اللي زار لوزان وجنيف يدش

[شكولاتة بلجيكية]

اهلين بنوتات كيفكن وش احلى السكن بجنيف او لوزان وش اقرب لمصنع الشوكلاتة والجبن لوزان او جنيف اتمنى الاجابة على سوالي للاهمية:ggdw:

 

[Samurai]

لوزان اقرب لمصنع الشوكلاته ومصنع الجبن تقريبا 45 دقيقه
ما عندي خلفيه بالسكن في جنيف ولوزان لاني ما حبيتهم .. بس سكنت بمنطقة ديفون قريبه من جنيف وتبعد ربع ساعه عن المطار حلوه وهاديه وراقيه

 

[شكولاتة بلجيكية]

هلا اختي مشكورة على الرد اجل لوزان اقرب طيب ليش ماحبيتيهم

 

[carrot^cake]

ماذكر شنو الاقرب بس مانصح بولا وحده فيهم
زيورخ احلى منهم

 

[شكولاتة بلجيكية]

هلا اختي بس لازم نسكن بوحدة فيهم نشوفهم ونزور المصنع حنا ماانبي المسافة تكون بعيدة

 

[In Geneva]

أنا تقريبا كل صيفية بسويسرا صارلنا جم سنة نقضي العطلة هناك

وطبعا سكنت بجنيف ولوزان وديفون واااايد

اذا ما معاكم سيارة منتو مأجرين سيارة سكنوا في لوزان فندق الموفمبيك الغرف المطلة على البحيرة

وطبعا هذي البحيرة بحيرة ليمان هي اللي تطل عليها جنيف ولوزان وايفيان ومونترو ونيون وغيرهم من القرى والمدن الصغيرة


اذا معاكم سيارة ممكن تسكنون ديفون اذا تحبون الهدوء الزايد

جنيف ما انصحك بالسكن فيها تغيرت ماهي الاولية كثرت فيها السرقات واللوية والمشاكل

مصنع الشوكولاته كنا نروح له من ديفون ومن لوزان عادي

آنسي ومجييف لا تطوفينهم وااااااااايد حلوين

ومن لوزان بالبوت بالبحيرة روحي ايفيان

جنيف روحي لها للتسوق وجربي مطعم مولينو الايطالي موجود بجنيف بوسط السوق وموجود في مونترو على البحيرة

وعندك محل قلوبس وبونجيني مو موجودين بدول ثانية وفيهم الماركات المتنوعة

الخميس بجنيف السوق يسكر متأخر عن كل يوم تقريبا 9 المسا

 

[شكولاتة بلجيكية]

ياعيوني انتي مشكورة حبيبتي الا واللة ماجرين سيارة بس كنت محتارة وين اسكن لان الموفنيك فل والى الان اوجعنيي راسي من كثر مادور فنادق تكون على البحر بلوزان او مونترو اللة يعين ومشكورة مرة ثانية

 

[دنيه سعوديه]

بس كيف جوها بشهر عشر عربي زرتها من سنين ونسيت جوها اظن حلو براد شوي

 

[شكولاتة بلجيكية]

واللة مادري بس اتوقع بشهر 10 برد

 

[Om_Ksha]

مشكووورين