اللي دورتهم قربت..بشنو تحسون..نبارك ولا ننطر؟؟

[om-3abodey]

انتي متى اخر مرة يتلج الدورة
والعادة كل 28 شوم ولا شكثر واتييلج ؟؟
نجوم انتي عندج اعيال من قبل ؟
انا عندي بنت بس تكسر خاطري ليمن تشوف اليهال بزوارة امي او بيت خالتي كل اليهال معا خوانهم الي هي بروحها تلاقينها اتيي توقف يمي
عالشان جذي فكرت بالحمال والله كريم ويرزقني بالاخو او الاخت لها

 

[نجوم الثريا]

اخر دوره كانت 16/5
والعاده من موعد دورتي بعدها يومين وتشرف وانا اساسا دورتي مو منتظمه قبل لااتزوج من تزوجت ها جنها انتظمت شوي كل شهر تشرف ولله الحمدلله بس تتاخر لاازم ..

لا والله ماعندي انا توني متزوجه صارلي 6 شهور داخله ب7شهور الحين ..

ياحياتي عسى الله يخليها لج وشدي حيلج وان شاءالله ربي بيرزقج بخواان تؤام لهاا تستانس ..

 

[om-3abodey]

تسلمين حبيبتي والله يرزقج ان شاءالله

انتي الحين صارلج 37 ييوم من عقب اخر دورة
وبعدين انتي توج متزوجة لا تحاتين

 

[نجوم الثريا]

الله يسلمج ويخليلج بنيتج

 

[hazel eyes]

انا امس كان 14 من الابره التفجيريه ومانزلت مع انها الشهر اللي طاف في اليوم 14 شرفت بس انا حللت ومافي حمل حللت هرموني تهقون في حمل بس مابين

 

[نجوم الثريا]

انا امس كان 14 من الابره التفجيريه ومانزلت مع انها الشهر اللي طاف في اليوم 14 شرفت بس انا حللت ومافي حمل حللت هرموني تهقون في حمل بس مابين

ان شاءالله انج حااااااااامل وتبشريناااااا ... لا تحاتين يالغاليه .. تفائلي خيرر ..

هم انا متأخره علي وماظنتي اني حامل لانه موحااااسه بشي كلش كلش .. والله كريم

 

[Alaa84]

آنا الاسبوع الياي دورتي ..الله يستر

اذا يات الحمدالله واذا مايات بعد احسن والف الحمدالله

الله يرزقنا ويرزق الجميع انشالله يارب

 

[ام فوااز]

انا موعد دورتي المفروض انها باجر 23 ومايندرى عاد اهي مو منتظمة ماودي احلل الحين مع ان راح يبن لان صار 16 يوم على الابرة التفجيرية ,,,
مااحس باعراض كلش

 

[om-3abodey]

بنات انا مستغربة انكم تقولن بعد 14 يوم من عقب الابرة يبين اذا في حمال دام انه يبين شحقه الدكتورة معطيتني موعد تحليل اخر الشهر تاريخ 28 \6 جان عطتني ياه عقب ال14 يوم تريح قلبي
اليوم لي 15 يوم من عقب الابرة

 

[سارووه الاموره]

ام عبودي ترا عزكم الله تحليل البول صااج اميه بالميه ماكو شغل ركضي لاقرب صيدليه شوفي لووول بس ترا انا احس كل الي احملو حملهم مفاجاه ف خليج جذي وايد احسن يارب تبشرينا بحمالج ..

 

[om-3abodey]

ساروه امس من لقافتي حللت حتى قبل موعد دورتي بالبيت مافي حمل والمشكلة ان زوجي قاعد يتغشمر معاي قالي اذا هالشهر ما حملتي بزعل حتى لو غشمرة انا تضايقت يعني شي مو بيدنا ودقيت عالصيدلي قالي تحليل البيت ماراح يبين معاج الا اذا كانت الدورة متاخرة

 

[مي الحلوة]

انا دورتي بعد اسبوع..وحاسة باعراضهاااا من الحين ..عوار بالصدر..ونفسية زفت..
واذا جت الدورة ناوية اروح امرخ عند حرمة ..كنت ممرخة عندهاااا الشهر اللى طاف وقالت تعالي لي الشهررر
الجاي..والله يسر امورناااا..ويرزق كل البنات ان شاء الله..

 

[نجوم الثريا]

بناات مانزلت الدوره للحين شرايكم احلل ماودي احلل وانصدم ... !!

 

[نوناتي حياتي]

أهلين نجوم...

انتي كم لج اليوم متأخره عليج ؟؟؟

 

[ام فوااز]

نجوم انا وياج امشي خل نحلل وامرنا لله
انا باجر موعدها بس اهي بالاساس نناخر اسبوع 10 ايام عادي يعني
بس بعرف متى اقدر احلل بعد الابرة التفجيريه صج ب 14 يوم ؟؟؟

 

[ام فوااز]

نجوم ترى مو شرط الاعراض من اول شهر
يعني مولازم اعراض يمكن تحسينها فيها بعدين ويمكن لا

 

[hazel eyes]

بنات نزل علي دم خفيف لونه بني مادري دوره والا شنو لانه نزل قبل موعد الدوره وعادي يكون في حمل والا لا والله البارح حالتي حاله اول ماشفت الدم طول الليل بجي كسرت خاطر زوجي

 

[ام فوااز]

بنات نزل علي دم خفيف لونه بني مادري دوره والا شنو لانه نزل قبل موعد الدوره وعادي يكون في حمل والا لا والله البارح حالتي حاله اول ماشفت الدم طول الليل بجي كسرت خاطر زوجي

ويييي من صجج تبجين هذه كتبة ربج
وان شاءالله ربج مايقصر والله يرزقج يارب انتي بس كثري من الدعاء وخلي ايمانج بالله قوي

 

[om-3abodey]

انا المفروض باجر موعدها وكنت باجر بروح احلل بس ما الله كاتب وشرفت الحمدلله على كل حال

 

[بطة رشيقة]

الله كريم ام عبودى والبنات لا تخاافون الله كريم الله يرزقنا ولا يحرمنا يارب يارب يارب ..