اللي خذت قرض حق بيتها تفيدني

[غير كل الناس]

مرحبا كويتيات اشلونكم وشخباركم

بنات انا عندي قسيمه وراتبي كامل ماعلي اقساط 600دينا والحمدلله

اشرايكم اخذ قرض ولا لا جدا متردده وللعلم ان عندي دور ثالث للايجار بس بغيت القرض علشان اشغل التكييف واللمسات الاخيره مو الاثاث
الاثااث ماعندي مشكله مابي ااثث البيت مره وحده والاهل ماراح يقصرون بيساعدونا وابو العيال ماقصر اخذ قرضين والبيت من اروع مايكون بس وقفنا علي اللمسه الاخيره ونحتاج بحدود ال10 الاف

اشرايكم بنات

 

[jolie_q8]

تم نقله للقسم المختص

 

[مرت ريلي]

والله انا رايي لا تاخذين أحسن
شلج بالطلايب، واذا بتكملين
شوي شوي من راتبج كل شهر
أحسن، عالأقل اذا بو عيالج عنده
قرضين يكون واحد منكم عالأقل
ما عنده التزامات قوية حق الطوارئ
يعني عرفتي سبحان الله ما تدرين
شيصير، وبعدين انا أايد ان المرة تحط
وتقط على بيتها بس في حدود المعقول
يعني على كثر استطاعتها بس لا تاخذ
قرض وتوهق روحها عرفتي، خل يكون
عندج مدخول صافي حق الطوارئ والله
يوفقكم ويتمم عليكم ويخليلكم عيالكم

 

[ArEEj]

أنتبهي تأخذين قرض
بياكلونج أكال
وبعدين لازم واحد فيكم راتبه صافي
وما عليه اقساط

 

[هوى الدار]

انا من راي الخوات
ماتدرين باجر تحتاجين شي ضروري لج او للعيال وثنيناتكم معاشكم مقصص وعليكم قروض شتسوون؟؟؟؟؟؟؟
جهزي بيتج على راحتج والهدايا من الاهل بتوفي بعد

يسلموووووو

 

[الجــادل]

صح كلام البنات

 

[الدنـ نور ـيا]

شوفي يالغالية الكل سكن بيته بدون أثاث أهم شي الأساسيات المطابخ وغرف النوم وبعدين شوي شوي ربي يسهلها وتقدرين تأثثين وانت مرتاحة بدون محاتاة القرض والديون والله عن تجربة رفيجتي سكنت بيان حتى ستاير ماعندها ورق جرايد مرت جم سنه واهم على هالحال ليمن الله قدرها شوي شوي وتأثث البيت وانت ماتدرين مستقبلا شني الظروف يمكن تحتاجين القرض لشي أكبر من جذيه عسى الله إيبارك لج فيما أعطاج ويرزقج من حيث لاتحتسبين يارب ويرزقج أنت ومن تحبين بيتا في الجنة يارب.

 

[غير كل الناس]

الله يجزاكم خير جميعا ويوفقكم يارب