اللي صار اليوم حطمني

[Um Tuki]

تبين الصج ..

انتي غلطانة

خله يخز هو يتآثم و يتحاسب بقبره .. خلج واثقة انتي اللي تخلينه يذمج

تصرفاتج تصرفات وحدة عمرها 19 او 20 سنة !!!!!

و الله ماجفته غلط ,, و ليش تدخلين حسابه و الفيس بوك ماله .. ترى الريال يحب الخصوصية وانتي واااااااايد ضاغطة عليه

دام مافي شي ليش معورة قلبج جذي ؟؟

رايحة العرس و الريال هد ربعه و الدوانية وكل شي عشانج آخرتها تكشتين فيه
ترى قوية بحقه واااااااااااااااااااااااااااااااايد

و ليش تغلطين على ابوه شدخله ؟
هو قاله طالع اجسام البنات .. ؟

ترى كل الرياييل يطالعون

احنا حريم ونطالع اذا مرت وحدة ملفته او جسمها حلو .. فـ ما بالج الريال

هذي غريزة يا ماما

و على هالسالفة التافهة شلتي قشج و ركضتي بيت البابا .. ؟

الحين لو ماكان بسوي ترى بسوي عناد فيج والبيت فاضيله

احسه ارتاح من تفكيرج

الله يهديكم ويسخركم لبعض

عقلــــــــــي ! الزواج مايبيله جذي كلش ترى بتخسرينه و مبين عليه خوش ريال

 

[صعب اكتم احساسي]

اللي سويتيه هو الصح المره احساس مو حماره يخونها وتسكت
يا يتعدل ويصير خوش رجال ويحترم الانسانه اللي متزوجها والاهم يخاف ربه لو كل واحد حافظ على صلاته ماوصلنا لهالمستوى
الله يهديه يااختي ولاتحرقي اعصابك عليه والله يكتب لك كل خير والحياه السعيده يارب

 

[مذهلة2013]

لاحول الله

ربي يهديه

 

[ملح الكون]

الله يعينج خاين وراعي سفرات انتي مو خايفه على عمرج يمكن يخربط مع بنات برا ويكون فيهم امراض وتنتقل لج !!! رايي استخيري وشوفي راي اهلج ولا ادقيين هو يدق هو الغلطان واذا دق شوفي انتي تقدرين تتحملين خيانات اكثر لان بوطبيع مايجوز عن طبعه--الله يكتب لج اللي فيه الخير ..

 

[ملح الكون]

الله يعينج

 

[بنت شيخ]

والله مادري شنو اقولج

بس ماعندج الا ربج وقيام الليل وكثري من الاستغفار

 

[جذابه بنت ذيابه]

حبوبه ادعي و اسجدي و تصدقي بنية هداية زوجج مافي رجال مايخز او او او. نصيحه من اخت تحكمي بعقلج واشششبعيه .. لا ترفضين له طلب و الحين ردي بيتج قبل رمضان .. الخيانه مو اخر الدنيا اذا عندج اعيال ردي بيتج واذا ماعندج ادبيه كم يوم

 

[مالك صاحب]

ما دق وقبل لا اتخانق معاه بطل تلفونة يوريني انه ماكو بنات نقشت رقم كاتب فيه اذا فضيتي دقب علي وانا خايفة من ذاك اليوم دقيت ولا وحدة وصغيرة جذب مع انه حالفلي يرقعها بامه ويوم سالت امه اليوم قالت ماكو ما اعرفها الحين بتطلق وبقول حق اخوي حتى لمه طلعت من البيت قالي ان طلعتي ماراح تردين ادعولي بنات انا محتاجة دعاكم ومشكورة حق كل وحدة تابعت موضوعي

 

[زوجة عزيز]

ريلج صج مايستحي وشكله مومن النوع اللي يعترف بغلطه فوق اللي سواه قط اغراضج عن بيت هلج لاتعبرينه ولا اتردين عليه لين يستسمح منج وايوعدج انه يتغير ويراعي ربه فيج مع ان هالنوعيه نادرا ماتتوب

 

[ملح الكون]

الله يكتب لج اللي فيه الخير

 

[Smchoocha]

الله يعينج حبيبتي ريلج شكلج بايع و موهامه احد لازم انتي تقررين اذا تبين تكملين و تتحملين الهم او تتطلقين

 

[نونه المنكوشه]

ماراح يتغير اله اذا ربي هداه بس اذا شايفه نفسج موقادره اتحملين واهوه ماعنده استعداد يتغير منتي ملزومه اتكملين معاه الدنيا ماتوقف ع احد خليج قويه ولاتعبرينه بهالفتره اخذيها نقاهه صفي ذهنج وادعي ربج وان شاءالله بتفرج

 

[عطاء أنثى]

اولاً عندج فرصه ثمينه لازم تستغلينها
اذا انتي عند اهلج شيليه من بالج مؤقتاً وتعبدي وادعي ربج
وان شالله مايصير العيد الا وهو مراضيج

 

[Zinab BH]

حبيبتي هدئي نفسج هالريايل مايسوون ظفر صايرين اللهم يا كافي كله بالحرام و بنات الحرام وايد الله يبتليهم يارب
صار اللي صار و خلج فترة نقاهة في بيت اهلج و استهدي بالله و ريحي اعصابج و الله يسوي اللي فيه الصلاح

 

[طيبة83]

وعوه حتى صلاة ما يصلي!!!!

ما بيهد خرابيطه هذي الا عرف ربه

 

[نـعـومـه]

الحل الصبر
قعدي بيت اهلج ونطري ليما اهوه ايي يراضيج ويوعدج ان يتعدل بصراحة اهوه غلطان

وموحلوه عرس اهله يخزز فيهم فشله يتكلمون عنه !!

 

[مالك صاحب]

ابشركم
ياني اليوم الصبح وانا بالدوام

بنتج قليله ادب ومومترببة
تبي اطلقها كيفها تبي ترد كيفها عقلي بنتكم الرجال قوامون علا النساء
شكو تروح دوامها وانا ما قتلها

ما ادري وين تروح ووين ترد وما تدق علي

واهوا قايل ان دقيتي تفلت بويهج

كلمه وحدة سنعه عني ما قال
رغم كل سوالفه

عشان سبيته نسى كل شي بيوم

الحمدالله علا كل حال

 

[مالك صاحب]

وكان ياي يشوف ولده مو عشاني

 

[قوس قزح]

الله يكون بعونج فكري بنفسج انسان مايهتم بشي وراعي علاقات وسفرات لا يبليج بمرض من العلاقات هذي
وانتي استخيري وادعي ربج

 

[نـعـومـه]

اهم شي اللي تقول انتي غلطانه وتصرفاتج عمرها 19 وعادي خيخز

شدعوووه عليج صار الخز بنات مفصخات عادي الخيانه عادي !! اذا انتي عندج عادي زوجج يطالع المفصخين يبيله صور بنات وخيطالع موعادي عندج !!!

مثل ماتقولين الريال غريزه من الله يخز ترا حتى البنات غريزه من الله يغارون