اللي دورتهم قربت..بشنو تحسون..نبارك ولا ننطر؟؟

[chanel N22]

آمين يارب العالمين

 

[بطة رشيقة]

ربى لا تذرنى فردا وانت خير الوااااارثين ... ربى انك ترزقنا ولا تخذلنا يارب يارب ارحمنا يارب يارب يارب ارزقنا الخير ولا تحرمنا يارب يارب يارب ... جمعه مبااااركه يا بنات الله يرزقنا وتوفقنا انا لى الحين ضاااربه شووووط بس مثل ما قلتى مارغريتا ان الله اذا ارااد شى يقووووله كون فيكون ربى يرزقنا يارب يارب ... بس انا باقى لى لى تاريخ 2-8 ايام تبويض وان شالله ربى يفرح قلوووبنا ويرزقنا ولا يحرمنا يارب يارب ...

 

[دلع حياتي]

يارب يرزقنا الحمل السليم المعافى ويرزق كل محروم

 

[مي الحلوة]

رد : اللي دورتهم قربت..بشنو تحسون..نبارك ولا ننطر؟؟

الحمد الله على كل شيء..اليوم نزلت على الدورة..
يارب انك ترزقنى وترزق كل محرومة..
ربي لاتذرني فردا وانت خير الوارثين..

 

[نونه الزعفرانه]

بنات الدوره صار لها 3 ايام متأخره .... اعراضها يتني وراحت بس لي الحين ما يت
بس شيين اللي مخلين احس اني مو حامل اني قاعده آكل كاكاو وايد وويهي فيه حبوب :nocommint:
ضايق خلقي مابيها تنزل :0bee2e8d89:
مااااااااااااااااابيها تنزل
يالله يارب ياكريم يا رزاق ارزقني بالحمل عاجلا غير آجل يالله
اللهم لا تذرني فردا وانت خير الوارثين:yaaaaaarb::yaaaaaarb:

 

[سكر مكر]

يارب الله يفرح قلوبكم ويرزقكم

زعفرانه حللي انا طلع بوجهي حبوب اللي تعور وطلعت بفضل الله حامل

الله يثبت حملي ويرزقكم في اقرب وقت

 

[عجهرس]

ياللله ياااااااااااااااكريم يامن امره بين الكاف والنون يرزقكم ياارب عاجلا غير اجلا بالذريه الصالحه اللي تبركم ياربي وربي اقرى كلامكم وحيل ياثر فيني لدرجة اني دمعت عيني انكم تنطرون الحمل ياربي يرزقكم للعلم انا مو متزوجه بس اعشق الاطفال

 

[غزل البنات]

مرحباااا بنات الله يكتب لنا ولجمبع المحرومات بالذرية الصالحة يارب

انا مسوية تلقيح وباقي على التحليل 5 ايام واحس اليوم بالم خفيف مرة بالدورة بس مو مستمر انشاءالله ماشوووفها الا بعد 9 شهور

 

[حورية الشماااال]

ياااااارب ترزقنا يااارب

 

[غلا عيوني]

رد : اللي دورتهم قربت..بشنو تحسون..نبارك ولا ننطر؟؟

يارحيم ارزقنا بذريه الصالحه

 

[نكهةالبرتقال]

أنا توي مخلصة دورة و مالي خلق أتحرى أيام التبويض هالشهر ..... مخليتها على الله و الله كريم

يمكن إذا نسيت أحمل !

 

[ام عزيزان3]

رد : اللي دورتهم قربت..بشنو تحسون..نبارك ولا ننطر؟؟

يارب يارب يارب ياسامع الصوت وياسابق الفوت وياكاسي العظام لحما بعد الموت...يارب انك ترزق خواتي بقسم تأخر الانجاب عاجلا وليس آجلا يارب....والله اني كل ماأفر بالقسم ادعيليكم ان الله يرزقكم بالضني الي يفرح قلبكم

انا دورتي متأخره 5ايام امس جربت تحليل البيت اول شي طلع خط واحد بس عقب 6او7دقايق طلع خط ثاني خفيييف لونه ومكتوب بالنشره ان عقب عشرين دقيقه خلاص لاتعتمد النتيجه وانا بين الخط الخفيف عقب اقل من 10 دقايق في وحده صار معاها جذيه,,,وانا الحمدلله ماعندي مشاكل والعاده اذا تأخرت علي يوم واحد واسوي تحليل منزلي يبين خط واضح
شرايكم متي اعيد التحليل انطر اسبوع ولاعشر ايام متي يبين الخط الثاني واضح

 

[ام عزيزان3]

رد : اللي دورتهم قربت..بشنو تحسون..نبارك ولا ننطر؟؟

خن اقولكم شنو حسيت قبل موعد الدوره,,,,اول شي انا هالشهر استخدمت جهاز الكشف عن التبويض وجربته من يوم12 من الدوره لان دورتي كل30يوم وبين معاي اخصاب عالي بيوم17..وبعد بجم يوم يمكن 5ايام او6 حسيت بنقزه قويه بالرحم علي جنب ياني احساس انها انغراس البويضه لان مره بولدي الاخير صار معاي هالشي لاحظته جنا غزة درنفيس,,,
وقبل موعدها حسيت صدري لين شوي بس شوي كبران ولما اكون مولابسه ستيان احس في ثقل شوي موعوار
وبعدين لاحظت ريحه غريبه بالبول وفي خطوط مثل شعر صغار لما اتبول,,اعزكم الله
ومااحس باعراض نفس الدوره بس احس بثقل شوي صوب المبيض الايمن يضغط لي اعلي الفخذ
وذاك اليوم بنفس موعد الدوره الي المفروض تييني شلت ولد اختي عمره 1ونص بس رفعته من الارض وقعدته علي المطرح يمي حسيت بارحامي جنا شي تقطع خفت بصراحه حسيت بعوار غريب
وبعد لما اكح وانا منسدحه علي ظهري نفس العوار يحوشني

 

[مناوووي]

الحمدلله على كل حاااااااااال

انزلت علي الدوره تاريخ 30


الله يعووووووضنا يااااااااااااااارب

 

[بطة رشيقة]

السلام عليكم شلوونكم بنات شخباركم ... انا باجر اخر يوم بايام التبويض والحمدلله تصلحت الامور وصار جماع ربى ان شالله يجبر بخااااطرى بالشهر هذا ويكتب لى الخير ما ابى اتحطم مثل كل شهر ربى يفرحنا ربى تبلغنا رمضان بحمل طيب مباارك رربى ان شالله مثل ما بغتنى قبل رمضان قبل 4 سنين بحملى بووولدى تبلغننى هالرمضان بحملى باخوه والا اخته يارب يارب يارب يارب يارب لا ترنى فردا وانت خير الواااارثين يارب يارب .. وانا الحين قاعده اكل الحبوب مالت التنظيم وتقول الدكتووره بعد ما يخلصووون الحبوب ب5 ايام المفروووض تنزل الدوووره واذا ما نزلت حللى وان شالله خير ربى ارزقنى ولا تحرمنى ربى حبيبى ...

ام عزيزان مبروك ان شالله هذا حمل وربى يفرح قلبج ان شالله سوى تحليل دم انا قاريه منق بل الاعراض اللى قلتى عنها حمل باذن الله الله يرزقج ويرزقنا ويفرح قلوووبناي ارب يارب يارب .. \\مناوى حبيبتى الله يعوووض عليج وان شالله هالشهر يكون اخر شهر تشوووفينها .. ربى يفرحج يارب يارب ويفرحنا يارب انك ترزقنا

بنات انا بقولكم انا كل شهر احس بنغزات صووب الرحم حزه التبوويض واحس ان صدرى يعووورنى بس هالشهر غريبه بقى على نهايه التبووويض يوم وما حسيت بولا شى !!!! ما ادرى ما ادرى يارب يارب يارب انك ترزقنا يارب

 

[chanel N22]

مناوي الله يعوضج خير يارب

بطه نفسي الشهر هذا ماحسيت شي يمكن من التفكير!! الله يرزقنا كلنا ويفرحنا بشهر رمضان يارب العالمين

 

[مشتاقة الى الله]

دورتي قربت بس في شيء قريبا راح ابشركم مو الحين

دعواتكم ليا يا حلوات

والله يرزقني وياكم يارب

 

[chanel N22]

ان شاء الله تبشرينا يارب العالمين

 

[بطة رشيقة]

امين يارب ربى يرزقنا يارب

 

[بطة رشيقة]

السلام عليكم شلونكم بنات ...

يارب ربى حبيبى فووووضت امرى اليك وادعوك وارجوك انك ترزقنى ولا تحرمنى وترزق كل خواتى بالتجمع بنات انا اليوم اخر يوم بالتبويض والحمدلله صار جماع اليوم الفير واقول يارب انا سويت اللى على وبذلت الاسباب وان شالله ربى يطعمنى ولا يحرمنى .. ما ابى ادش اطبه برمضان يارب ارزقنى ولا تحرمنى يارب يارب يارب ... الله يرزقنا ولا يحرمنا بس المشكله انى مو قاعده احس بولا شى ولا نغزات ولا عوار صدر ولا اى دليل .. بس كل شى بامر ربى اذا اراد شى يقول له كن فيكوووون .. ربى ارزقنا ربى فرحنا ربى وفقنا يارب انك تفرح قلبى وقلب رريلى وولدى باخت والا اخو امس رحت اشترى هديه حق صديقتى والده والله يا بنات انى بدون شعور قمت الم هدوم الياهال واقول ربى لا تحرمنى انى اي واشترى من هالمكان عاجلا غير اجلا طار قلبى على ملابس البنات يارب يارب يارب فرح قلبى ولا تخذلنى ..