اللي ساكنه في بيت اهل ريلها تدش

[مياسه الحساسه]

السلام عليكم
بنات انا ساكنه مع اهل ريلي في نفس البيت بس لي شقه لحالي
المهم
ان ام ريلي تجي في اي وقت في اليوم ..يعني ممكن تييني العصر او المغرب ..تزورني ماتقصر معاي
بتقولو المشكله وين؟
بنات انا اصحى الفجر او 6 الصبح يعني بدري ...على العصر او المغرب اكون تعباانه ةطافيه ابي ارتاح
المهم احط راسي وانام ..
واحيان نومي يتلخبط وانام واواصل ..
المشكله ام ريلي تجي بيتي واحيان اكون نايمه ..اول ما اقوم واسلم عليها ..تقولي انتي كل ما اجيك نايمه :eh_s(1):..
يعني قاهرني انها تحكم اني طول اليوم نايمه وانا من الفجر صاحيه:eh_s(14): ..
وكم مره تقولي هالسالفه
اليوم كنت تعبانه جاتني دوخه وريحت العصر لاني من اول في المطبخ اسوي الغدا وتعبت
جات عل المغرب كنت نايمه ..سمعت صوتها وصحيت ونفس السالفه انتي كل ما اجيك نايمه:eh_s(16): ..
مو بس كذا يابنات حتى يوم اطلع مع ريلي .. يقولون انتي بس برا البيت !!!:eh_s(4):
تقول انتي دايم ماتجلسين ..
يعني انا ما احب هالاسلوب ولا احب احد يعلق على حياتي ( ومثل مايقولون البيوت اسرار )
هاذا شي بيني وبين زوجي وهاذي حياتنا :eh_s(17):..
طلعنا نمنا برا البيت سافرنا ...محد له دخل ........اهم شي انا وريلي متفقين:eh_s(15):
وصراحه اكثر ما يضيقني انهم مفهمين الناس اني يا نايمه يا برا بيتي !!!!!
برغم اني اكون في بيتي وجالسه مع عيالي ...لا احد سأل قالو يمكن نايمه او برا !!
طيب اتصلوا تاكدو وش وضعي ...ليه يحسسوا الناس اني نايمه ولا برا ...كأن ماعندي شغله في الحياه ..
انا ما انكر ام ريلي حرمه عوده وقلبها طيب.. بس يضايقني كلامها :eh_s(2):
احس تدافش بالكلام والتعليقاات
وانا صراحه ما احب ارد عليها لانها مرا عوده ...الوالده في عمر بناتها ..يعني هي مثل يدتي
وانا احترمها واقدرها ..
ومثل مايقولون (لجل عين تكرم مدينه):eh_s(17):
عشان ريلي وعشانها مرا عوده استحملهاا
بس اكثر شي يضايق يوم تفشلني مع النااس:eh_s(16): ..
بنات انتو كيف تتصرفوا مع ام ريلكم لو كان اسلوبها كذا ؟؟ وكيف ممكن تردون بأدب على تعليقاتهاا سواء هي او غيرها من اهل ريلي ؟

 

[سكوتي بذوقي]

قولي لها انك تصحين بدري

مافيها شي لو قلتي لها أكيد راح تعذرك

 

[مجنونة هع]

معليش اهم شي انها طيبها

 

[مياسه الحساسه]

قولي لها انك تصحين بدري

مافيها شي لو قلتي لها أكيد راح تعذرك

والله ياحبيبتي انا افهمها وضعي
واقولها اكون من بدري صاحيه
بس الله يهديها مصره اني طول اليوم نايمه
وحتى على سالفة انها دايم تقولي انتي دايم برا البيت
تقصد طلعاتي كثيره
انا اروح مثلي مثل اي وحده
ازورجدتي او اهلي او خالاتي او عماتي او بناتهم او ازور وحده والده او يكون عندي عرس او نطلع نتمشى
يعني عادي الوضع
بس هي خلاص فكره وحطتها براسها وياريت سكتت عليها :eh_s(14):
لا الله يصلحها تقولها للي يجونها في البيت:eh_s(4):
بعدين ياناس هاذي حياتي وانا زوجي متفقين وش لكم :eh_s(14):<< عصبت

 

[مياسه الحساسه]

معليش اهم شي انها طيبها

اي والله الحق ينقال
هي طيبه وتحبني وتحب عيالي
بس اسلوبها غلط الله يحفظهاا
حتى اهلي يقولو استحمليها مرا عوده

 

[أعشقه]

والله عادي امشيها لها وش اسوي يكفي طيبة قلبهااا
انا ساكنه في غرفه بس في بيت اهل زوجي ومااشوف ام زوجي الا ناادر انا الي انزل لها وهي مافيها قوة ترجي فوق
وتقول كلام عني واحيانا يضايقني واحيانا تقول هالكلام قدام زوجي بس وش اسوي لها
والله من اشوفها وانا ابوس راسها واجلس اسولف لها حتى من تشوفني تجلس حتى لو كانت تبي تنام تبي تسولف معي
واذا شفتها تعلق ع اي شي مايعجبها مني ارد عليها بضحك ماابين لها اني منزعجه او متضايقه
اكسبيهااا ولا تدققين وخير يعني خل الناس تعرف كلن يطلع مع زوجه وننام محد يدري عنك لا تهتمين

 

[جوري 2007]

لا تصيرين حساسه قوليلها انا اقوم مبجر فهمت افهمت مافهمت مولازم ،، اذا ردت قالت قوليلها تبين شاي وضيعي الموضوع

 

[FeShinGoOo]

:/ قوليلها اي والله خالتي تدرين افز من الفير واروح الدوام وارد اطبخ واكرف تعبانه ولازم ارتاح وميخالف سامحيني كل ماتيني نايمه مره ثانيه دقي علي تلفون عشان اقولج اذا صاحيه او نايمه قبل لا تين ..

 

[شذونه]

هههههههههههه بلششه الله يعينك عليهااا

 

[مياسه الحساسه]

والله عادي امشيها لها وش اسوي يكفي طيبة قلبهااا
انا ساكنه في غرفه بس في بيت اهل زوجي ومااشوف ام زوجي الا ناادر انا الي انزل لها وهي مافيها قوة ترجي فوق
وتقول كلام عني واحيانا يضايقني واحيانا تقول هالكلام قدام زوجي بس وش اسوي لها
والله من اشوفها وانا ابوس راسها واجلس اسولف لها حتى من تشوفني تجلس حتى لو كانت تبي تنام تبي تسولف معي
واذا شفتها تعلق ع اي شي مايعجبها مني ارد عليها بضحك ماابين لها اني منزعجه او متضايقه
اكسبيهااا ولا تدققين وخير يعني خل الناس تعرف كلن يطلع مع زوجه وننام محد يدري عنك لا تهتمين

تسلمين حبيبتي على الرد
والله تدرين احيان اسلوبها يحز في خاطري :eh_s(2):
بس اقول ا معليه حرمه كبيره

 

[مياسه الحساسه]

لا تصيرين حساسه قوليلها انا اقوم مبجر فهمت افهمت مافهمت مولازم ،، اذا ردت قالت قوليلها تبين شاي وضيعي الموضوع

تسلمين حبيبتي على ردج:eh_s(17):
والله حبيبتي عادي انا ممكن اضيع الموضوع
بس هي ترسم صوره عني للناس انا ما احبهاا
الله يعين بس

 

[مياسه الحساسه]

:/ قوليلها اي والله خالتي تدرين افز من الفير واروح الدوام وارد اطبخ واكرف تعبانه ولازم ارتاح وميخالف سامحيني كل ماتيني نايمه مره ثانيه دقي علي تلفون عشان اقولج اذا صاحيه او نايمه قبل لا تين ..

الله يعطيكي العافيه ياارب :eh_s(17):

 

[مياسه الحساسه]

هههههههههههه بلششه الله يعينك عليهااا

اميين ويعين الجميع
مشكوره:eh_s(17):

 

[طموحه بزياده]

اي شتسوين تحملي مره كبيره بالسن والهل حاسه فيج وييييييييع ماحب احد يتحكم فيني ويسأل ليش نايمه لان ما يدرون عن ظروفي دوام اقعد من الفجر واصلي الفجر يعني كل واحد له نظام بحياته وفي وقته استغفر الله بس طوفي وعيشي حياتج وحاولي تفهمينها انج تقعدين من 5 الفجر

 

[نــgف]

تحمليها يكفي انها تحبك وتحب عيالك ..
وهي ماتجيك في بيتك الا لانو تحبكم مو عشان تغثك اكيد ..
وكل الحريم الكبار في السن كذا بس لازم نتحملهم ..

 

[بنوته مووت]

الله يعينش حبيبتي استحملي الصبر زين وكلامك عين العقل مره عودة وين تناطحينها
اهم شي زوجك عارو وضعك خلاص الشكوى لله من امهات رجالنا !!

 

[أحلام ضائعه]

انتى حدج مكبره الموضوع ومعطته اكبر من حجمه .. عادى اعتبريها امج .. بتزعلين منها ؟!!
واذا على الناس ( وشعليا انا من الناس وشعلى الناس منى :eh_s(15): )
اهم شى زوجج وامه طيبه وبسسسسسسسسسس واذا على كلامها عادى كل الكبار بالسن جذى طريقتهم ( عيل لو خالتج عوبه ولا ملسونه شنو بتسوين << احمدى ربج :eh_s(17) .. انا عمى معلق على بالدشه والطلعه ماعندى خاله الله يرحمها .. عاد تدرين من العم غيرررر .. تفشششششششششل
بس شسوى اطوف .. ونفس حالتج اذا يو حمواتى ولا زوجى قال عنى كله نايمه , يشوفنى ما انزل الا متأخر على باله انى نايمه وانا والله محتاسه مع اليهال يا ادرس ووووو .. الخ ​

 

[الفدنه]

الله يعينج

 

[عونك يارب]

وعليكم السسسسسسسلام
عآدي يالغلا تحملي وقولي لهآ إنج تصحين من بدرري..
< تقول لو تقولج إم زوجج مثل الي تقول لهآ شنو سويتي ( الله يعين بسسس )
موفقه غلاي ..

 

[Model Look]

انا ام ريلي ماتحب تضايقني كلش فديتها ولا تحب تتدخل وكله تحاتيني واذا مانزلت تسأل عني وتطرشلي عشا ولا غدا


وكله تقولي ارتاحي وماتخليني اشيل حتى اي شي والله اهي تشيل بس انا لاااا


حيييل احبها الله يحفظها ويخليها لنا يااااااارب


انتي نزلي لها وقت ماتبين ليش تيي شقتج ؟! غريبه تيي عندج العاده الجنه تنزل