اللي زوجه ثانيه تجيي ضرووووووري

[dantella]

اعتقد الردود مومحايده لان الاغلب خايف ان ينحط مكان الزوجه الاولى
وانتي موصغيره عمرج 26 وحتى لو بييج احد دوم يابكون كبير او متزوج او مطلق
لان نادر بهالعمر تلقين شباب وماتزوجو

 

[G!RLooNa]

امبيه شفيكم عمرها ٢٦ مو ٦٦!!!

توج شباب ماعليج منهم و وايد شباب ماتزوجوا بهالعمر اصلا اغلب الشباب يبدون يدورون بنت بهالعمر

 

[alhnan]

مدري شقولج
بس انتي كبيره شوي ولفرص تقل انا لو بخطب لاخوي بدور له وحده بالثنويه او توها متخرجه من الثنوي
يعني صراحه انتي كيره شوي بس هم انتي ادرى بجمالج وشهادتج والبنات اللي حوالينج على جم يتزوجون
اذا الرجال زين وعاجبج استخيري

 

[يا كويتنا]

شوفي والله والله الذي لا الله الا هو


الوحده تتزوج عازب تتعذب وياه طبع غير واسلوب وتفاهم


فما بالج باختيارج اللي انتي عارفه فيه مشاكل ميه بالميه


انا لو منج ارفض وانطر ابن الحلال اللي اكون اكون اول فرحته



انا ابوي اخذ بنيه عمرها 19 طلقها بعد سنه ليش ما في تفاهم

ابوي نومه بحزه معينه ما يحب الطلعات واجد واهي بنيه توها باول حياتها

 

[classicyah]

استخيري و شوفيْ . .

هل انتي عآدي عندج تآخذين ريآل متزوج ؟

خآصةً عنده 5 أولآد ،

يعني بيكون وقته اكثر شي اهنآك !

فكري بالموضوع من كل النوآحي ،

لآ تآخذين الموضوع على أسآس زوآج و بس ،

فكري بنفسج ، و فيه و بحيآتكم مع وجود زوجه أولى و عيآل . .

الله يوفقجْ و الله يكتب لج الي فيه الخيرْ . .

 

[زوجة عزيز]

انا اقولج اذا خذتيه محد بيتحسف غيرج حتى لو كان مو متزوج فارق العمر كفايه لفشل الزواج لا تدفنين روحج بالحياه معا واحد بالهالعمر مصيبه هالشياب مايدورون الا البنات الصغار ياخذون صحتهم وشبابهم لا تاخذينه حتى لو يعطيج كنزو الدنيا دوري سعادتج احسن لج معا واحد في سنج اشلج ابواحد شبعان من الدنيا

 

[*ريما*]

كبير عليك
فكري بالاول عدل
وموفقة

 

[pusy cat]

شايب ومتزوج وعنده خمس عيال

هذا لو فيه خير مايتزوج علا مرته عقب هالعمر والعشره

ولا يغرج اذا شكله شباب كلها خمس سنين ويكربن

انا ما احرم شي الله حلله لكن عن نفسي لو كنت بموقفج ارفض بدون ما افكر

عالعموم انتي ادرا بمصلحتج وانتي حره بقرارج

 

[pusy cat]

اعتقد الردود مومحايده لان الاغلب خايف ان ينحط مكان الزوجه الاولى
وانتي موصغيره عمرج 26 وحتى لو بييج احد دوم يابكون كبير او متزوج او مطلق
لان نادر بهالعمر تلقين شباب وماتزوجو

مو شرط

خواتي ثنتين ماتزوجو الا عقب ماوصلو 27 و 28 وتزوجو شباب عزوبيه بال 30 و 33

 

[رحيل المرافيء]

انا اقولج لاتاخذينه وايد كبير حتى لو اعزب كبير عليج صراحة
واللي يقولون كبيرة لايبا توج فيه فرص جدامج شدعوة

 

[رحيل المرافيء]

هههههههههههههههههههه
حبي لا تزعلين بس ترى انتي راح تاخذينه مستهلك وطول حياتج الزوجية راح تكونين الثانية بكل شئ
كل شئ راح يكون بالاول حق ام الاعيال والتالي ايي دورج
ودام انج تقولين تجديد حيات عيل باجر بعد سنة سنتين تعيلين وتصيرين قديمه راح يجدد الحياة مع غيرج
هذا اذا ما صرتي الممرضه مالته دوا سكر ودوا ضغط ودهني اريولي واركبي
شالله حادج على المر
والكبير ترا شايف الدنيا مو مال طلعات وروحات وييات خلاص مل من طلعات وروحات الريال بهالعمر يصير بيتوتي
والا راعي دواوين وانتي تنحكرين بالبيت

ادري بتزعلين من كلامي بس الحين تزعلين لج جم دقيقه احسن من انج تزعلين طول عمرج ولا احد داري عنج
لان راح يكون مشترك بينكم يهتم بالاولى واعيالها تالي انتي
كل شئ راح يكون لج شريك فيه
هذا اذا خلتج الاولا واعيالها بحالج

اعوذ بالله منج صج شرشورة
شنووو اللي يضحكج بالله
ليش تتطنزين على البنت
بعدين شنو مستهلك مامستهلك حبوبة هذا بشر مو قطع غيار
شهالتفكير الرسول كان مستهللك بعد
وياما ناس تزوجوا وعدلوا بين حريمهم وفي ناس تزوجوا
ونسى الاولى والثانية هي الكل بالكل

عيب عليج هالكلام في زوجات ثانيات في المنتدى جان راعيتي شعورهم على الاقل
ةالبنت هذا نصيبه اولى ثانية
ولاتستانسين وايد باجر يمكن تكونين الرابعة مو على ابو متزوجة خلاص
والله يرزقج على قد نيتج

 

[MN.collection]

الله يكتب لك اللي فيه خير وصالح

 

[كويتيه شماليه]

اذا تبين تدخلين في دوامه تفتر فيج وتصير جمره في قلبج وافقي والله يعينج وبعدج صغيره

 

[روح غلاها]

انا مو متزوجه ولا جربت شعور الزوجه الاولى ولا الثانيه
بس اذا تبين نصيحتي هالشي حسيت فيه وجربته معنى ماجربت حضن الام ولا مرا غير يدتي الله يخليها لي
بس شعوور ماينوصف لما يكون عندج مرت ابو حتى لو ماكنتي عايشه معاها يكفي ماخذه ابووج منج لا تفكرين فيه ولا بزوجته الاولى فكري بعياله يمكن يسببون لج اذى اذا كبروا وياخذون حق امهم منج
واهو كبير وعنده 5 ومنصب مااتوقع بيكون فاضي لج واذا غير ام عياله ال 5 وزواج 18 سنه راح يغيرج انتي بعد مع الايام

 

[كويتيه شماليه]

صج حبيبتي استخيري يمكن هالزواج يكون خيره لج ومن نصيبج والله يكتب لج اللي فيه خير وآسفه اذا غلطت عليج

 

[نبض حبيبها]

الأخت صاحبة الموضوع تقول:
(اللي زوجة ثانية تجيي)
تبي رأي الزوجة الثانية وما شاء الله اغلب الردود من اللي مو متزوجات أو الزوجات الأوائل!!!!!!

اختي صاحبة الموضوع الله يكتب لج اللي فيه الخير
انا زوجة ثانية والحمدلله الحمدلله الحمدلله مرتاحة بزواجي ومو شرط كل ثانية نفسي الحياة فيها اختلافات


بس إذا انتي شايفة انه زين وما يعيبه شي وقادر يفتح بيتين وانتي مقتنعة واحساسج انه الزوج المناسب توكلي على الله بس حطي ببالج جم شغلة:
1ـ طبعا لازم تشرطين عليه يوم بليلته عندج ويوم بليلته عندها لا تتنازلين عن يومج الا في حال الضرورة.
2ـ طبعا الصرف على البيت الاول يختلف عن الثاني هناك6افراد غير الخدم فمو شرط التساوي بالصرف راح يصرف عليج اللي يكفيج ويصرف عليهم اللي يكفيهم.
3ـ عياله بحاجة له لما يعتمدون على انفسهم لان بالمستقبل عيالج راح يكونون نفس الوضع.
4ـ البيت الاول راح يكون مكهرب اول سنة فراح يبين عليه الضيق والكدر فانتي لا تناقشينه بشي ولا تكرهينه فيج لانه راح ينفجر وومكن تخربين حياتج معاه فالزمي الهدوء لما تعدي الامور على خير.
5ـ مالج شغل بيومها لا تكثرين اتصالات ومسجات.

ودي اكتب بس طولت وإذا انتي قادرة تتحملين هالحياة توكلي على الله
واذا تشوفين نفسج حساسة وما تتحملين يغيب عنج يوم لا والله لا توافقين

الرجال متزوج متزوج سواء انتي ولا غيرج مادام حاط في باله الزواج واقدم على خطوة الخطبة معناه مصمم
والله يرزقج الزوج الصالح ولا تزعلين من بعض النقاط اللي ذكرتها..... استخيري مرة وثنتين وثلاث لان الزواج بكبره فيه الصعوبة حتى الزوجة الوحيدة أحيانا تعاني من زوجها​

 

[@البتووول@]

أنا اشوف ان في فرص جدامج ٢٦موكبيره وشكثر بنات تزوجو بهالعمر واكبر شوي استخيري أشوفها صعبه بعمرج وتاخذ متزوج ومعيل وماشاءالله 5 صعبه لوكنتي اكبر يعني بالثلاثينات اقول اي ممكن بس 26صغيره عموما استخيري والله يكتبلج اللي فيه الخير*

 

[جروح ودموع]

صدقيني اختي راح تندمين العمر كله انتي الحين مو حاسه بهالشي بس لما تصير الصجيه بتدشين بمشاكل وقهر ماله داعي واعتقد مو ناقصج شي ويمكن يجي لج نصيب احسن منه وخلي المنصب ترى راحة البال افضل من اكبر المناصب وهذا راي الشخصي والقرار لج طبعا

 

[ملااااك الروووح]

شوفي انا بقولج تجارب اللي أعرفهم،، سبحان الله الأولى راح يرتفع سوقها وراح يزيد حبه لها واكثر الصرف عليها وعلى اعيالها،، وأنتي ماتدرين يمكن يبيج وناسه مايبي عيال لان عنده ويبي مكان هادي،،، وانتي اول زواج لج وبكر وتبين تستانسين وأنا أبصم بالعشره ،،، انج بشهر العسل راح تستانسين وناسه موطبيعيه وراح اتحسين انج ملكتيه ،،،، بس فجأه راح يروح ينام عند الأولى،، وشوفي وقتها اشلون الحره والغيره والندم لانج بهالجم يوم عشقتيه وفجأه راح تصحين من الحلم،،وقتها راح تكونين بورطه لاأنتي إللي قادره ترجعين،، وراح تحسين بصعوبه بالاستمرار،،، وهو راح يفز فيج جم يوم <شوشة عروس > على قولتهم،،،، وراح تضغطين على نفسج علشان ترضينه وتحاولين قد ماتقدرين ماتكونين نفس اطباع الآولى علشان تتميزين،،،وعلشان المدح،،،بس صدقيني راااااااح تتعبين بتنازلين عن حقوقج وراح تكتمين غضبج وزعلج ولاراح تقدرين اتعبرين عن رايج لأنج في منافسه مع الآولى،،، اما الأولي فماراح تخسر شي راح اتعيش ملكه واتعبر عن رايها وتاخذ حقوقها وحقوق عيالها كامله امكمله....... وانا من وجهة أن هذا الرجال ابد مافي مشاكل بينه وبين زوجته مشاكل معقده،،، وينه كل هالسنين ليش ماطلقها من زمان ليش استمر للحين على الاقل مايكثر جهال منها،،،، لأن اللي اعرفه المشاكل اول 3 او 4 سنوات مو 10 سنين او اكثر،،، يبي يقول ماقدرت اطلقها علشان الجهال وأنا أقول < إللي مايقعدها جسدها مايقعدها ولدها>
وانتي تقولين منصب ،،، ياحلو منصبه اذا كنت الأولي،،،بس حبيبتي لاتزعلين انا قاعده اقولج التجارب إللي حاولي،،، وترى الزوجه الثانيه غيرتها من الاولى أكثر بكثير من غيرة الأولي،،،
انا اشوف الحياة جدامج وكثري من الدعاء،،،،،
إلا اذا انتي وضعج عند أهلج صعب لاسامح الله وتبين ترتاحين من وضعج،،،،مع إن احنا يالكويتيات عايشين بعز ودلع عند اهالينا الله يخليهم لنا ،،،،والله يوفقج للي فيه الخير،،،، ولاتزعلين انتي طلبتي النصيحه [ /COLOR]

 

[سحـورة]

دام رجع مره ثانيه / أنصحج توافقين ،
و دام عنده أخلاق ومحترم ومؤدب
شو تبين ف شباب هالأيام أغلبهم مطلقين إلا من رحم ربي ..


يمكن يكون ردي مغاير للبقيه ،
لكن شوفي الأفضل لج ... سبحان الله يمكن هالشيء خيره لج
و بعدين أغلب الازواج يكتفون بـزووجتين ، لا تهتمين بمبالغه البنات


أنصحج أنصحج إستخيري مره وثانيه وثالثه
ولا خاب من إستخار .. ربي يوفقج حبيبتي



/


اللي تقول تبني حياتج على تعاسه غيرج ،
أقولها إستغفري ربج ... الرجل بنفسه طالب إيدها ويبا بالحلال و شرعا