اللي سافرت ماليزيا تدخل

[نبض الجروح]

قووه بنااات


انا وزوجي ناوين ان شاء الله نروح لماليزيا بعطله 15

يعني تقريبا بعد اسبوعين

وليلحين ماحجزنا

وابي اعرف منكم شنو احسن طريقه للحجز عن طريق الانترنت ولا السفريات

واي موقع واي سفريات تنصحوني فيهم

ابي اسعار مناسبه

احنا مفكرين نروح لنكاوي فندق برجايا ابي اعرف فيها طيران دولي ولا لازم قبل اروح لكولالمبور

لان المدن انا مااحبها وهذي اول سفره لنا وتونا معاريس 3 شهور وابيها تكون رومانسيه وطبيعه

ولا المشتريات ماتهمني

واذا لازم نروح كولالمبور ابي اعرف جم اسعار الطيران الداخلي او القوارب اللي توصلنا للنكاوي


واي نصيحه

كلي اذان صااغيه


تحياتي

 

[مشتطة وبس]

السفريات اضمن ونفس الاسعار تقريبا.............روحي سفريات ريتز والديوان - ببس شوفي الفنادق بالنت والطيران الداخلي من كوالا الى لنكاوي بالنت بعد موقع airasia-واتوقع لازم تروحين كوالمبور تمشي يومين وبعدين روحي لنكاوي......والطيران رخيص وايد 20 او اقل ..........وموفقة واقري المواضيع السابقة تفيدج.............ودشي موقع دليل ماليزيا ووووووووايد يفيد........وبالتوفيج

 

[مشتطة وبس]

الحين طيران الاتحادة والامارات مسوين عرض لايطوفج التذكرة ب 150--
وبعد على طاري المدن ترا كوالالمبور مو مدينة بس وايد فيها اماكن حلوة وطبيعة تونس مو بس سوق

 

[نبض الجروح]

مشكوورين

وعلى الطيران لا انا بروح بالكويتيه

لان زوجي تطلع له تذكره ببلاش لانه ابوه بالخطوط

انزين

ابي اعرف جم يكلفنا

اذا انا تذكره ونروح لكوالمبور يومين وبعدها 8 ايام بلنكاوي

يعني جم تتوقعون

 

[ArEEj]

فندق لانكاوي برجايا بيتش اللى نظام شاليهات
سعر الليله فيه لا تقل عن 60 دينار على خبري قبل سنتين
ما ادرى الحين تغيرت اسعاره ولا لا
وبعدين اذا انتى ما تبين كوالمبور تقدرين اول ما توصلين المطارتاخذين طيران داخلى على طول
وروحى لنكاوي اصلا اغلب الناس يسوون جذى والمسافه ساعه او اقل

يعنى اذا ما تبين السوق ما راح تكلف عليج السفره
تذكره على الكويتيه حوالى 250
الحين طيران الاتحاد مسوى عرض التذكره 100 دينار بس
والسكن لمده 10 ايام حوالى 500
واذا تعرفون تحجزون عن طريق النت فيكون افضل الاسعار تقل اكثر
اما اذا ما تبون عباله وعوار راس
روحى سفريات المستقبل

 

[الكادي 1981]

8 أيام بلنكاوي؟؟؟؟؟!!!!! وااااجــد !!!! 4 أيام وواجــد عليييهاااا

 

[شهدQ]

من مطار كوالمبور تاخذين طيران عندهم اقتصادي ااسمه اير اسيا رخيص حيل يمكن 6 او 7 دنانير الشخص بس لازم تحجزيله عن طريق النت لان السفريات مايتعاملون معاه

اتوقه روحه ورده لشخصين مو اكثر من 40 دينار

طبعا كل ماجزتي مبجر ااسعار تقل

 

[شهدQ]

اي وانا اشوف حرام 8 ايام

خليها 3 ايام لنكاوي و4 ايام بينانج

 

[almazyona]

مرحبا صبايا

بنات اللي راحوا لنكاوي شنو احسن فندق برجايا او الشيراتون!!!!

 

[cheese cake 84]

شوفي حبيبتي انا رحت ماليزيا قبل سنتين ورحت مكتب سفريات رتبولي كل الرحله وفكيت عمري واضملج بعد حتى الطيران الداخلي اهم يحجزولج اياه وخل يورونج الفنادق بالصور عندهم قبل لاتحجزين بس والله خووش ديره وواايد راح تستانسين:33_1185028183:

 

[إستبرق]

حبيبتي انا رحت شهر 10 ماليزيا ورحت لنكاوي وسكنت فبرجايا لنكاوي الفندق حلو ونظيف ونظام شاليهات وانا خذيت الفيو على البحر الغرفه ديولكس بس ككل الكووخ ماعجبني واايد لانه شوي قديم خاصه تكرمين الحمام بس الحلو انه نظيف ومافيه حشرات وهالسوالف وبعد خذيت الرحلات من الفندق احلى وايد من لما رحله بروحج لان الرحله مع الفندق من الصبح لي العصر بس الي بروحج بس 3 ساعات ولا سعر الفندق بعد ارخص من الي بروحج والصراحه لنكاوي تهببببببببببل بس ترى مو ماله 8 ايام لا اربع ايام وبس وبننق انا ماحبيتها بس اذا انتي ماتبين كوالالمبور روحي بننق الايام الباقيه والطيران والفنادق حجزتهم من النت الطيران الداخلي في روحه من كوالا حق لنكاوي على الاير اسيا بس من لنكاوي حق بننق مافي بالاير اسيا في بالفير فلاي ومن بننق حق لنكاوي في بالاير اسيا
والفندق ماكان ب60 لا ارخص وحجزته من سايت اسيا ترفل والطيران حجزته من اير اسيا ومن فير فلاي ورخيييييييص

 

[صبــا]

الأفضل حجز تذكرة لانكاوي من اي مكتب قبل السفر
والذهاب لها من مطار كوالالمبور الى مطار لنكاوي بمسافه ساعه تقريبا ..
وترى 8 أيام كثيررررر
يناسبها 4ليالي لا أكثر

هناك مدن هادئه وجميله جدا تستحق ايضا ..
القريه الفرنسيه "بوكيت تنجي " وتبعد عن كوالا ساعه ونص بالسياره
تستحق ليلتان ..

ايضا الاقامه في فندق قصر الخيول الذهبيه رائع (ليلتان ) وهو بكوالالمبور لكنه في منتصف البحيرة
واي سؤال انا حاضرة .. فلقد سبق وزرتها 3 مرات ..


بالتوفيق عزيزتي

 

[khawla&tito]

اب
اب

اب

 

[انغام السما]

0060133353312

مرشد سياحى وسائق عربى فى ماليزيا ​