اللي ساكنه عند حمولتها كم مره ؟؟؟

[نونو العصله]

رد : اللي ساكنه عند حمولتها كم مره ؟؟؟

انا في بداية زواجي كنت ساكنه عندهم كنت دايما عندهم بس نتريق ننزل تحت و بعد بليل و المغرب ننزل ساعتين 3 تقريبا كنا ننزل يوميا لانه هو ينزل الديوانيه و انا اروح عندهم ومرات هم يطردونا بس بذرابه على ابو ان عرسان يعني هم مو جابرينا ننزل بس تغيير احسن ما اقعد بروحي مجابله الطوف

 

[نوツ]

انا بيسكني عن حمولتي بس وايد متخوفه بس بحاول اكسبهم جذيه اريح راسي

 

[كاليفورنيا]

انا قبل 4او 5مرات واذا حمواتي موجودات همن انزل بس بعد مادخل ولدي الروضه سرت انزل بالاسبوع مره مرتين

 

[قلبي سلومي]

انا اقول خليها 3 مرات بالاسبوع نصيحة والله عن المشاكل

عن تجربة نصيحة

وقعدي من ساعة الى ساعتين


ولا تسولفين كل اللي عندج الجواب يدوب قد السؤال

ونزلتج خليها مجاملة او تطيبن خاطر وبس

 

[Om_3bady]

انا نفس روتين اختي
Eng^^zozo
بالضبط 

 

[يكفيني حنانك..]

امممممممممم ساكنه لحالي
واب اب لعنونك

 

[بولندية]

انا الغدا يوميا عندهم و اجباري بصراحة لووول

والنزلة الاغلبية انزل لهم مع ريلي

 

[كتكوته ورديه]

قبل يوميا بدقيقه الحين لا ما انزل الا ومره اسبوع ومرات الامتحانات ما نزل كلش

 

[عاشقة_الجمال]

انا قاعده معاهم لين ارووح انام

حبا فيهم طبعا مع انهم صح مرات يزعلووني بس اتووقع مو قاصدين

وولدي يحبهم ويحب قعدتهم بعد اهله يا ربي

 

[دلوعة مبارك]

انا عن نفســـي انزل اتغدا واصعد لشقتي وبعدين انزل بعد صلاة المغرب واصعد ع الساعة 10 او 11 وعلاقتي معاهم رسمية لا اتدخل بأمورهم و لاهم يتدخلون صج اسمع كلام من خالاتة و ساعات اختة وامة بس اهم شي ان الشينة ما تطلع مني عشان زوجي " طيـــب معــاي و اموت فية " وبما اني ولدت ببتتغير شغلات واجد لأن اول كنت اضطر انزل لأن يضيق خلقي بس الحين عندي ولدي ...

 

[جولينار]

والله احيان تمر ايام ما اطلع لهم


واحيان بشكل يومي


وانا شخصيا بيتوتيه

ماحب القرق الكثير والقعده الطويلة


واعترف مقصره من هالناحية


وحتى عمتي تنتقدني في وجهي هههههههه


تقول لا تطلعين ولا تجيني انا داايم اكون لحالي وطفشانه


ان شاء الله اغير الوضع واجيب حل يرضي الطرفين ( انا وعمتي )

 

[LeeMa q8]

اممممممم اول شي اجاوبج ::

انا انزل اجباري ...._( لاني لو مانزلت شفيج مريضه فيج شي !!! وازعجوني وعكروا مودي !!! وهمه اصلا مايبوني بس جذي انتي موجوده بالبيت ولالا !!@


اممممم

قبل تخيلي يوميا حتى ما اسير لاهلي ولا لخواتي مجابلتهم ونادرا ماطلع لاني ملتزمه فيهم

عقب سنه ضربتهم بالحيطه ع قولت المصرين يوم انزل يوم 2 عندي شغل 3 طالعه اجيب شغل يوم انزل يوم رايحه لاهلي وهيكي انتهى الاسبوع واشوفهم الاسبوع الجاي ونفس الطريقه ....!

وبس

 

[ضحاوي الديره]

متى مافضيت نزلت عادي ماكو وقت محدد
ومرات اطول حيييييييييييل ومرات لا ساعه او ساعتين واصعد
والنزله دااااااااااااايم نزلة حب الله يديمه
وتكون نزلة واجب اذا احد زايرنا بالبيت ومالي خلق نزله

 

[رشرشني بعطره]

كم مره تنزلين عند حمولتج يوميا او بالاسبوع او كم ؟؟
طول الاسبوع أنزل ماعدا الويك اند وانزل بعد المغرب علشان اتقهوى وسوالف ووناسة

واذا نزلتي كم تقعدين تقريبا ؟؟
تقريبا 3 ساعات
ونزلتي اكيد حب وهم بنفس الوقت مجاملة أكيد
​

 

[فله]

انا اقول خليها 3 مرات بالاسبوع نصيحة والله عن المشاكل

عن تجربة نصيحة

وقعدي من ساعة الى ساعتين


ولا تسولفين كل اللي عندج الجواب يدوب قد السؤال

ونزلتج خليها مجاملة او تطيبن خاطر وبس

عجبني ردج شوفي وانا اختج اسمعي نصيحة وحدة مثلي ماسمعتتها من خبالها خليج رسمية تراهم مهما طابو مهم اهلج خليج رسمية جيبي الخير معاج وافتكي لايدرون عن خافيج ولا خصوصياتج

 

[أم متعب 66]

شنو اللي تقول ماقعد كثير في جذي؟؟؟؟


شدعوه ترا هذولي اهلج الثانين

ترا كما تدين تدان

يارب يرزقنه باللي مرحات وينزلوون بكل حزه ووناسه

ويبعد عنه المزاجيات

 

[المستغفرة 74]

انا مع الحشر بين الناس عيد
احب انزل وما اصعد الا للضرورة واشيك على وضع شقتي وان الامور طيبة فيها وبعدها انزل اكمل القعدة
واكيد حب وعشان العين ( خالتي ) تكرم الف عين
نقعد نسولف ونشوف تلفزيون ونتقهوى ونحش وبس
وطبعا هذا كان ماضي
الماضي الجميبل لان طلع بيتي وصرت ما اسير عليهم الا بالاسبوع مرة او مرتين
وصج صج خالتي فاقدتني حييييييييييييل مع ان عندها جناين 4
وحتى عمي الله يطول بعمرة ويعافية لما ازورهم يحتار شيسوي تشوفينة يطلب لي عشا يصب لي قهوة
يحسسني اني ملكة الصالة

 

[امل يائس]

يعتي على حسب همه مشغولين والا انا مشغوله والا عطله حسب الاوضاع الاجتماعيه هههههههههه

 

[رهف المذهله]

انا قبل كنت انزل كل يوم علي الغدا بس يوم ولدت ما انزل كل يوم يعني مرات اذا في احد وانزل عشان اسلم واقعد شوووووووووي وبس

 

[جروح ودموع]

لما كنت ساكنه عند حمولتي كنت طول اليوم اقعد معاهم وادش المطبخ معاهم واتابع المسلسلات معاهم وانا الحين الحمدلله ساكنه في بيت بروحي وازورهم بالويك اند يعني زواره