكم؟

لا بيدها تفسلهم ماتستخدم غسالتي

اشلون ع التلفون
اذا عطيتوها واحد
معاها دايما ولا حزة راحتها ولا اشلون؟

مااحب الموبايلات عند الخدم
عندها تلفون البيت 24 ساعه جدامها


بس اذا تخلين عيالج عندها وتطلعين عطيها اامن لج عشان تطمنين ع اليهال

 

[روح ملكية]

بارك الله فيكم

 

[روح ملكية]

بنات عندي سؤااال مهممم


شنو تعطونها عشان تحف وتنظف جسمها؟؟؟ موس ؟ والا شيره ؟؟"

 

[ضــمــاد]

اشلون تنظيم الشغل
بمعنى اول ماتقعد شنو اول شغل تسويه؟

بالنسبه لبيتنا .. اول شي تروح المطبخ .. اذا فيه قلاصات او قفاش تغسلهم

طبعا ً أنا وأختي نسهر بما انه لاشغل ولا مشغله .. فـ احيانا ً يطقنا اليوع فنسوي لنا شي

فأهي اذا قعدت تغسلهم ..



ولما الكل يطلعون لدواماتهم .. أنا أضف الاكل عقب الريوق .. والخدامه تشيل الأكواب ولصحون


وبعدين تخم /تكنس الصالتين وتمسح الارضيات و الطاولات والمكتبه والـ t.v


وبعدين تسوي غرفة أخواني .. وتغسل حمامهم..


وعقب التنظيف .. تروح تتريق .. الا الساعه صارت 10


وبعدين تخم /تكنس الدري/ الدرج وعقب تمسحه


وبعدين تجهز لصحون الخ .. للغدا


وبعدين عاد اذا امي قالت لها تجهز شي للغدا .. مثلا تقطع الخضرا أو تجهز العيش


يعني تحضر هالاشياء .. وبعدها امي تغسلهم وتبتدي أمي تطبخ ..



والوقت اللي امي تطبخ فيه اهي تروح غرفتها أو اذا في ملابس تكويهم( أمي ماتحب الخدامه تحوس معاها بالمطبخ فتعطيها اي شي برا المطبخ او تقول لها خلاص روحي دارج

)




أخواني اول مايدون من المدارس


أمي حاطه لهم سله خاصه لملابس المدرسه .. يحطون ملابسهم فيها


فالوقت اللي بيتنا يتغدون فيه الخدامه تغسل ملابس المدرسه


وبعدها تضف الطاوله .. وتغسل الماعين والمطبخ


وبعدين تتغدا .. وعلى الـ 6 تكوي ملابس المدرسه



طبعا ً احنا عندنا ممنوعات


- ملابسي .. وملابس خواتي .. امي ماترضا الخدم يغسلونهم :eh_s(11):.. يعني كل وحده تغسل ملابسها:eh_s(2): .. والخدم بس يكوونهم .. بس ترضا يغسلون ملابس الطلعه



- غرفنا أحنا يالبنات .. ممنوع الخدامه تدخلهم :eh_s(16): .. الا مره بالاسبوع .. بحيث يكون تنظيف شامل كامل للغرف من درايش ومغيره .. فـ كل وحده ترتب غرفتها وتغسل حمامها وانتوا بكرامه



- غرفة أمي عمر الخدم ماشافوها .. أمي تنظفها وتغسل حمامها وانتوا بكرامهم .. وأحيانا

أنا أو وحده من خواتي .. نساعد امي ..



- اللي عندنا أثيوبيه .. فـ ماتحب تاكل الا لما تخلص غسيل المطبخ .. يعني أحيانا تاكل على الساعه 4 او 3 ونص



- بأختصار .. شغل خدامتنا من تقعد لما تنام عندها ( صالتين + غرفة وحده وحمامها + المطبخ + ملابس المدرسه + تنظيف الدري / الدرج ) ومره بالاسبوع يكون تنظيف كامل للصاله .. ويوم ثاني بالاسبوع تنظيف كامل للمطبخ


- ملابس اخواني وأبوي .. امي تغسلهم


- الخدامه عندها طشت خاص لها تغسل ملابسها فيه .. بالنسبه للغساله امي ماترضا تستخدمها



صح شغلها وايد .. بس الايام اللي فيها تنظيف شامل .. امي ماترضا نخليها بروحها



فـ نساعدها

 

[عطاء أنثى]

اي والله حتى انا الخدم اللي كانوا عندي ايشي وصااخه وايشي لقافه ودرعمه وصراخ من بعيد

ان شالله اذا صار في مجال وجبت وحده جديده

تناديني مدام
تكوي لبسها وهذا مهم نفس الفلبينيات
تستأذن قبل ادش
اي شي بتسويه تاخذ اذن قبله
لما اناديها تجي بدون صرااااخ
تتسبح يومياً الصبح وبعد الشغل
اقعدها ٦ ليما اروح الدوام وتشتغل بالبيت بعدها ٦ بالليل وقت لها ليما تنام
القرقره الزايده مالها داعي
تنقل سوالف هم ماله داعي
عدت النظافه الشخصيه تستخدمها كامله مع معطر
الشعر ملموووم والسكارف ذرب
يونيفورمات للطلعه
يونيفورم قطعتين مو قطعه دراعه
ماتصارخ ع العيال
لها وقت ريوق ووقت غدا ووقت عشا ووقت چاي الضحى محدد
والصراحه التنظيف اساعدها بشكل كبير
وبس هذا اللي اتذكره الحين

 

[مطرها يسبق رعدها]

اي والله حتى انا الخدم اللي كانوا عندي ايشي وصااخه وايشي لقافه ودرعمه وصراخ من بعيد

ان شالله اذا صار في مجال وجبت وحده جديده

تناديني مدام
تكوي لبسها وهذا مهم نفس الفلبينيات
تستأذن قبل ادش
اي شي بتسويه تاخذ اذن قبله
لما اناديها تجي بدون صرااااخ
تتسبح يومياً الصبح وبعد الشغل
اقعدها ٦ ليما اروح الدوام وتشتغل بالبيت بعدها ٦ بالليل وقت لها ليما تنام
القرقره الزايده مالها داعي
تنقل سوالف هم ماله داعي
عدت النظافه الشخصيه تستخدمها كامله مع معطر
الشعر ملموووم والسكارف ذرب
يونيفورمات للطلعه
يونيفورم قطعتين مو قطعه دراعه
ماتصارخ ع العيال
لها وقت ريوق ووقت غدا ووقت عشا ووقت چاي الضحى محدد
والصراحه التنظيف اساعدها بشكل كبير
وبس هذا اللي اتذكره الحين

كل اللي قلتيه اوكيه وانا معش فيه

الا وقت الاكل وحتا شاي الضحئ محدد ؟؟ وش دعوه قطو ,,؟؟يعني غصب يصير لها نفس تاكل بالوقت اللي محددته لها .؟؟

اعتقد الاكل مافيه شي الخير واجد عندنا في الخليج ..

عاملوهم بما يرضي الله ورسوله علشان يخلصون معكم ويحنون علئ عيالكم

مجرد نصيحه لاغير

 

[ناتشوو]

ماقصرتي اغلى حبيبة
ردج كافي وافي


ضماد
حلو ماشالله المسؤولية اللي متحملينها بالبيت
سلمي ع امد
انا انشالله بناتي ودي جذي يكون لهم دور بالبيت
انا من الحين احبهم يشاركون ويساعدون
حتى الصبيان
لهم دورهم بالبيت

عطاء انثى
الله يرزقج بالخادمة الصالحة

 

[ناتشوو]

كل اللي قلتيه اوكيه وانا معش فيه

الا وقت الاكل وحتا شاي الضحئ محدد ؟؟ وش دعوه قطو ,,؟؟يعني غصب يصير لها نفس تاكل بالوقت اللي محددته لها .؟؟

اعتقد الاكل مافيه شي الخير واجد عندنا في الخليج ..

عاملوهم بما يرضي الله ورسوله علشان يخلصون معكم ويحنون علئ عيالكم

مجرد نصيحه لاغير

مطرها
كل اللي قلتيه اوكي ومعاج فيه
ماعدا
عاملوهم بما يرضي الله علشان يخلصون ويحنون ع عيالكم
لأنه مو شرط
فانا شخصيا اعاملهم بما يرضي الله علشان يرضى عني الله
للاسف مو شرط نحصل اخلاص وطيبة منهم
:eh_s(7):

 

[ناتشوو]

بنات عندي سؤااال مهممم


شنو تعطونها عشان تحف وتنظف جسمها؟؟؟ موس ؟ والا شيره ؟؟"

موس اعطيها

 

[عطاء أنثى]

كل اللي قلتيه اوكيه وانا معش فيه

الا وقت الاكل وحتا شاي الضحئ محدد ؟؟ وش دعوه قطو ,,؟؟يعني غصب يصير لها نفس تاكل بالوقت اللي محددته لها .؟؟

اعتقد الاكل مافيه شي الخير واجد عندنا في الخليج ..

عاملوهم بما يرضي الله ورسوله علشان يخلصون معكم ويحنون علئ عيالكم

مجرد نصيحه لاغير

خخخخخ
انا مااقصد محدد يعني اللي انتي فهمتيه
اقصد اعطيها بريك لهالاوقات فهمتي حبوبه

 

[أغلى حبيبه]

بنات عندي سؤااال مهممم


شنو تعطونها عشان تحف وتنظف جسمها؟؟؟ موس ؟ والا شيره ؟؟"

على حسب الخدامه

انا موس اعطيها

مالت اختي تتنظف بالشيره

 

[قايده الغزلان]

ماظن ان بتقعد عندك خدامه عقب كل هاللى قالوه البنات الا بتهج وهذا وجهى.أنا اقول خليها على وجهها وينفى مايتها وعقب تعاليلها على شوى شوى

 

[ناتشوو]

قايد الغزلان
هااها
لا والله لو تقرين التعليمات
مو حيل دقيقة ولا تخرع
بس لازم قوانين عامة تمشي عليها
وتصدقين عاد
انا اشوف الخادمة البي معزبتها
شديدة معاها وكل شي بحيابه
وساعات راحتها اقل
اسنع وتعمر اكثر من اللي
مدلعينها
اسأليني انا

 

[عزة وكبرياء]

شوفي حبيبتي أول ماتيي اقري الدعاء {أاللهم اني اسألك من خيرها وخير ماجبلت عليه وأعوذ بك من شرها وشر ماجبلت عليه } وبالبداية لا تكرفينها وايد بس علميها هذا شلون يتنضف وهذا وين تحطه وشلون تستعمل المنظفات وخصصي لها جدول ايام الاسبوع شنو تسوي كل يوم من تنظيف مثلا الدرايش يوم بالاسبوع والدري بعد يوم بالسبوع والحوش مرتين بالاسبوع والكبت بالمطبخ بعد ترتبه مع الثلاجات وتنظفهم يوم بالاسبوع وجذي خليها تكتب عشان ماتنسى ترآ ترتاحين وايد بهالطريقة وعلميها على النظافة الشخصية وبعد الطباخ كل يوم تتسبح وتبدل ملابسهاووخلي عندها ساعة عشان تصحى الصبح وتخلص شغلها عبال ماتصحين من نومج والله يسخرها حقج يارب​

 

[(*ام عهــــد *)]

ماقصرو البنات
وقولي الدعاء
اللهم استودعك بيتي ومن فيه وأسألك خيرها واعوذ بك من شرها
والله يسخرها لج

 

[*النـــــوف*]

موضوع حلو نفيد ونستفيد :eh_s(17):

انا عندي خدامتين وحده عندي من زمان سنتين وسافرت وردت وسنتين وسافرت وردت هههههه واللحين سنه والسنه الجايه شكلها بتتزوج ماراح ترجع للأسف :eh_s(2): شهر 12 بيكملها 6 سنوات وماراح ترجع ومن سنه جبت معاها وحده تساعدها بس والله ماشوف لها فايده بس شسوي عشان الجهال وانا حامل بعد فالله يعين ..

طريقتي اني اول ما جت كتبت لها ورقه شغلها اليومي وشغلها الإسبوعي وخليتها تكتبه بالسيلاني وعلقته بمغناطيس بالثلاجه وأي شي تنساه اقولها مكتوب صح ؟؟ بس ما أتخانق معاها وكنت اساعدها بالإسبوعي بس اللحين لا بس أشرف عليهم .. وبصراحه الورقه ضاعت بس اللي أتذكره بقوله وهي ماشالله ماشيه عليه بالضبط :.

اليومي :.

- قبل الحضانه تسويلهم ريوق وتلبسهم وتكوي عبايتي
- تغسل المواعين وطبعا الأكواب والقلاصات لهم إسفنجه بروح غير الصحون والجدور
- تغسل الملابس
- تمسح السيراميك
- تغسل الحمامات
- تبطل الدرايش وتهوي البيت
- تغسل المطبخ او تمسحه أو تكنسه حسب لانها والله مو دايما تغسله
- تمسح طاولة المطبخ و سطح الدروج والغبار اللي في البيت من تلفزيون وغيره
- تعقم الرضاعات
- تكوي وتسفط الملابس وتعطرهم بمرش من أمل الكويت أحب مرش انهار ريحة نظافه
- تحط ملابسي وملابس رجلي المكويه والمسفطه بسله مسكره وتعلق الباجي بعلاق الكوي بغرفتها لاجيت من الدوام أخذهم
- تسوي غدا لنا
- العصر مرتاحه او تكمل كوي والمغرب تسويلنا جاي او اي شي خفيف
- تسوي عشا
- تقط الزبالة
- تغسل فوط التنظيف
اممممممم هذا اللي اتذكره

يوم السبت كل إسبوع

- تمسح مسكات البيبان بديتول وهم مفاتيح الليتات
- تمسح الدرايش
- تمسح الثريات
- تنظف الفرن عدل من داخل وتطبخ عيون الجوله بملح ليمون
- تنظف الثلاجه ونقط المنتهي
- تنظف المكنسه الكهربائيه من داخل
- تنظف المكيفات
- نغسل الغساله من داخل بسفجه وصابون وفرك <<يعني نغسل الغساله ههههه فعلا بنات لازم ننظفها
- ارتب دروج المطبخ < تكون مرتبه بس نرد كل شي مكانه بسرعه
- نبدل المملحه والسكريه بملح وفلفل وسكر جديد
- نشوف تاريخ المعلبات و البهارات وهالسوالف < انا لاحطيت بهار بمال البهارات أقص تاريخ الإنتهاء وأقطه داخل العلبه عشان اجيك عليه بين فتره والثانيه
- تنظيف الشفاط فوق الفرن
- تنظيف مراوح الحمامات
- تغسل درام الزبالة والزبايل الصغيره مالت الغرف
- غسل الشراشف و غطا المخدات و الدباجات والبطانيات مالت الإسبوع
- تكنس الستاير والقنفات و ماتحتها يعني نشيل الاسفنج مال القفنه ونكنس تحته بمكنسه كهربا
- تنظف المايكرويف
- تبديل اسفنجات المواعين
- أبدل حلمات الرضاعات بجديد
- تنظف قطع الزوالي بمكنسه ثم ببرش مع كمفرت
- تغسل لعب الجهال والدراجه بصابون وديتول
- أركب لمباة إذا فيه لمباة طافيه
- تبخر البيت كنت ابخره يوميا بس خفت عالجهال صرت مرتين بالإسبوع او ابخر غرفتي واسكر الباب
- تنظيف غرفتي علي طبعا او اكون مشرفه من مسح وكنس وترتيب وتبديل الدباج.. الخ

بالنسبة للتلفون والله مخليه عندهم تلفون لان ماعندي تلفون بشقتي بس قبل لاتنام تحطه على كبت الصاله وماشالله ماشيه على هالشي تحطه كل يوم واجيك على الأرقام كلها سيلان يعني مو مشدده عليهم وهم لاتصارخون عليهم ولا ماراح يقعدون . والحمد لله نفسي حلوه معاهم ونفسهم حلوه معاي حتى خدامات خواتي يحبوني << مداح نفسه هههههه لأني اتكلم معاها بهدوء واعاتبها بهدوء وانا مفهمتهم اني ما أعصب بسرعه نادر ما أعصب بس إذا عصبت لحد يراددني قولي زين وبس وعقبها والله اجي بالليل واعتذر منها اني عصبت وافهمها ليش وهي تقول لاعادي مدام :eh_s(22): مو عيب تعتذرون هم بشر بعد .

بالنسبة لنظافتها والله اهي نظيفه من نفسها أشوفها تتسبح عقب ما تتغدا من ريحة البصل والطبخ مال الغدا والسيلانيات اغلبهم يستخدمون موس بس والله الخدامه الثانيه عالتني ريحتها مو شي صرت اقول لخدامتي الأولى انا بجي واكملج انتي اول جدامها ثم بحاجيها نفس الكلام عشان ماتحسب اني اقصدها بروحها وبجذي افهمها والله نوعا ما صارت احسن من اول .. المهم انتي أشتريلها اغراضها كامله من شامبو وصابون ومعجون وفرشات وديودرنت وبودره وموس ومشط وكماشات وإذا طلبت منج زيت شعر اشتريلها زيت بدون ريحه تلاقينه عند العطار قولي دابر او جوز هند حسب ماتحب اهي بس بدون ريحه يعطيج وفعلا والله ماله ريحه وملابسها اشتريلهم يونيفورم دراعه لان السيلانيات مايحبون البنطلون ومع حجاب بس بصراحه مالتي داخل البيت ماتلبس حجاب بس تلم شعرها فوق وفي يونيفورم دراعه نص كم اريلحهم انا اختي تفصلهم لي عند خياط يم بيت أهلي بس والله حلوين جيبي خامة قطن ناعمه كاروهات او ساده يكون غامج كحلي او عنابي ..الخ مع كلفة بيضا على الجيوب والأكمام والغوله مالة الرقبه وشكلهم اذرب من المحلات يكون مرتب مو عريض مخبخب ولا ضيج و 7 قطع تكلفج عشرين دينارلا مع خياطهم وبالشتا جيبي قطن ثقيل وفصلي كم طويل..

طوووولت عليكم حيييل
أتنمى أكون فدتكم :eh_s(22):
​

 

[ناتشوو]

اي والله فدتينا
يالنوف الله يسخرهم لج
ويكفيج شرهم



يمكن لما تحطون تجربتكم تعتقدون انها شغلات عادية او محد ينتفع منها
بس فعلا تلفتون نظرنا او تنبهونا لبعض الشغلات
خاصة للمعزبات الجدد
اللي ماعندهم خبرة كافية للاستفادة من وجود الخدم

 

[مطرها يسبق رعدها]

مطرها
كل اللي قلتيه اوكي ومعاج فيه
ماعدا
عاملوهم بما يرضي الله علشان يخلصون ويحنون ع عيالكم
لأنه مو شرط
فانا شخصيا اعاملهم بما يرضي الله علشان يرضى عني الله
للاسف مو شرط نحصل اخلاص وطيبة منهم
:eh_s(7):

على الاقل ماراح تحقد

وانا ما انزهم من الخطايا فيه الشين والزين ولكن هذا واجب عليما بنسويه والباقي على الله

 

[مطرها يسبق رعدها]

خخخخخ
انا مااقصد محدد يعني اللي انتي فهمتيه
اقصد اعطيها بريك لهالاوقات فهمتي حبوبه

اشوااا :eh_s(7):

 

[ناتشوو]

على الاقل ماراح تحقد

وانا ما انزهم من الخطايا فيه الشين والزين ولكن هذا واجب عليما بنسويه والباقي على الله

ايوا
مطرهاهذا اللي اقصده
علشان ربنا نحسن المعاملة
بس لا نتوقع بيعاملونا بالمثل دايما
الله يسخرهم لنا ويكفينا شرهم

وين موضوع الحمام الايراني اللي وعدتينا فيه
حسبالج نسيت