اللي صار فيها حراره واهيه حامل

[نـعـومـه]

السلام عليكم ورحمه الله وبركاته







:eh_s(11):

بنااااات لحقوني ميته خوووف انا حرارتي 37.6 بس احس بتعب تعب تعب وغير نشله والحكه والضيقه حزه النوم انا حامل بنهايه رابع تقريبا

بس في شي خووووووفني توني قريت بالانترنت ان اللي يصير فيها حراره واهيه حامل 80٪ الياهل يكون مشوه :eh_s(16):

صج هالمعلومه ؟؟؟ ومنو صار فيها حراره واهيه حامل والبيبي سليم ؟؟


من الاحد وانا فيني حراره*

 

[Kawaii GiяL]

حبيبتي الحراره ما تشوه الياهل تجهضه اسم الله عليج معروفة مو زينه روحي طيران علطبيب

يعطونج دريب و بندول خفيف مسموح فيه حق الحامل و دوا عشان يقوي المناعه مايقدرون يعطونج اكثر
​

 

[فراقك نكاده]

حبيبتي انا حامل بالسادس وقبل شهر كان فيني حراره ونشله وكحه


بندول وكمادات لانهم ماراح يعطونج شي غير البندول ممنوع
مع ان مرت حماي ماخذه ادويه لما كانت مريضه واهيا حامل
بس بصراحه مابي اغامر موزينه الادويه بندول وخلاص
لاني سالت الدكتور قالتلي اامن علاج هو البندول للحامل غيره مايعطون
والحمدلله

لايخرعونج اجهاض وتشوهات
جان شفتي نص عيال الكويت جذي بعيد الشر عنهم
بس انتي توكلي على ربج واشربي اهم شي دوافي شوربه وينسون ونعناع
وطمنينا عنج



والله يشفيج فديتج

 

[نـعـومـه]

جزاكم الله خير


انا عطوني درب ماكو فايده

واذا عن الادويه عطووني مضااد حيوي وشراب للكحه وحبوب نسيت حق شنو وقطره للخشم عشان نشله معقوله موزينه هالادويه ؟؟ اللي عطتني دكتوره طوارئ

 

[brettey]

شهالخرابيط ولا واحد من عيالي تشوه الله يحفظهم وكلهم حاشتني فيهم سخونه بالشهر السابع والثامن
لاتسمعين حجي الناس
وروحي الطبيب ماتشوفين شر
الله يهون عليج ويتمم عليج يارب

 

[متيمه بهواه]

ما عليج شر. خيتو نعومه
بس. لا تعتمدين دكتوره الطؤارئ رؤحي دكتؤرتك
وسلامتك

 

[nadoo]

حرارتك طبيعيه ما منها خوف لا تخافين وتوسوسين بس اعملي كمادات

 

[سوسن1980]

اخذي بنادول وحرارتك اتوقع طبيعيه وان شالله ماتضر الجنين

 

[ماحب اتدلع]

حرارتج مو حيل مرتفعة من الاساس
بنت عمي صابتها وهي حامل حرارة قوية بعيد عنج وتنومت بالمستشفى تحت الملاحظة بس ماتشوة البيبي ولا هم يحزنون اللهم اولدت بدري لأن من زود التعب مو متحملة وخافوا عليها تموت والا شي فولدوها وبس :eh_s(7):

 

[نـعـومـه]

شكرااا حبايبي

وفعلا حرارتي عاديه بس اللي منصدمه منه حيييييييييل تعبانه واللي يشوف تعبي يقول ٣٩ حرارتي لكن استغربت لما قالت ٣٧.٦ ولا على هالتعب اكثر

والمشكله اكل ادويه واخاف اذا تنفع للحامل ولا لا :/

بس باجر براجع واطمن

 

[نارنجه]

ماتشوفين شر

أنا صار فيني جذي لما كنت بالرابع و دكتوري عطاني حبوب مص و اوتروفين للنشلة و بالليل زادت علي الحرارة
رحت المستوصف عطاني بندوول و قالي اذا حسيتي نفسج كلش مو مستحمله أخذي حبه وحده باليوم. وعطاني قطرة ماي وملح و استغرب اشلون الدكتور كتب لي الاوتروفين قالي كلش مو زين للحامل

بصراحه مسكت نفسي لا أخذت البندول ولاشي يادوب قطرة الملح الي عطاني إياها
بس طحت له شوربة دياي و شوربة عدس. شغل بيت مو ماجي وهالسوالف
و عسل على الريج
وليمونه اطبخها بماي و اهرسها واصفيهااا واشربهااا مرتين او ثلاث وقبل ماانام اتدهن بفيكس عشان اقدر اتنفسسسسس من كثر مااايتسكرررر وانا نايمه
لين الحمدلله صحصحت بعد ثلاث ايااام

اهو جذي الصخونه ماتفج الا عقب ماتهد الحيل بس المهم الحرارة اذا حسيتي انها ارتفعت أخذي شووووور

اما الادويه والله ما انصحج فيهاااا

 

[@سيدة نفسي@]

اذا تعباااانة حييل ,, يعني حرارتج داااخلية

اخذي بنادول عاادي ,, لاتكثرين من تحسين روحج

أحسن تركيه ,,

 

[@سيدة نفسي@]

الحرارة الدااخلية ماينزلهاا شاور للأسف ,, جربي العسل والليمون

الله يشااافيج يااارب

 

[هيبة ملك]

ماعليج شر ياقلبي
لاتخافين حبيبتي

 

[أنفاسي دخون]

انا بواحد من عيالي حاشتني حراره قويه وكنت بالخامس عطوني مضاد ومسكنات والحمدلله لا تشوه ولا صار فيه شي يا ربي لك الحمد

 

[جذابه بنت ذيابه]

نعومه

عسى ربي يسهل ولادتج .. وتشوفينه بصحه وعافيه يارب


شوفي يالغلا انا يوم كنت حامل ببنوتي
جتني حراره بالشهر الرابع والخامس والسادس


ونشله وكحه تعبت تعب الله ياجرنا ان شاء الله


عليج بعصير برتقال وليمون وحبة ثوم كلهم بالخلاط

الله يذكر قطرة مطر بالف خير هي اللي علمتني عليها ..



ولا تحاتين مافيج الا العافيه ان شاء الله
انتي والبيبي