اللي عندها كاميرا اتغطيها لو ببلاستر

[нάγoηά cнεмίsтяγ]

إي يصيـر حسب اللي سمعنـاه إنّ فيه بعض البرامج تفتح الكامره حتى لو كانت مو شغـاله ،، وحسبي الله على اللي ألف هالبرنامج ،، الحمدلله والشكـر العرب يموتون على شي اسمه تجسس وفضـايح .. الله يهديـهم
والحمدلله إنّ ماعـندي كامره .. غطيهـا أحسن لج احتيـاط

 

[لوني لونكم]

انا مغطيتها منزمان لاني حسيت بشي حتى اول دش علي واحد بالماسنجر مادري شلون جان يقولي هلا ام عنقوص لي لابسه بجامه ورديه اخترعت جان اصط الاب توب بكبره

 

[حقانيه]

الله يعافيكم على هالتنبيه . الحين الحين اغطيها بعد هاذا إلي ناقص يتجسسون علينا وحنا في البيت

 

[ميار]

ايه احسن غطيها باللزق شطرطون انا قالت لى وحدة من زميلتى غطيها لانهم يقدرون يشفونك

 

[ليالي الكويت]

انزين اذا بشيل الكاميرا بكبرها من اللاب توب ما يصير ؟؟

 

[صاحبة المعالي]

نو واي ان احد يشغل الكاميرا الا اذا انتي اكسبت الانفايت

سألت لكم فنيين الصيانه اللي عندي بالدوام .. و هذا ردهم

(( مثلا انا دقيت تليفون .. وانتي مارديتي .. اقدر اكلمج ؟ و الا انطرج تردين ؟))

الكاميرا نفس الشي..

بس اللي مش مقتنعه خليها تحط بلاستر على كاميراتها .. براحتها

 

[عالي مستواها]

فيه برامج " اختراق " تشغل الكام بدون طلب دعوة وعلى فكرة هالبرامج متوفرة بكثرة الكل يعرف لها لانها ما تحتاج مهارة أو خبرة لا وابشركم بعد يااااكثرهم بشارع ابن خلدوون السي دي على دينارين فيه " كولكشن هاكنق " بس والمواقع ما تقصر بعد

انا نفسي مرت علي مدة كنت أستخدمها بس عقلت الحين :ggdw:

لكن الشغلة الوحيدة اللي تبين هي " الليت " مال الكمرا إذا اشتغل معناته الكامرا شغاله

انا اقول اءمن شي تفصلون الكاميرا لما تحتاجونها بس تشغلونها .. واللي لاب توبها فيه كام تلزقه بورقه ما تشف وكان الله غفور رحيم

 

[عالي مستواها]

على فكرة بسكوته

اسألي الفنيين اللي عندج .. برامج الإختراق " بدون ماذكر اسماءهم عشان ما تكون دعاية " هل تقدر تخلي المخترق يتحكم بالماوس والطابعة للطرف الثاني ؟

شوفيهم شيقولون وخليهم يوزنون " الكام والمايك " بالماوس والطابعة لانه كلهم أدفايسس ممكن يتحكم فيهم الهاكر إذا اخترق الجهاز

وكلامي من واقع خبرة

 

[السدرة2]

اعوذ بالله تجسس واحنا ببيوتنا الله يستر بس فعلا اخوي يقولي ممكن يشوفونج

 

[كويتيه لذيذه]

امبى وانه قاعده اشبك وماخذه رااااااااااااااحتى لوووووووووووووووووووووول

 

[آسيااا]

حسبـــــــــــــــــي اللــــــــــــــــــه عليهم

 

[BaBy mOOn]

انا اغطيها بالكرت الي اشبك فيه من العجز

 

[BaBy mOOn]

انا افتح الكاميرا واطلع بشكلي واسوي حركات واعدل شعري جن مافي منظرة بالبيت وماخذه راحتي
اكيد الحين الصور في كل مكان

 

[دمعة يراع]

اي انا مغطيتها من اول ماشريت الجهاز

الله يكفينا شرهم

 

[حصوص الكويتية]

انا غطيتها لما سمعت عن بلاويها

 

[كويتيــه ذوووق]

ويـــهالنـااس تمـوت عـالفضاايح انـا مغطيتهـاا بستيكـرز بس صج والله لو اعرف شلون اشوف الناس بكاميراتهم جان سويتها هههه

 

[كـلي أنـوثـة]

صــح وانـا هـم عشـاان مـا اخــرب شـكــل اللاب تــوب ،، حــااطــه عليـهـاا صبغ اظـاافــر غـامــج ،، لانـي مــا احـتــااجـهااا

وللابات الحـيــن الجـديــدة اغلبـهاا بكــام اذا مووو كـلهــاا ،،

وديـروا بـالـكم لانهم يقـدروون يشغلـونها وانتي يا غاافل لك الله مثل السلاام علييكم