اللي راحت لاس فيغاس :: شنو احسن و اقوى فندق

[chocolate cake]

هاي بنات

شلونكم

بليز منو راحت لاس فيغاس !

شنو الفنادق الحلوه

انا محتاره بين بلاجيو و ام جي ام


رايكم بلييييز

 

[rawona]

هاي بنات

شلونكم

بليز منو راحت لاس فيغاس !

شنو الفنادق الحلوه

انا محتاره بين بلاجيو و ام جي ام


رايكم بلييييز

امممممممم انا مارحت بس ناويه اروح انشالله جنه ال ام جي ام صار قديم شوي ..

الافضل بالنسبه لي البيلاجيو


جيكي موضوعي "مسافرات امريكا 2009" توني حاطه صور 3 فنادق في لاس فيغاس يمكن يعجبونج:sfg: ​

 

[Simply_The_Best]

انـا شخصياً رحت الفينيشين بعد روعـة و هـم البلاجيـو حلـو و عنـدج سيزر بلاس و سـوق سيزر بلاس روعـة !!!!!!! ما أقدر أوصف لج روعتـه أبي أروح

 

[nanosa78]

يقولون فنيسيا ممتاز

 

[أم أحلى جود]

اعجبتني صور البلاجيو شكله حلو

 

[chocolate cake]

مشكورييييين بنات ما قصرتوا

:*

 

[سياسية]

بلاجيو أحدث فندق ما بين سيزر و فينيسيا وام جي أم..

وايد حلو و روعة من داخل...

وبالنسبة للأسواق..في ملحق صغير جداً داخله أغلبه ماركات عالمية..

هالكلام هذا عن تجربتي الشخصية

 

[نبض قطر]

مافي احلا من فندق ميرياااج
خياااااااااااااااا ل

 

[moon@q8yat]

هلا حبيبتي انا توني صارلي يومين طالعه من فيغس وبلوس انجلوس اللحين احلا فندق عندي بلاجيو وايد عجبني بينهم كلهم والغرف من داخله عجيبه واهتمامهم وايد حلو وبعد في فندق يديد اسمه وين من داخل همن حلو بس ما شفت الغرف ملوته

 

[الجعده]

ام جى ام خوش فندق كبييييييييير وفيه مدينه ملاهى وموقعه زاويه

 

[QATAR QUEEN]

شوفوا wynn رووووووووووعه قعدت فيه بعد ماسكنت في بلانيت هوليوود طبعا مافيه مجال للمقارنة مع اني كنت ماخذة اكبر سويت بس واين صج راقي..

 

[um wahaby]

الرقى فندق بلاس فيقاس اهوو واين

انا سكنت بالفينيشيان بعد يهبل وفي مبنى يديد تابع له اسمه بلازيوو هم واااايد راقي

البلاجيووو افضل موقع بالسنتر

ام جي ام صاير باخر الشارع ونوعا ما صار قديم .. بس اهو مازال اكبر فندق بالعالم

 

[zeezee]

حبيبيتى انا رحتلها 3مرات اول مرة سكنت اكسكليبر علي شكل قصر عشان معاي بنتي وماانصحج فية عااااادي وثاني مرة سكنت بلاجيو وايد حلو بس مدخلة بعيييييد والثالثة كانت مسك الختام سكنت فينيسيا وياسلام اروع فندق سكنتة في حياتي حسيت اني عروس الغرفة كانت مثل السويت اسمها لاكجورة شوفيها عالنت خيالية غرفة وصالة والحمام ماودي اطلع منة

انصحج فية وبشدة وعليج بالعافية

 

[زيـنـه]

بلاجيو روعه .. و موقعه حلو بالنص بين الفنادق .. وغرفه راهيه و مرتبه و مطعمهم البوفيه عجيب غريب ما شفت شي كبره للحين .
و في مول صغير كله بوتيكات الماركات العالميه .
انصحج فيه .

 

[ابو كرم]

اخواتي

والله جيتو بالوقت المناسب

انا بروح لاس فيغس وبجلس فيها يومين وبعدها اروح بر الي لوس انجلس وكمان اجلس يومين

لو سمحتو ابي الخدمه ذي منكم ومستعجل في المدينتين طبعا واكون لكم شاكر:::

1- افضل الفنادق ____ بس تكون رخيصه وزينه___ تعرفون انا طالب ( يعني فقري ) على قد حالي

2- افصل الاماكن الي ازورها سواء حدائق او مطاعم او اسواق او مناظر طبيعيه وغيرها والي ماتنفوت في الزياره

3- المهم :::: هل المدينتين فيها امان

4- والاهم من هذا كله الله يوفقكم ويستر عليكم دنيا واخره ويجعلكم ماتشوفون مكروه لا فيكم ولا في اهلكم والمسلمين عامه

شكرا لكم ترا انا مستعجل لاتبخلون على بالنصيحه

 

[girl_in_abottle]

أبو كرم, جنة مايلوق عليك لقب كويتية ؟؟؟؟؟؟؟؟؟؟؟
ليش؟؟

 

[lolwah]

أبو كرم, جنة مايلوق عليك لقب كويتية ؟؟؟؟؟؟؟؟؟؟؟
ليش؟؟

لووووول

 

[A. style]

عن تجربتي انا قعدت 3 مرات في بيلاجيو وبصراحة لايعلا عليه جدا راقي والناس اللي فيه راقيين يعني ماتحسينهم يهالو
وانصحج بالسالون سويت سعره معقول وفخم حده ويطل على النافورة في الليل شي خيال
وبالنسبة لفندق وين كنت بحجز فيه السفرة اللي طافت بس الكل ذم الستاف وطوف الغرفه مافيها عازل يعني كل شي يصير بالغرفة ينسمع
وقعدت ليله في تريجر ايلاند الغرفة حليوة بس الفندق كله كبل شباب مومريح
وزرت الفنييشن علشان توصلين الغرفة من اللوبي يبيلج مشي 15 دقيقة تخيلي تردين من السوق والفرارة وين فيج حيل توصلين الغرفة
انا عن نفسي اكثر ولاية حبيتها لاس فيغاس حتى السيارة سقتها هناك بمساعدة الجارمن