اللي عندها معلومات عن أخن في ألمانيا تدخل ؟؟

[الواثقه بالله]

السلام عليكم ورحمة الله وبركاته

الموضوع مبين من عنوانه

إحنا رايحين المانيا مدينه أخن منو يعرفها ويعطيني معلومات مستفيضه عنها

وجزاه عند رب العباد

 

[kuwaitiaaa]

اي والله ياليت البنات يفيدونا

 

[هاجس خاطري]

اي والله ياليت البنات يفيدونا

 

[الواثقه بالله]

شدعوه يا بنات محد راح هالمدينه

أو حتى عنده معلومات عنها ؟؟!!!!!

kuwaitiaaa


هاجس خاطري

رايحين نفس المدينه ؟؟؟

 

[سهارا]

انا رحتلها مرتين

شنو تبين اتعرفين

على العموم اهى مدينه صغيره غرب المانيا طبعا مطاركم فرانكفورت بعدين اتحجزين سياره او بالقطار اتروحين تقريبا ساعتين طريج توصلين آخن فيها سنتر واحد وفيها وايد عرب واتراك فيها مطاعم حلال وسوبرماركتات وايد وشرحه ماتقت القلب

باريس قريبه وهولندا قريبه وبلجيكا قريبا يعنى اتفرفرين على راحتج

وسوقها حلو ومعقول اسعارها واذا رايحه باريس ولندن من قبل بتشوفين فرق السعر لانها وااايد ارخص انا شخصيا حسيت بالفرق

واى شي تبين انا حاظره سألي وانا اجاوب

 

[أغلاهم]

وايد هادية
فيها مطاعم عربية واغلب اللي فيها اتراك
منطقة كلها مستشفيات ..
اسواقهم قليلة..
بس للأمانه في مناطق قريبة منها مثل : بون ودزلدورف احلى منها هذي تحسينها كئيبة شوي

 

[الواثقه بالله]

انا رحتلها مرتين

شنو تبين اتعرفين

على العموم اهى مدينه صغيره غرب المانيا طبعا مطاركم فرانكفورت بعدين اتحجزين سياره او بالقطار اتروحين تقريبا ساعتين طريج توصلين آخن فيها سنتر واحد وفيها وايد عرب واتراك فيها مطاعم حلال وسوبرماركتات وايد وشرحه ماتقت القلب

باريس قريبه وهولندا قريبه وبلجيكا قريبا يعنى اتفرفرين على راحتج

وسوقها حلو ومعقول اسعارها واذا رايحه باريس ولندن من قبل بتشوفين فرق السعر لانها وااايد ارخص انا شخصيا حسيت بالفرق

واى شي تبين انا حاظره سألي وانا اجاوب

مشكوووووووووووره حبيبتي على المعلومات

 

[الواثقه بالله]

وايد هادية
فيها مطاعم عربية واغلب اللي فيها اتراك
منطقة كلها مستشفيات ..
اسواقهم قليلة..
بس للأمانه في مناطق قريبة منها مثل : بون ودزلدورف احلى منها هذي تحسينها كئيبة شوي

إحنا من الناس اللي تدور الطبيعه والهدووووووووووووء

مشكوووووووووووووره حبيبتي على المعلومات

 

[kuwaitiaaa]

أنا بروح ألمانيا و بطب مطار فرانكفورت بنأجر سياره و بنروح منطقه اسمها فيزبادن
و ودي أعرف عن هذاي المنطقه الي قلتي عنها يمكن أروح لها قبل فرنسا وسويسرا

 

[الواثقه بالله]

إن شاء الله البنات يفيدونج

والله ماشاء تبارك الرحمن

ماقصروا معاي

الله يجزيهم خير

 

[dl3sl]

مسجد بلال أول مركز إسلامي في ألمانيا
(( و المعرووف بمسجد الاترااااكـ ))
وكما كانت آخن قبلةً للنقاهة الصحية، فقد كانت أيضاً قبلةً للمسلمين، الذين قدموا إلى ألمانيا بعد الحرب العالمية الثانية. ففي عام 1958 قررت مجموعة من الطلاب المسلمين بتدشين أول مركز إسلامي بمدينة آخن. ولم يتم وضع حجر الأساس إلا في عام 1964، حيث سُجل المركز الإسلامي تحت اسم مسجد بلال، الذي اعتبر مفتوحاً لجميع مسلمي آخن الذين يبلغ عددهم حوالي 20 ألف نسمة، وكذلك لغير المسلمين. ويزخر المسجد بأنشطة عدة: إقامة صلاة الجمعة الأسبوعية؛ عقد جلسات نقاش شهرية تُلقى بالعربية وتُترجم إلى الألمانية؛ عقد لقاءات نصف سنوية بين المسلمين الألمان؛ تدريس قواعد الإسلام باللغة العربية للأطفال والشباب المسلمين. هذا بالإضافة إلى مكتبة ضخمة، تضم أكثر من 3000 مرجع إسلامي بمختلف اللغات.​

 

[dl3sl]

منطقه وايد حلوووه في غررب المانيا و هي تقع بالمثلث الاوربي الذهبي
صج اهيا صغيره حيل بس حيل حلوه
انا هذي رابع سنه راح اروحها بالذااات اخن معوررفه في المانيا مدينه التسوق و اكثر السواح فيها
شنو تبين تعرفين بالضبط انا حاااضره

 

[الواثقه بالله]

مشكوووووووووره على اهتمامج

بس أنا سافرت لها قبل شهر ورديت قبل كم يوم

بس تبين الصراااااحه حلوه وااااااااااايد من ناحية الطبيعه

تحسين انج في جنه

ومرات أقول لنفسي إذا في الدنيا صوره بهالجمال أجل شلون راح تكون الجنه عند رب العباد

الله يجعلنا من أهلها

بس ما ارتحت فيها بسبب ناسها كلما طلعت مع ابو عيالي تشوفينهم يتلافتون علينا

ويتكلمون بالإنكليزي علشان نفهم اللي يقولونه ويقولون كلمات يحسسونج انج غير مرغوب فيج مثل


Disgusting

oh Muslims

Pathetic figures

ومثل هالكلمات

وكل هذا لأني منقبه لأن فيه مسلمات غير منقبات ماكانوا يلتفتون لهم

وقررت ما أسافر إلا لدوله مسلمه

 

[حور الجنة]

وناسه
يلا يا بنات
الي عندها معلومات اكثر تساعدنا
لان لي نية سفرة لها