اللي عندها سؤال بالنسبة للتسجيل بالتطبيقي تتفضل ^_^

[زين الطباع]

رفيجتي تجاري وتبي تحول تربيه اساسيه وعندها جم سؤال ياريت تردين عليهم


1- شلون طريقة التحويل ؟
2- وين تقدم اوراقها وشنو الاوراق المطلوبه ؟
وشلون تعرف اذاا اقبلوها او لا ؟

ويعطيج العافيه عالموضوع والله يجعله في ميزان حسناتج ...

 

[قطوووة]

علبة مكياج:0bee2e8d89:

والله يااختي ما دري شقولج

لان وايد غلطتي انج طلعتي حتى بدون سحب كورس وايد صعبه .. ماابي احبطج بس احتمال كبير يرفضونج

لحقي على عمرج وروحي العديلية معاج اوراقج وان شاء الله يقبلونج العديلية مبنى رقم 7

 

[قطوووة]

رفيجتي تجاري وتبي تحول تربيه اساسيه وعندها جم سؤال ياريت تردين عليهم


1- شلون طريقة التحويل ؟
2- وين تقدم اوراقها وشنو الاوراق المطلوبه ؟
وشلون تعرف اذاا اقبلوها او لا ؟

ويعطيج العافيه عالموضوع والله يجعله في ميزان حسناتج ...

هلا حبيبتي
1 . عن طريق موقع الهيئة نظام التحويل الداخلي بين الكليات خليها تسجل رغبتها

2. بالانترنت

3.يعلنون لما تحط رغبتها بالموقع

اما الشرووط :

شروط التحويل من كلية الدراسات التجارية الى كلية التربية الأساسية:-

- ألا تزيد الوحدات الدراسية عن (30) وحدة دراسية.
- ألا تقل الوحدات الدراسية عن (14) وحدة دراسية.
- أن يتم التحويل خلال الفترة المحددة التي يعلنها مكتب التسجيل في الكلية.
- ألا يقل المعدل العام عن (3.50) نقطة.
-ان لا تقل نسبة الطالب في الثانوية عن 70%
- قسم التربية الفنية والتربية الرياضية والتربية الموسيقية يجب أن لا يقل المعدل العام عن (3) نقاط وتجتاز امتحان القدرات.

 

[مس اموله]

حبيبتي انا عندي جم سؤال
صج فيه اعانه شهريه 100دينار؟
واختي مخلصه تاسع وتبي تدش تمريض او اي شي يصير؟
ويعطيج العافيه

 

[قطوووة]

صج فيه اعانه شهريه 100دينار؟

اي لطلبة التطبيقي كافه

واختي مخلصه تاسع وتبي تدش تمريض او اي شي يصير؟

تاسع تعادل شنو انا ترى نظامي قديم

لو تبي تقدم وعندها شهاده اولى ثانوي تدش معهد تمريض بس

بس حرام لو اختج صغيرة خل تكمل احسن واااااااااااايد

 

[مس اموله]

تسلمين
حبيبتي ماقصرتي عالرد
وصح كلامج وابوي اجبرها تكمل ثانويه
بنات هالايام يدورون السهل والسريع خخخخخ

مشكوره

 

[dяέἆᶆ qûếếἦ]

جزاج الله خير قطووة

 

[قطوووة]

مس اموله

هذا مستقبل حرام يضيع مستقبلها بتفكير مراهقه

لا خليها تكمل غصب طيب اهم شي تمسك الثنوية

 

[قطوووة]

رفيلو حياااااااج

 

[جنتي(ريلي)وناري]

قطوه تكفين شوفي موضوع بالقسم العام بعنوان بنات التطبيقي واللي عندها خبره ترد علي تكفين إذا عندج خبره صج ساعديني

 

[lilla]

انا عندي سؤال عندي رفيجتي مخرجه من التطبيقي دورات خاصه بعد المتوسط والحين خذت شهاده الثانويه وبدش تجاري يصير؟ ولا اخاف يقولولها مايصير لانها متخرجه من التطبيقي من قبل؟

 

[a9eelah_q8]

انا رحت امس حق الهيئه وقالولي اقدر اكمل على التربيه الاساسيه لان معدلي 3.09 <<<< دبلوم وشهادتي الثانويه علمي كنت .. فا بليز يا قطوه هانم ابيج تقوليلي يصير ادش تقنيات او حاسوب <<< وشلون الطريقه .. والله للحين مو فاهمه شي ... واسمع عن شي امتحان قدرات ومادري شسالفه .. ونسبتي هذي وين ادخلني بالتربيه الاساسيه بليز ردي علي ظروري او بالخاص اذا قدرتي وشاكرتلج حبيبتي

 

[a9eelah_q8]

وينكم ردووووو علي قاعده على اعصابي ((((

 

[قطوووة]

ابشرو برد عليكم كلكم

 

[قطوووة]

جنتي وناري هذا ردي عليج

اختي طلعي شهادة معاملة كويتي عن طريق زوجج دقي سئليهم شلون طريقتها

واذا طلعتيها را تنزل لج اعانة وحياج الله

والحين يقبون الكويتين والغير كوييتين

بس عشان تزيد فرصة قبولج طلعي شهادة معاملة كـ كويتية

انا عندي سؤال عندي رفيجتي مخرجه من التطبيقي دورات خاصه بعد المتوسط والحين خذت شهاده الثانويه وبدش تجاري يصير؟ ولا اخاف يقولولها مايصير لانها متخرجه من التطبيقي من قبل؟

والله مادري بس اعتقد ان نسبه قبولها جدا ضعيفه بس خل تحاول شنو خسارة بس مو اكيد يقبلونها كلش

 

[قطوووة]

اصيلة حبيبتي شنو شهادتج بالضبط دبلوم شنو وهل انتي موظفة الان؟

وشهادة الثنوية متى طلعتيها

عطيني جواب واقولج يالغلا

 

[a9eelah_q8]

انا دبلوم ادارة حكومه الكترونيه <<< اول تخصص بالكويت .. وعندي اجازه دراسيه ... وشهادتي طلعتها سنة 2006 وكنت علمي ..
وتوني تخرجت من المعهد يبت تقدير 3.09 جيدجدا وقالولي الهيئه تكملين بالتربيه الاساسيه ... وقالي طالما يايبه فوق ال3 نقاط يعني تدشين التربيه الاساسيه وابدي من سنه اولى .. يعني ادرس اربع سنوات ... اللي بعرفه الحين .. شنو اقدر ادرس هناك ؟ ابي شي سهل وحلوو لان طموحي اني ابي بكالريوس .. وسمعت من بنات المنتدى عن امتحان قدرات فا مادري شسالفه !! مخي عورني من التفكير والله .. تكفين فيديني وآسفه على قرقتي الزايده وشاكرتلج يا قلبي

 

[قطوووة]

ادارة حكومة الكتورنية من وين اي معهد ولا كلية كنتي تدرسين؟؟

 

[a9eelah_q8]

معهد تابع التطبيقي .. بس اول مره بالكويت ... بس بعرف شغله الحين ال 3.09 وين اروح بالتربيه الاساسيه فيها !! شلون النظام .. وشنو التخصص اللي اقدر ادشه !!! وشسالفه امتحان القدرات !!

 

[قطوووة]

مممممممممم

حبيبتي من معهد لكلية ما يصير تحويل

لازم من كلية لكلية

اذا مو مو حابة تقولين اسم معهد دزي خاص

شلون يقولون لج يصير تحولين انتي قلتي لهم انج خريجه معهد؟

لان التحويل من كلية لكلية

ردي علي وانا بشوف دقايق بتأكد لج