بالنسبه للسكن في عندهم نوعين من السكن :
النوع الاول وهو : فنادق : والفنادق اول شيء غاليه وثاني شي تكون بوسط السوق السنتر .
النوع الثاني وهو : شقق فندقيه : تكون ارخص وفيها غرفة وصاله وحمام او اثنين و مطبخ وغسالة اوتوماتيك واوتي و دفايه و غسالة مواعين و مايكرويف و فرن و ثلاجه وبلكونه.
انا اخذت شقة فندقيه ووايد استانست عليها لان لما وصلنا هناك رحنا الجمعيه واخذنا خفايف مثل بيض وطماط و خضروات حق سلطات و معكرونية و صلصة معكرونية و شبس و خبز وجبن يعني وجبات تصلح لريوق اذا مالنا خلق نطلع قبل الريوق و جبات تصلح حق عشا او غدا اذا مثلا كنا رادين من رحلة وتعبانين .واخنا اللحم و الهمبرغر من بقالة عربيه ذبح اسلامي .لبناني اللي يبيع فيها
بالنسبة للرحلات والسياحه هناك عندج مكتب اسمه مكتب لاوند تلقينه بالسنتر وفي اكثر من واحد هذا مكتب عربي الموظفين اللي فيه عرب لبنانين و اماراتين و سعوديين .
المهم من عندهم تستفسرين عن كل شيء تبينه ويعلمونج ما يقصرون .
حجزنا من عندهم كل الرحلات مع المواصلات و الوجبه على حسب الوقت تكون يا وجبة غداء او عشاء.
دام انتي رايحه شهر عسل انصحج برحلة بالقارب راح يورونج صورته وراح تعرفينه تختارين تبينه بالنهار او بليل انا اخذتها بالنهار وقت الغداء تقريبا الساعه 2 الظهر.
قارب صغير جنه الف ليلة وليلة ومثل بالداخل بوكس فيه مقعدين مقابل بعض داخله ملبس بالفرو الابيض والاحمر وفيه ستاير حمر وموسيقى هاديه و رومانسيه و يفر فيج جولد كوست كلها طبعا شيء خياااااال وروعه الصراحه . صج يصلح حق معاريس .
وفي رحله بليل اسمها زنقارا هذا عرض حلو وايد العرض هذيل سهرات بليل يعني عقب الساعه 8 تقريبا .
وفي مطعم دراكولا حلو بس ما ادري اذا يناسبكم او لا الحلو فيه والغرابه ان كل شيء بالمطعم يخوووف مثلا تشربين العصير بالابرة لونة احمر مثل الدم و الاكل بتابوت و في على شكل جمجمه و موتى مثل الافلام دراكولا وغيره واللى يقدمون نفس الشيء.
الدريم وورلد و سي وورلد و موفي وورلد = عالم الافلام و عالم الاحلام و عالم البحار . هذيل رحلات حلوه عالم الاحلام مثل المدينه الترفيهيه و عالم البحار فيه عروض بحريه و عالم الافلام كل شيء يتعلق بالسينما مثل الفنانين و عروض سينماوحلووو راح يعجبج اكيد.
الريف الاسترالي . مثل حديقة حيوانات و بعد عروض فيه بالحيوانات البريه وتصوير فيها وايد حلو اتصورين مع الكانغرو و الخرفان و غيرهم .
في رحله باخره بليل سهره عشا حلوه وايد . وفي رحله بالغواصه ادشين البحر داخل
وفي رحلات الى جزر و مدن بعيده بالباصات تروحيلها تقريبا الطريج ساعتين وتقعدين فيها من الصبح لي بليل الرحله يعني تردين السكن بليل.
وان شاء الله ما نسيت شيء ولا تخافين هناك بالمكتب نفسه كل شيء يورونكم
طبعا هذا كله بجوووولد كوست بس
وترى على فكره مكتب لاوند موجود باستراليا كلها يعني اتحصلينه بسيدني بعد .
