اللي ريلها يقولها كل شي .. تعالي تعالي ابيج بكلمة رااس !

[ديانا سبنسر]

مع مناير

 

[ملوكة الامورة]

انا نفس الشي كان يسولف ويقولي كل شي
الحين لااااااااااااا
وماعرف السبب

 

[عروس فبراير]

اممم انا ريلي ما يقولي كل شي

 

[انصاريه قمره]

عادي حبييتي كل الرياييل جذي انا ريلي قبل يقولي ويستشيرني الحين ما قام يتكلم وانا نفس الشي ما قمت اقوله شي لانه من النوع اللي يعاير فما احب اطلع اسرار اهلي
وبعدين حتا لو ما قالي شيهمني انا شكو بأهله ومشاكلهم بروحه الانسان يالله يالله نفسه بعد اييب لي سوالف الاوادم

 

[قلبي99]

انا يقول لي. كل شي
بس بعض المرات مايقول اﻻا اذا كنا قاعدين نسولف او انا فتحت موضوع مقارب لموضوعه هني عاد يفضح نفسه ويسولف

 

[om MaRyooM]

مشكورييييييييييييييين حبايبي وايد


ومنكم نستفيد

 

[خالتي قموش]

الريال مهما يقول ومهما يسولف
يجي يوم وتكتشفين انج ما تعرفينه و تنصدمين بلي جدامج

 

[om MaRyooM]

الريال مهما يقول ومهما يسولف
يجي يوم وتكتشفين انج ما تعرفينه و تنصدمين بلي جدامج

:eh_s(10):
اي والله كلامج عدل


لاحول ولاقوة ال بالله .. شنسوي مع هالرياييل بالله

 

[joorey]

يمكن لما يسولف يحس ان صار شكاي او يمكن حاط في باله ان هالسالفه بتضايقج

انا قبل أي موقف يصير أقوله بعدين حسيته يتضايق ويفكر

 

[امـ خــزامـى]

انا زوجي بددددددع فيني خصوصا اول زواجي اشياء يسويها ادري من اهله

وانا ياغافلكم الله مادري ليش مايقولي مع انها اشياء تافففففففففففهه

وفيه اشياء مهمه يقولها لي ؟؟؟؟؟؟تخيلتوا كيف بس !!!
من الاشياء التافهه الا نادرا مايقولي عنها اكتشفها من نفسي
اذا اشترى عطور او ساعه !!!!!
مايقولي ويحاول قدر المستطاع اني ماادري
لاني مررا بس انتقدته قلت له ماله داعي تصرف مبااااااالغ على عطور وحنا عندنا اشياء الزم ناقصتنا كمل الاساسيات عقبها شوف الكماليات اللي تبيها

خلااااااااااااااااص صار كل ماشترى عطور مايقولي


صدق رجال غريييييييبين

 

[relly-story]

اعتقد فضول زايد فيج

وتعودتي يقول كل شي سواء ينفع او لا

بس صدقيني الرجل مايتكلم الا يكون محتاج يفضفض ويرتاح ويسمع رد يزيده راحه

وان تغير اعتقد لان حس قاعد يقول شغلات مالها داعي

وربي يسعدكم

 

[أم دوينة]

ويييه وانا مثلج من اول زواجنا صادتنا مشكله مع اهله الله يسامحهم وكانت بتوصل للطلاق لو حكمة رب العالمين ..
ومنها اذا يكون في خاطره شي او مشاكل مع اهله ما يقول ولا يشكي لي لان يعرف بإلي في قلبي صوبهم وممكن يسمع رد ما يعجبه

ف عادي انا ما ادقق واحقره بس ساعات من زود قهره يقول كلمة يحسسني انه متضايق منهم وانا اسكت ما اتكلم او اقول له معليه حبيبي انت لا تضايق نفسك والله كريم بيفرجها . بس ما اكثر ولا حتى اسأله ليش شصاير شفيك وياهم مع ان الفضول ذابحني لووووووول بس اضغط على نفسي هو وهله ينيازون .

 

[أم دوينة]

---------------------------------------------------------------------------

 

[يآسمينه]

ليته ما يسألني و يتركني على راحتي اسولف في اللي ابيه

يومياً يسألني اسئله جداً دقيقه ولا محقق

لي طلع ساعتين و رجع يسألني شسويت بالضبط و اذا احد اتصل فيني او لا ؟ و يعكس السؤال ( انتي اتصلتي بأحد ) ؟

و اذا اي .. شتبي فلانه ؟ شتقول ؟ بس ؟ مو معقول

كليتي شي ؟ سبحتي ؟ كلشي كلشي يبي يعرف حتى الشوكلاته اللي كلتها من الثلاجه و كاسة الماي

تحملت هالطبع فيه و جاريته بس الحين احس منفجره و مو مرتاحه ابد مو مرتااااحه

احسه بجذي قضى على اسلوبي في الحديث و روح متعته

احسسسسس ان مالي اي خصوصيه كل شعره يعرفها يطلعها من عيني

مليييت من هالنظام والرتابه في نظره

الموضوع جى على الجرح فتكلمت عن قليل من كثير

لأن انا اساساً سهرانه من حرة التفكير بإني مقيده و مخنووقه

للأسف هو مو حاس بهالشي

 

[يآسمينه]

اي و بعد ليتخ ما يجي يصفلي شصار بيومه هو بعد

انا ماحب هالنظام كأنه يسمعلي درس

احب الكلام اللي له داعي

و بوقته

 

[Mjnont '3lay]

اي الحال من بعضه طااف انا متاكده لا بغى يلجا لاحد ويسولف مرح يلجا لغيري والا يكتم ويسكت من جذي عندي طاف لاني واثقه طال الزمن ولا قصر رح اعرف والله

 

[Frawla90]

شوفي يالغالية الخلطة انج تمشين معاه ع الخط وتكونين هاااااادية خصوصاً اذا كانت سوالفه عن مشاكل اهله وخلي ردودج ايجابية وكله قولي الله كريم ، بتنحل ان شاءالله وعطيه مجال واااسع وطووولة بااال عشان يقول كل اللي بخاطره وعن نفسي الحمدلله اسوي خلطتين بوقت واحد ? الاولى اللي تو قلتها والثانيه اني ادلعه واحاول انسييييه واحسسه ان هو عندي بالدنيا واني ما يهون علي اشوفه مهموم ( مع اني بعض مرات اكون معصصصصبه وبنفجر بس اكتم هالعصبيه والحمدلله بالنهاية يهدى ويسمعلي عدل ويسوي اللي اقوله ساعتها بس اقدر ارد ردود سلبيه ويكون هو ايجابي معاي 100٪

 

[الله يجازيك]

انا زوجي يقول لي عن كل شي حتى عن سوالفه السوده قبل الزواج صح اتنرررفز منه عشان سوالفه وسفراته قبل
بس احسسه ان اللي راااح طاف ما يهمني اللي يهمني انك معي الحين غير ولحد الحين يقول لي لاني اسمع له كلي اذون صاغيه وافهم له واسوي نفسي مهتمه حتى لو السالفه سخيفه
اسوي اني منتببهه معهه وهو منا كل شي يقولي عنه

 

[q8iya_ny]

يمكن شاف منج ردة فعل مو متوقعهاا المفروض تسايسينه وتخلينه على جوّه اذا كان متضليق
عشان يلاقي راحته ويعرف منوو الشخص اللي يفضفض له
اما اذا كان متضايق واحد زاد عليه مستحيييل يرجع يقوله شي صح ؟

 

[شـيـوخـهـ]

الي عنده خلطه يعطيني

انا يعتمد على مزاجه مرااااات يخر الاولي والتالي وايام يكون على السايلنت

بس بالاغلب الاحظ لي شافني اسولف معاه بكل شي يبدي يسولف معاي اشوي اشوي