اللي سافرت امرٍيـكــا بليــزٍ تـدش ؟؟

[دنيا جديده]

مرحبا بنااات

عندي سؤال للي سافروا امريكا ابي اعرف جم كلفتج التذاكر مع السكن مع التكاسي
واذا تذكرون بعد مع الاكل والمشترياات واللي يعااافيكم جم بالضبط الفين ثلاثه اربعه؟؟
فيدوني تكفون ابي اعرف

 

[دنيا جديده]

:0bee2e8d89:شــدعواا محد رد

 

[رورو الحلوه]

قصدج حق الشخص ولا شنو

شوفي احنا رحنا امريكا قبل جم سنه يعني قبل موجه الغلاء اللي حايشه العالم شوفي انه واخواني سته مع امي وابوي نطلع ثمانيه اربع تذاكر حق الكبار واربع حق الصغار قعدنا شهر مع التذاكر وكل شي تقريبا 15 ألف اكثر شوي مع العلم ان ابوي دارس هناك ومضبط كل شي يعني مو عليمي يقصون عليه بس رحلتنا كانت معبره فرينا امريكا من شمالها لي جنوبها

 

[Yasmain]

تقريبا احنا كلفتنا 10 الاف ..... بس هذا بشهر ونص , واحنا 5 افراد

امريكا ترى يبيلها هممممجه عشان ما تقصقصين على نفسج وتكونين راهيه.


وسلامتج

 

[اميرة الغيد]

عزيزتي انا رحت لامريكا قبل كم سنه
السعر اللي حطوه اكيد 5 نجوم يعني ماخذين السكن غالي ويمكن بعد عشان العدد كبير ، ما كو شي اسمه التكلفه بالضبط ، باي مكان بالعالم تلقين مثلا فندق 5 نجوم اكيد مو نفس سعر 3 نجوم او الشقه يعني حسب انتي وين بتقعدين ، وبامريكا يفرق بعد حسب الولايه .
انا رحت بنسلفانيا رخيصه حيل بالسكن وشقتنا كانت حلوه ، السوق رخيص حيل الماركات الامريكيه رخيصه بس الفرنسيه مثل سعر الكويت ، اغلى شي بامريكا تذكرة الطيارة ، الاكل بعد مو غالي ، بالنسبه للمواصلات احسن شي تأجرين سيارة والتاجير موغالي واحسن شي شركة dollar لتأجير السيارات معروفه هناك ، يمكن لان منطقتنا كانت المقر التجاري لهم من جذي اسواقها رخيصه وحلوه. اتمنى اكون فدتج

 

[رورو الحلوه]

شوفي حبيبتي اهي مو غاليه صج امريكا ارخص من اوربا بوااااااايد تبين الرخيص موجود وتبين الغالي موجود مو نفس اوربا غالي ويلوع الجبد بس اقولج احنا بكلفورنيا سكنا منتجع بفيلا 4 غرف ومعاها حوض عجيبها انصحج فيها اذا تبين اسئلج ابوي عن اسمها بس منتجع وااااااايد حلو جنه منطقه راقيه بروحها فيها سوبر ماركت ومرافق وكلفتنا واايد لأن احنا من النوع اللي ناخذ راحتنا وااااايد بالسفر يعني مسافرين ليييييش نقصر على عمرنا وكل الفنادق اللي سكنا فييها 5 نجوم والتشري عاااااااد اللي ما يخلص عشان جذي يمكن طلع وااااااااايد
بيت خالي احنا رادين واهم راحو عقبنا بنفس العطله صرفوا اقل منا بوااااايد مع انهم 6 اشخاص بس كل شخص وحسب مصرفه

 

[rawona]

احنا العام رحنا 2كبار وطفله كلفتنا تذاكر وسكن وسياره ومصرف وحدايق وملاهي ومطاعم وسوق كل شي كل شي تقريبا 6000 دينار هذا شامل كل شي حتى الضرايب وتأمين السياره .. وهالسنه بعد بنروح وزايدين طفله وراح تكلفنا مع كل شي تقريبا 7000 الى 8000 دينار والمده شهر .. ومايندرى يمكن نروح كروز وتزيد المصاريف اشوي بس انا اقولج احنا نسافر ما نقصر على عمرنا بشي لا من مطاعم ولا سوق "انا وحده راعية تشري" يعني عادي اشتري كل اللي بخاطري وحق سنه كامله لي جدام لووول


يمكن يطلع عليكم ارخص على حسب المده اللي بتقعدونها والسكن والسياره يعني هذي كلها اشياء تكلف ..

ولا تخترعين مثل ما قلتلج يمكن تطلع ارخص عليكم لان كل واحد وطريقته بالصرف ​

 

[دنيا جديده]

مشكووووووووووورين حبايبي كلن بنكه واللي رد علي
بس بصراحه صدمتووني 12 الف.؟؟ 6000 .؟؟ امبيه حنا بس شخصييين ونبي فلوريداا وبس
وماقصرتوااااا على ردودكم ياحلويييييييييييين

 

[دنيا جديده]

بناات شلون لو بروح من نيويورك الى فلوريدا يعني بطياره جم ساعه؟ جم التذكره

 

[rawona]

بناات شلون لو بروح من نيويورك الى فلوريدا يعني بطياره جم ساعه؟ جم التذكره

المده من نيويورك الى اورلاندو /فلوريدا ساعتين ونص تقريبا بالطياره والتذكره على حسب من وين تحجزينها ومتى تحجزينها واي طيران والاسعار تتراوح من 60 دينار الى 130 دينار على حسب ..

موفقه ​