اللي راحت بوكيت

[BlackRose]

بنات انا خاطري اروح بوكيت اللي بتايلاند

وايد يمدحونها يقولون الطبيعة فيها شي خيال

ممكن اللي راحت تفيدنا بتجربتها

شنو احسن الفنادق؟؟؟؟مطاعم اسلامية؟؟؟؟الاسواق؟؟؟؟؟الاماكن السياحية؟؟؟؟الاسعار؟؟؟

وجان زين اذا في صور اكون شاكرة

 

[Viva La Vanilla]

الصراحة طبيعة بوكيت خلااااااااااااااااابة
بس انا رحتلها قبل تسونامي
سوقهم مو حلو وايد كله شعبي يعني ركزي عالوناسة فيها و التمشي و البحر
و خلي السوق في بانكوك العاصمة
روحي الجزر اللي فيها مادري اذا شايفة فيلم The Beach
يودونج نفس المكان اللي صوروا فيه الفيلم حده مو صج !!!
و البحر شفااااااااااااااف اينن متذكر الاسامي بس اسمها جزيرة بيبي
و جزيرة جيمس بوند روحي اي مكتب سياحة بالجزيرة يرتبولج رحلات
انشالله تستانسين

 

[rawona]

هلا والله .. انا رحت العام شهر 11 وايد استانست ..
كنا ساكنين في Le Meredian Phucket Yacht Club في منطقة اسمها Niharn شي جذي واهي تبعد عن الباتونج بيتش 40 دقيقه بالتاكسي .. كنا قاعدين في سويت عجيب و مميزات هالفندق ان الشاطيء خاص فيه غير عن فنادق الباتونج ..
يمنا كان مكتب سياحي حجزنا عن طريقة للجزر Phiphi Island وفي هالرحلة تروح Maya Bay روعة اللي صورو فيها فلم The Beach مال ليوناردو دي كابريو .. وهم تروحون تسوون سنوركلنج وتروحون جزيره ثالثة بعد Kahi Island اسمها شي جذي ..
و حجزي بعد رحلة James Bond Island هذي مافيها سباحه وايد اكثر شي مناظر وتسوون كانوينج وتركبون الفيل ووناسه والله ..
بعد عندج عرض ال Fantasia هم حلو بعد .. وعندج الباتونج بيتش تقدرون تركبون جت سكي او باراشوت اهناك و في اسواق شعبية .. وسوق ما انصحج تتسوقين في بوكيت السوق بالعاصمة بانكوك وايد احسن ..
اسواق بانكوك:
Siam Paragon عجيب وكله ماركات (كشخه) فيه بعج اكواريوم و سينما
Emprior شي جذي ما اذكر اسمه عدل هم حلو كله ماركات
و Siam Discovery Center هم حلو
وفي اسواق تبيع تقليد و اسواق شعبيه ما اعرف اساميهم لاني ما رحتلهم بس جنهم MBK و Tokyo و Robinson اذا ما غلطت بالاسامي ..
وانشالله اكون فدتج وتروحين وتردين بالسلامة :eh_s(15): ​

 

[babloo]

اختي انا رحت بوكيت وقعدنا بالهوليداي ان في باتونج بيج
بصراحه انا طلعت من ماليزيا ورحت هناك انصدمت لان في فرق كبير بين ماليزيا وتايلند
طبعا تايلاند ولا شي يم ماليزيا ... وبوكيت بالذات بالليل تنقلب الشوارع تنترس بالليدي بوي والمسخره والبارات .. انا رحت هناك حق السوق وطلع يلوع الجبد جنه سوق المهاره عندنا وياريت رخيص!! لا غالي

فما انصحج ... لان الي يستانس هناك اما انه .. عفوا راعي بارات وخرابيط او انه يحب رياضة الرافتنج والتجديف وهالسوالف واحنا عندنا بحر شبعانين منه ما اعتقد انج تدورين بحر ... روحي ماليزيا وماتندمين
احنا قزرنا ايامنا في مجمع صغيرون هناك كنا نلعب فيه بولنج كل يوم

 

[قمر ضاوي33]

انا رحت بوكيت

وااااااي روعة ونااااااااااسة


البنات ما شاء الله ما قصروا

 

[لازوردي]

حبيبتي بوكيت حلوه و حدها بس 4 ايام ولا ترا راح اتملين منها لأنه مافيها غير الجزر و البوكيت فانتاسي و السوق حدث ولا حرج يلوع الجبد ما انصحج بسوقهم انا قعدت في فندقين هناك اول فندق اسمه مانغوستين اهو حلو بس وايد بعيد عن السنتر اللي اهو الباتونغ يعني الدرب 50 دقيقه تقريبا بس الفندق وايد حلو و بعدين قعدنا في الهوليدي ان الصراحه خوش فندق لأنه قريب من كل شي .​

 

[henoo]

بوكت عجيبة يبيلها ناس خفيفة تسبح واتحب الرحلات البحرية والمغامرات
بالنسبة للسوق لا مافيها اهية مال ناس رايحة استحمام سباحة ونوم بالفندق فنادقهم جدا راقية يعني 3 نجوم وايد نظيف وراقي ويعني استايلهم مال ناس رايحين يكيفون حالهم

لاحقة على السوق واللهطة الكويت كلشي فيها سوقها فيه الرخيص والغالي نصيحة روحي غيري جو احسنلج جوهم حر غصدي غيري ابحياتج سوي شئ ماسويتيه ابديرتج يعني رافتنق ركوب الامواج والشلالات ......الخ

 

[rororo4]

مالج الا فندق البنتاي في الباتونج بيتش روعة شوية علية مقابل الشاطئ وفندق اكثر من روعة

 

[الغنادير]

هلا اختي انا رحت لها قبل وبعد تسونامي

بعد تسونامي وايد تغيرت وسوقها صار احلى وكل شي عندهم
والرحلات اللي حق الجزر روووعه عندج جميس بوند وبي بي ايلند وحتى كرابي حلوووه
والفانتسي رووعه تروحين له بالليل وتقدرين تحجزينه مع العشاء

المرديان حلو بس تنقطعين عن الباتونغ بيج بسبب المسافه رايحه وراده

عندج فندق الهوليدي ان

والزين فيه انه جريب من البحر والسوق والفندق رووووعه مستوى وخدمات راقيه

Patong Paragon hotel Phuket

هذي اختي راحت له توه فاتحينه من كم شهر تقووول انه يجنن ماصار

هذا موقعهم بينفعج حق الاسعار وباقي الصور
http://www.asiarooms.com/thailand/phuket/patong_paragon.html

http://www.asiarooms.com/thailand/phuket/holiday_inn.html

هذا موقع كامل لفنادق بانكوك
تختارين المنطقه وتجوفين الفنادق

http://www.asiarooms.com/thailand/

هذا موضووع فيه كل اسواق بانكوك

http://q8yat.net/showthread.php?t=53337

واي سؤال تدللي حاضره لج



​

 

[only]

هلا اختى

هذى اول مشاركه لى بمنتداكم العامر

انا من اربع شهور رحت تايلند وقضينا ببوكت اربع ايام

بالفعل تجنننننن

سكنا بفندق يطل على البوتنج بيتش على ما اذكر اسمه كان بالم بيتش

بصراجه مرررره استانسنا خصوصا ان زوجى راعى بحر وغوص

وطبعا زى ماقالو الاخوات روحى رحله لجزر فىفى او بىبى

روحى جزيرة جيمس بوند

روحى للفنتازيا وهذى لااااااااااااااااااااااازم تروحيها واحجزيها مع العشا

التسوق ما انصح فيه خليه ببانكوك

على فكره فى ببانكوك سوق مرررررره حلو واللى دلنا عليه عايله كويتيه اتعرفنا عليها هناك اسمه سوق سلوم
سوق شعبى بس فيه شغلات مرررررررره حلوه


اتمنى انى افدتك

 

[الغنادير]

يا هلا فيج إختي

تقصدين سلوم بازار .. واايد حلووو ورحت له كذا مره ..

وانصح به بس لاتكشخون وانتوا رايحين له

 

[um wahaby]

حبيبتي بوكت روعه وفيه شغله ماذكروها البنات ... انا رحت لها واستانست واستغربت .. بس عاد انا ما ادري اذا انتي تحبين جذيه ولا لا.... فيه شغله اسمها ليدي مان شو... في سايمون كاباريه ... هذا مثل المسرح يسوون فيه استعراضات بس الغريب فيه ان كل اللي يسوون الاستعراضات رياييل بس جنووس ( تدرين هناك وايد منتشره عندهم هالسالفه) بس والله ماتقولين بالمره هذيل ريااييل .. حلوين وناعمين .... الله لا يبلانا الحمد لله والشكر ... بس بقولج شغله ان رحتي هناك وخلص العرض وطلعتوا بره بتحصلون هالجنوس واقفين لكم بره ... يعني عشان تصورون معاهم ويطلبون منكم فلوس لا تعطونهم ويه ترا استغلاليين واذا كنتوا بتصورون معاهم عطوهم مبالغ رمزيه بيعصبون عليكم بس مالكم شغل حقروهموامشو عنهم .... وتقدرون تحجزونله من الفندق وايي باص يوصلكم ويردكم ... على فكره اهم هناك طريقتهم جذيه اي مكان تحجزين عندهم اهم ياخذونج من الفندق ويردونج( عاد انا رايحتلها من زمان مادري اذا الحين نفس الطريقه ولا لأ) وترا فندق هوليدي ان وايد حلوو فيه احلا منه طبعا بس اهوو موقعه وايد حلوو بوسط اللويه يعني تطلعين من باب الفندق كل شي يمج( اقصد الشارع الرئيسي اللي فيه المطاعم والسوق.. بس سوقهم يلوع الجبد ما انصحج تشترين منه شي ووايد غالي ...اي ونسيت اقولج ريوق الفندق لا تطوفينه كل شي يطري على بالج حاطينه وعند حمام السباحه بس داخل صاله مكيفه ) اذا تحبين الماكولات البحريه راح تستانسين لان اغلب المطاعم الزينه بحري.. بس اهي عيبها رطبه وحاره .. اذا تسبحين وايد زين .... بس انا للاسف ماقدرت اسبح بالفندق سبحت مره عالبحر بس صار لوني روعه ( مع ميكياج وردي ..وااااو).. مو مثل الكويت الشمس تحرق حراق

 

[**يا غالي الاثمان**]

بصراحة البنات ما قصرو قالو كل شي بس فعلا بوكيت روووعة وما تصلح للصغار لان كلها رحلات ومغامرات وكافي خمس ايام لا تسكنين الا الهوليدي ان لانة قريب من البحر وبالسلامة

 

[Om_Ksha]

خووووووووش موضوع ادري انه قديم بس فادني