اللي عندها او عند زوجها(قروض+ديون+فيزا وماستر)وسددتهم ادش ضروري !

[فديتني دلوعة]

بالنسبه ليي
اول شي تدورون شقه غرفتين وحمام وصاله يكون سعرها اقل وحتى لو بمكان بعيد
الشغاله مو ضروريه ابدا باعتقادي اكو امهات عندهم 5 اطفال كلهم صغار وماعندهم خدامه وتقدري تقومي بشغل الشقه واليهال وزوجك بيعذرك طبعا وبيساعدك لان عارف ليش تنازلتي عن الشغاله مؤقتا
وفي حركة شفتها ان وحده اتفقت مع شغالتها تأجرها 12 ساعه باليوم تشتغل بس ومنها 3 ساعات ببيتك تتطلع ارباح كبيره وزيدي راتب الشغاله بتستانس خاصه انش حددتي لها وقت معين للعمل
ماكلة البيت ضبطيها صح واخدي منتجات ارخص وبالجمله
وممكن تشتغلين ويصير فلوس الي بتتطلع لك من العمل للسفر والطلعات وتغيير الجو والملابس وكده مايحتاج تشيلي عنه شي وادا بتساعديه ويستاهل حطي له جمعيه وادفعي عنه الفيزا لانها باب مايتسكر
المكالمات قلليها الى النص والواتس اب والفايبر وهالبرامج مو مقصرة
وحتى لو اشتغلتي سوي مشروع صغير مره يدخل عليك شي صغير مره عادي
وووالدعاء والاستغفار والتوكل على الله بيكون اول طريق لدفع الديون و
والغلط زوجك مو حل الدين نهائي لازم ياخد وقته في كل شي
وسلامتك

صح ..كلامج كله عدل !
مشكوره

 

[فديتني دلوعة]

حاولو اي قسط خارجي او التزام ماله داعي تتخلصون منه

ولو تشتغلين افضل بعد
ودشو جمعيات وسددو اي دين بسيط وجذي شوي شوي تتخلصون من القروض


بصراحة مادري شقووولج مابي اظيق خلقج بس هالدرب طويييل ومعقد ويحتاج عزيمة وصبررررر
لأن موال الديون مايخلص للاسف

انشالله يا ام مريوم
ولا ما ضيقتي خلقي بالعكس قلتي الحق
وهذا الواقع ولازم نتأقلم
والله يفرجها انشالله على جميع المسلمين

 

[جذابه بنت ذيابه]

الله يعينج يالغلا ..

تصدقي لو بملابس او ماي او تمر مو شرط فلوس


واعيالج طلعيهم للبحر حديقه المنطقه .. وسوي لهم وجبات بالبيت واخذيها معاكم بدون لا يدرون و قولي هذي طلبتها لكم
عالاقل يفرحون شوي



و من ناحية زوجج خليه على راحته ،، توظفي و شيلي الخدامه عنه .. و شيلي نص الماجله ،،

وروحي التسهيلات يعطونه قرض يسكر اللي عليه و يقاصدهم بقسط واحد ..! اريح واحسن



ودايم ادعي ان ربي يرزقكم الرزق الحلال ..


واذا عندج مبلغ بسيط دشي فيه تجاره وان شاء الله بتربحين و تتوسع تجارتج و تقدرين تسكرين اشياء عنه ..

 

[نسيم المحبة]

الله يعينج

 

[hend6363]

شوفي اختي انا قريت مشكلتك و الردود و اضن في ردي راح تلقين جميع الحلول الي راح تساعدكم

اختي الي فهمته زوجك ربي يخليه لك ذهب ولا تفرطين فيه و ا\ا سويتي هالشي والله راح تكبرين في عيينه لا تقولين الريال لو ساعدته المرة راح يتعود و ما ادري شنو
يعني لو عشتي مثلا سنتين او ثلاث كابعد مدة و انتي شوي منكرفة بس بعد هالمدة القصيرة راح تعيشين مستااانسة حيييييييييييلو ثلاث سنوات مدة قصييرة تطييييير طيراااان
اول شي راح تدشين جمعية
و تنتقلون لبيييت صغييير و سوي مثل ما قال زوجك بيعو الاثاث
بعدين اشتغلي انتي
و الخدامة خليها بس نص يوووم راح تطلع ارخص
و المالجة زيدي اقتصدي فيها يعني في حاجات رخيصة بس تهبل مو لازم مطااااااعم غالية بس بيزااا مثلا في الوييكند و شي مرة في الشهر مطعم حلو و بس
سيارة زوجك بيعوها و جيبو وحده ثانية ارخص مستعملة
و تابعي موضوع اسهمك ا\ا طلعت دشي بفلووسها مشرووع و شي جذي
اتمني اشوف رايك ف الي قلته
وربي يسهل عليكم والله كلها سنتين و ينتهي الموضوع

 

[popa]

اشتغلي وفي اخصائيين يسوولج جدول وتتبعونه وتنسد كل اديونكم ستب باي ستب

 

[دلووعه حبيبيي]

الله يفك همج وهم زوجج

 

[معي احلى]

الاستغفار من نعم الله علينا وأساليني اني والله مجربه .. معفول سحري .. بس كثري من الاستغفار خاصة قبل الفجر ..



الماجله هذه ماعرفت ايش تقصدي بها .. ؟



بس اني من وجهة نظري .. لو تستغني عن الخدامه شوي ...بيتوفر لكم ..


واذا شفتي ان بيعك للاسهم .. بيطلع مبلغ .. بيعي وسدي منه جزء من القروض .. لان القروض كل مازادت مدتها زاد معدل الفائده وكل ماسددتي مبلغ اكبر بمدة قصيره .. تخف الفائده .. << كان علي قرض من سابق ..


وسلامتك هذا الذي طلع معي ..

 

[معي احلى]

اول شي راح تدشين جمعية
ع

اعجبتني هذه اللقطه كمان .. انه تدخلي جمعيه تستلميها الاولى .. مثلا .. تكوني انتي من فتحه هذه الجمعيه.. لو طلعتي الشغاله ادخلي براتبها جمعيه .. وبالمبلغ الاجمالي .. سددي من القروض برضو يخف .. عليك الهم . مثل ماقلت لك بردي الاول ..


الله ينور عليك ياهند .. فكرة تجنن ..

 

[انثى الكويت]

حبيبتي انتي اول شي اشتغلي ماشي
بعدين اخذي معاشج كله ومعاش ريلج كله حلوووو
جمعيهم مع بعض لنفترض طلع لكم مثلا ١٣٠٠ دينار
قرض ١ كذا
قرض ٢ كذا
قرض ٣ كذا
ايجار شقه كذا
بانزين كرت اضمن شي في بترو ايزي حق كل المحطات مثلا ٤٠ دينار
تلفون زوجي ٣٠
تلفوني ٣٠
معاش خدامه ٥٥
ماجله بيت ٢٠٠

هذول الاساسيات تجمعونهم وتطرحينهم من المعاش ١٣٠٠ المدموج

يطلع مثلا متبقي ٤٠٠ دينار
١٥٠ تشيلونهم بجمعيه باستقطاع
والباجي تقسمونه على اثنين

طلعاتكم تكون عاديه عالبحر واليهال يلعبون بكرره ويستاسون وبحر وهالسوالف
وكل اسبوعين طلعو مطعم عادي

واليهال معاكم

ركبو خط بيت يغنيكم عن المكالمات الي مالها داعي

ريلج اذا يشتغل صباحي خل يدور بار تايم شغل مثلا كاتب بمستوصف
ولا باي مكان


والجمعيات مهمه وتفيد بس دشي مع ناس ثقه

والله يفرجها عليج وعلينا

والصدقه من غير لا تقولين حق احد تصدقي

 

[سارة ة]

الله يفرجهااا عليكم يارب

 

[بحر الذكريات]

الله يقرج همكم ويقضِ عنكم دينكم يارب

 

[فديتني دلوعة]

حبيبتي انتي اول شي اشتغلي ماشي
بعدين اخذي معاشج كله ومعاش ريلج كله حلوووو
جمعيهم مع بعض لنفترض طلع لكم مثلا ١٣٠٠ دينار
قرض ١ كذا
قرض ٢ كذا
قرض ٣ كذا
ايجار شقه كذا
بانزين كرت اضمن شي في بترو ايزي حق كل المحطات مثلا ٤٠ دينار
تلفون زوجي ٣٠
تلفوني ٣٠
معاش خدامه ٥٥
ماجله بيت ٢٠٠

هذول الاساسيات تجمعونهم وتطرحينهم من المعاش ١٣٠٠ المدموج

يطلع مثلا متبقي ٤٠٠ دينار
١٥٠ تشيلونهم بجمعيه باستقطاع
والباجي تقسمونه على اثنين

طلعاتكم تكون عاديه عالبحر واليهال يلعبون بكرره ويستاسون وبحر وهالسوالف
وكل اسبوعين طلعو مطعم عادي

واليهال معاكم

ركبو خط بيت يغنيكم عن المكالمات الي مالها داعي

ريلج اذا يشتغل صباحي خل يدور بار تايم شغل مثلا كاتب بمستوصف
ولا باي مكان


والجمعيات مهمه وتفيد بس دشي مع ناس ثقه

والله يفرجها عليج وعلينا

والصدقه من غير لا تقولين حق احد تصدقي

فكرتج حلوه ومبستطتها ومفهومه !
مشكوووره حبيبتي توني اشوف ردج
جزاج الله خير حبيبتي

 

[فديتني دلوعة]

الله يقرج همكم ويقضِ عنكم دينكم يارب

امييييين:yaaaaaarb:

 

[senioreta n7oola]

عسى ربي يفرج كربتكم
ويرزقكم من أوسع
أبوابه ..

 

[دلوعة حمني]

الله يرزقكم حبيبتي...

 

[حبيبي مالكني]

شوفي حبيبتي
الخوف اتسددين ديونه ويرد ياخذ قرض
خليه يوعدج انه ماراح ياخذ قرض مرة ثانيه
القروض ربويه وما فيها بركه
اول شي سددي الفيزا والماستر لان ارباحهم تزيد كل شهر
من معاشي سدديهم
وحطي جمعيه مادري انتوا شنو تسمونها الي مجموعة اشخاص يحطون مبلغ معين وكل شهر ياخذها واحد منهم
هاي بتفيدج وايد
اجلي موضوع السياره اليديده وشتري سيارة مستعمله بس ماشي حالها
رتبي الديون من حيث المبلغ
يعني الغرض الي اقل دفعيه قبل
استاجري شقة اصغر
وفري بفاتورة تلفونج
بس لا تين صوب الماجله هاي مافيها تستغنين عن شي
طلعي اليهال وونسيهم
طلعات البحر والحدائق العامه مل تكلف شي
نظمي روحج
ومسكي انتي الميزانيه لا تخلينها بيد ريلج
واذا في مجال تاخذين قرض حسن من احد من اهلج وتسددين قرض من القروض
منها راح تفتكين من الفوائد
واذا ما تبين تتسلفين من احد من هلج
مالج غير الجمعيه
بس لا تفكرين تفتحين على روحج باب للقروض
واكثري من الاستغفار ربج ببارك بلي عندج ويرزقج

 

[Mosha]

حبيبتي اول شي انتي ونعم الزوجة المكافحه الاصيلة الله يخليكم حق بعض ويسهل لكم كل اموركم انا عندي عدة اقتراحات وانتي شوفي الانسب لكم طبعا

اذا ريلج من النوع اللي مايحب اي احد يساعده شيلي عنه بعض الشغلات بدون مايحسواهمها النفسييييييييية مثلا حددي يوم ودي عيالج عند اهلج يباتون او عند اهله وكشخي ولبسي وسويليه جو رومانسي او طلعوا سوو اللي تبون لانه مرات اليهال سمالله عليهم يقيدون وتقدرون هم مع اليهال تروحون البحر

بالنسبة للماديات عفوا اذا تسمحين اسالج ببيت اهله مافي مكان لكم يعني تقعدون عندهم ؟ لانه هالموضوع وايد بيحل امور

قدمي عالحكومة لانه الدوام يكون اخف من الخاص وحاولي تشيلين بعض الشغلات عن زوجج مثل قسط سيارتج اغراض البيت الخفيفه او نص معاش الخدامه او نص الاجار

شوفي قعدي معاه وكلميه لازم يحاول يسكرهم و ماياخذ بعد الا لشغلات جدا جدا ضروريه لانه القروض تكسر الظهر

دشي جمعيات مع اهلج او خواتج

نصيحةةةةةةة لاتفكرين تاخذين قروض كللللللللللش

دققي بمصروفات ريلج يمكن اهوا في بعض المشتريات عنده للبيت غير مهمه او ممكن تاجيلها

 

[Lolaaa]

جربوا روحوا بيت الزكاة؟
قدمي على وظايف لازم تنهين المسألة بأنج تشتغلين وما تتراكم القروض وتزيد المسؤولية الله يفرجها عليكم ​

 

[مناير ...!]

بيعي اسهمج وسكري الفيزا والماستر
وتوظفي وشيلي معاش خدامتج ونص ايجاركم
واقتراح ريلج زين
سنه احسن من تقعدون سنين