اللي ريلها ابيض تدش

[أليين]

رد : اللي ريلها ابيض تدش

والله اختى مادرى انا خطبنى واحد امه خاله واهلى كلهم وقفوا ضدى قالوا مستحيييييييييييييييييييييييييل ابوى قال لاء مايصير باجر بتصيرين نفس الغريبه بينهم ومشكله اعيالكم باجر بيطلع واحد ابيض وواحد اسمر اقوولج ثورة صارت على بالبيت ورفضوووه مع انه خووش ريال والناس تمدحه بس سبحان الله الاهل ساعات لهم كلمة وانا اعرف وحده رفيجتى امها بيضه وابوها اسمر وتشوفين فرق اهيا بيضه واختها وااايد سمرة احس ساعات تصير حزازية وغيرة بين الخوات صدقينى هالشئ شفته بعينى ومالج الا الاستخاره انا اهلى كانوا معارضين لكن اذا اهلج واهله موافقين توكلى على الله والناس بتتكلم عنج سواء تزوجتى ابيض او اسمر مايخلووون احد بحاله استخيرى حبيبتى والله يوفجج

 

[AUK GirL]

ارظاء الناس غاية لا تردك

رفيجتي خاله وامها خاله بس ابوهم ابيض وعايشين حياتهم من احسن ما يمكن

ترا في رياييل يحبون الخالات يحبون السمر عادي اهوا يمكن يبيج لانه حاب لونج xD

توكلي على الله ولا تحسسينه بانج مفتشله من لونج ليش انه ابيض عادي استانسي بلونج

 

[احـــ فراشةـــلى]

تبين نصيحتي؟
لاتوافقين باجر كل مايتهاوش معاج يقولج يا الخاله
وبعدين ليش ماتاخذين خال شفيهم الخوال فدييييييييييتهم
والله انا حنطاويه فاتحه وامووووووت على الخوااااااااااااال

 

[shaikhat elbnat]

المشكله مو بالنآس المشكله فيه هو ..

مو يمكن بعد فتره هو إلي يبداء يعلق ..!

ولآ تقولون هو إلي أختآرهآ ..

يآمآ رجآل اختآروا بنآت وبعد الزوآج يبدون يعلقون ..

مثلا انتي ليه دباء انحفي او العكس مع انه شايفهآ قبل الزواج ومختآرهآ ..!


هذا غير سآلفة العيآل إلي بيطلعون نص بيض ونص سمر ..


بصرآحه أنآ مآ أأيد مو حكآية عنصريه بس بالعقل ..

وموفقه إن شاءالله ..

مــــــــــــــــــــعاهـــــــــــــــــا

انا عن نفسي ما احب اخذ واحد احلى مني
و بعدين الرياييل ما منهم امان

 

[أم قمر]

رد : اللي ريلها ابيض تدش

عااادي
انا زوجي ابيض وانا حنطاوية شوي

بس كلش عادي محد له دخل

 

[منال_]

مشكوووووووووووورين حبايبي ريحتوني ان شاءالله راح استخير وعلى الله

 

[منال_]

رفع

 

[منال_]

ااااااااب

 

[نـعـومـه]

رد : اللي ريلها ابيض تدش

اذا عاجبج وعجبتيه خلاص مالج شغل بالناس

 

[+بسبوسة+]

مالج شغل فيهم

اعرف واحد ابييييييييييييييييييييييييييييييييض

خذى وحدة سمممممممممممممممممرررررررررة

وماشالله كاهم متوفقين...

وعندي طالبة ادرسها

ماشالله امها وابوها دايما عندنا متابعينا
وهمن جذي فرق بينهم واااايد


بس اهم شي انه صج يحب السمااااااار
مومتقدملج عشان شي ثاني..
موبس مثلا لانج خوش وحدة ومؤدبة اوكي
لا..
اهو اساسا طله وحده سمره

فهمتي علي؟

 

[فرفر 2010]

رد : اللي ريلها ابيض تدش

حبيبتي لو راده على الناس ترا على
كل شي يعلقون
بس خلي عندج ثقه بنفس
واذا زين لا تردينه

 

[nadoo]

انا مع البنات شكوو من كلام الناس

 

[بحر الذكريات]

الله يوفقكم يارب

 

[miss_math]

رد : اللي ريلها ابيض تدش

حبيبتي أنتِ صاحبة القرار

لو فتحتي باب للناس للتدخل بحياتكِ لن ولم تنتهي من تدخلاتهم

 

[reeem11]

رفع

 

[reeem11]

رفع رفع

 

[فاقده ابوهاااا]

رد : اللي ريلها ابيض تدش

شوفي حبيبتي انا ريلي اسمر شوي بس لي مشيت يمه الناس تعلق اشلون ماخذته والحجي الفاضي بس انا من النوع الي اضرب الناس بالقزمة الاديمه ( يكرم السامع ) محد يهمني كافي الريال طيب معاي وخلوق بس بالنسبه لج وتعكسين الوضع صعبه عليج وانا ما راح اقولج مالج شغل فيهم مثل الباجي انتي فعلا راح تعيشين معاه بس انتي راح تطلعين معاه بكل مكان واذا انتي مستعده تسمعين حجي وتتحملينه توكلي على الله وربي يوفقج بأذن الله بس اذا انتي من النوع الحساس ويسمع كلام الناس وهذا امبين من طرحج للموضوع انا اقول حلات الثوب رقعته منه وفيه يعني باجر لي وصلج حجي او سمعتي تعليق من احد راح تتضايقين وراح تنكدين على الريال وبكل طلعه تشوفين نظرات الناس واسفه حبيبتي اقولج هالحجي بس هذا الواقع المر الاليم احنا عايشين بزمن الكل يعلق على الثاني والله يهديهم ان شاء الله

 

[jtbnmk]

رد : اللي ريلها ابيض تدش

الحين ممكن اسأل سؤال
اهو لمن يه خطبج ماشافج خو مو انتي ركضتي وراه يعني اهو يه وشافج وعجبتيه لو مو عاجبته جان ماخطبج بالاساس
اذا بتشوفين كلام الناس ماراح تخلصين وانشالله يكون من نصيبج ونصيب زين
تري انا ريلي ابيض مني وشهادته اعلى مني ومنصبه احسن مني بس مع هذا اهو مقتنع فيني والي مو عاجبه خل يقول انا اكون صريحه معاج اعاني ساعات من كلام الناس بس بالنهايه اقول شعلي منهم اهو خذاني ومقتنع فيني والناس ماتتكلم الا من الحره ولانه مو حاصل لها
خلي الي يتكلم يتكلم وتوكلي على الله الله يوفقج يااارب

 

[أم رتوجة]

حبيبتي الله يوفقج انشالله
انا نفسج سمرة و زوجي ابيض و الحمدالله صارلنا اربع سنين متزوجين و هالشي ابد ما اثر في علاقتنا ولا مع اهله و عندي بنتين مثل القمر اسم الله عليهم
ان اقول توكلي على الله دام اهوا عاجبه و مقتنع و خوش ريال ليش ترفضينه

 

[Miss.Magro0oda]

رد : اللي ريلها ابيض تدش

الزواج توفيق من الله
اذا حبج خلاص .. لا لون ولا وزن ولا طول ولا شكل ولا اي شي
وعلى فكره انا خالي ابيض وصج صج حلو يعني بنات العايله متحطمين فيه
ابيض يعني تصير شفايفه ورديه لوووول بس شعره اسوووود مو اشقهر يعني شكله حلو مو زلمه
الموووهييييم اخطبوله وحده سمرا ياحلوووووووولهااااا اقصد قلبها مو شكلها طيوووووووووبه ومتربيه وبنت نااااااس
الكل يموت فيها واهو اساسا يموووووووت فيها ومايشوف بالدنيا غيرها
لوووول وحريم خوالي محترين منها ليش ان الكل يحبهاااا ياحلووووها ادب واخلاق ولسان ينقط عسل وعيالها ماشاء الله عليهم على امهم
اي صج وعيالهم بنتهم وحيدتهم بيضه اما الصبيات اربعه واحد ابيض وواحد اسمر بس حده عااااااادي
يعني كلش ماله شغل اللون اهو توفيق من الله وبس