اللي ريلها داش نادي حديد دش ضرووووري

[استبرق أم علاوي]

السلام عليكم


بنات ريايلكم ياخذون حبوب بروتينات
وبودر على نكهات يحطونه مع الحليب ويشربونه


اللي ريلها ياخذ
عادي ولا لا ؟ يعني ماتأثر على الهرمونات او الجينات و على الحيوانات المنويه او تيب العقم لا سمح الله

الصراحه الحبوب تخرع كباااار جنهم رصاص وياخذ 6 باليوم
ماادري شلون يمبلعون اصلن

 

[فراشة البيت]

ما اعتقد لها تاثير البروتينات والبودره هذي علشان ينشف ومكملات غذائيه بس ديري بالج لايتطور ويقز ابر لانه لها تاثير وفيها هرمونات ​

 

[um fawaz]

لالالا حببتي انا كنت نفسج احاتي بس اكتشفت ان الكل ياخذهم

عادي ما تاثر بروتينات عاديه انشالله ماكو الا العافيه

 

[استبرق أم علاوي]

فراشة
لا مايفكر بالابر بس على هل بروتينات
والله خايفه على الجنين يطلع فيه شي الله لايقوله

 

[Vouge]

رد : اللي ريلها داش نادي حديد دش ضرووووري

مو زينين .. الكل ياخذهم بس لو تكلمين دكاتره بقولون لج تسوي بلاوي
خصوصا اذا قاعد ياخذ بكميات كبيرة مثل ما تقولين
او من غير مدرب معتمد دوليا

 

[Killer^Girl]

ياخذ وعادي
الشي الي لازم تخافين منه الابر بس

 

[Fe6aMi]

رد : اللي ريلها داش نادي حديد دش ضرووووري

أمبيييه سالفتج يات بوقتها لان انا بعد ريلي يبي ياخذ الحين بس يقول بسئل لانه خايف ​

 

[jooosy]

امبي لأ انتي ريلج جنه ريلي
عنده نكهتين فراوله وفنيليا يشربهم عقب الاكل
واحبوب اكبيره لونهم اصفر ياخذ ٤ حبات دفعه وحده ورا كل وجبه
وغرشه ثانيه احبوب لونهم جنه ابيض ياخذ منهم جنه وحده
وحده علبتهم فضيه والثانيه سوده
والله ذبحني خايفه عليه يقولي ما فيهم شي وما تضر
وابوي حتى كلمه وما كو فايده
احبوب زوجج نفس احبوب زوجي
بلييييز قوليلي

 

[Sarooii]

شوفي حبيبتي اذا اهوا ياخذ بروتينات مافيها شي
لانه جسم الانسان الطبيعي ما يقدر يتقبل اكثر من 40 جرام من البروتين يوميا
فالباجي راح يطلع
بس اذا ريلج يعاني مشاكل في الكبد او الكلى لا سمح الله .. احسن يراجع طبيب
اما البودره مادري تقصدين مكملات غذائية او اشياء ثانية؟ اهيا شنو اسمها؟​

 

[بدووورة]

مممممم لاعادي حتى ريلي ياخذها وعادي وقال حق المدرب زوجتي حامل قال ماياثر

وهذي مكملات غذائيه وتنشيف مااتاثر ترى

بس الابر الحيوانيه تاثر ومو زين يجامعج

 

[ليلو جبريت]

رد : اللي ريلها داش نادي حديد دش ضرووووري

اخوي ياخذهم ومتزوج وجاب لنا وحش صغير
ما اظنها تاثر بس سالي دكتور​

 

[استبرق أم علاوي]

الحبوب ماركات اول كان ياخذ نوع العلبه بيضه وعقب ماخلصوا الحين العلبه بنفسجيه
والبودر عنده كان جيس كبير جنه خيشه على نكهت فراوله
والحين علبه شكبرها كلها بودر نكهة كاكاو

 

[فراشة البيت]

انا من قبل لا اتزوج ووريلي ياكل فيهم والحمدالله مافي اي شي لا انا ولا العيال ولا ريلي بس الابر وااايد مو زينه حماااي مريض بسبتهم بس ريلي واااايد يذم في الابر ​

 

[ديانا سبنسر]

اذكر لما كنت ملجة كان ريلي ياخذ هالشغلات وحملت وماثر بس عقب قطعهم

 

[ديانا سبنسر]

قصدي عقب مادخلنا :d

 

[بيبي سبايس]

والله ياحبيبتي يؤثر سئلي مجرب انا ريلي كان ياخذ سنة ونص يتعالج يالله حملت

 

[سيلينا]

البودره عباره عن بروتينات ماتاثر على الهرمونات غير عن الابره الي ياخذونهم البعض
من غير رياضه وتخليهم معضلين
بس هذا غير عباره عن بروتينات ومع اللعب حديد يسمن وينتفخ

 

[om--la6oof]

مادري انا ريلي كان ياكل قبل الزواااج عادي مااثر اما الحين ماياكل بس يشيل حديد

 

[استبرق أم علاوي]

مو زينين .. الكل ياخذهم بس لو تكلمين دكاتره بقولون لج تسوي بلاوي
خصوصا اذا قاعد ياخذ بكميات كبيرة مثل ما تقولين
او من غير مدرب معتمد دوليا

والله ياحبيبتي يؤثر سئلي مجرب انا ريلي كان ياخذ سنة ونص يتعالج يالله حملت

وهذا انا اللي حاسه فيه
ان شاء الله بكلم دكتور

 

[سرهيبتي]

عادي اخوي وريلي وعادي امورنا الحمدلله