اللي عندها خدامه تدخل

[مفحطه بناقه]

السلام عليكم



شحالكم وشعلومكم



بليز كل وحده تدخل تكتب شلون ترتب الوقت للخدامه والخدامه شنو اعمالها المنزل وانتي شنو اعمالج بالمنزل
غسيل ملابس<الاطفال -الزوج-الزوجه ->
طبخ
الاطفال
غسيل المنزل وتنظيفه
اتمنى من خواتي الكل يرد كيفية تقسيم الوقت لج ولها

 

[zooQaa - 85]

حبيبتي احسن شي اذا عندج خدامه ويديها بيت اهلج عشان ايعلمونها .
لان اذا ماعندج وقت هذي احسن طريقه

 

[روح حمودي]

والله انا خدامتي متعلمه من الاول ع النظام ببيت اهلي

فماكو مشاكل وشقتي صغيره وكل شي نظيف مايحتاج كل يوم تنظيف

حسب اذا كان عندي ضيوف احتاج لتنظيف الشقه مع العلم انه بس انا وزوجي

والنونو ياي بالطريج :>

اما عن الغسيل شبه ثلاث مرات بالاسبوع وانا من طبعي ألبس وأقط يعني اللبس بس يوم علي او ساعات بعد


وسلامتج

 

[برونزية رشيقة]

شنوووووو إللي يهمج الطباخ ؟؟؟ وإلا تنظيف ؟؟؟؟

كل وحدة لها جدول غير مثلا :

وحدة ساكنة بيت ووحدة ساكنة شقة ..

مثلا وحدة عندها إعيال ووحدة بس طفل واحد ..

وحدة أهي تطبخ والخدامة بس تنظيف .. ووحدة مخلية بس عالخدامة سلطات وحلو وأشياء خفيفة ..


حددي سؤالج ؟؟؟؟؟؟؟؟؟؟؟؟؟؟؟؟؟؟؟؟

وفي موضوع يفيدج اسمه : فن التعامل مع الخدم ؟؟

دشي عليه وفيه ترتيب الوقت للخدامة .. جم نقطة عن هالشي ... والسلام عليكم ورحمة الله وبركاته وحياااااااااااااااج الله

 

[فراولة حمرة]

الاولية حق اليهال واذا ناموا نظفت

 

[الصابرة المحتسبة]

الخدامة وصلاحياتها: - التنظيف.
- الكوي
ولها وقت للراحة ونومة القايلة لو ساعة.
- اليهال مو من حقها إلا المتابعة من بعيد .
- طلبات عيالي المشرف الأول آنا وبعدين إهي المساعدة.

 

[شاليمار]

8
8
8
8

كفووالله