اللي عنـــدها اي استفســـار عن الجامعه العربية المفتوحه ...حياها الله...

[زبــــــــدة]

يزااااااااااااااااااااااج الله خير على هالموضوع يعني نسجل يالموقع بدون نعطيهم اوراق وبيانات

انا سجلت من قبل ورفضوني أهئ أهئ مع انه مقدمة عدل شنو سبب مادري ..

بجرب انا وياهم وزمن طويل ..

بس اذا سجلت بيتنا شلون على 15 شلون ادفعها .. في كي نت ولا شنو انا اول مرة رحت لهم ..

اول شي تسجلين بالموقع ...اذا طلعت اسامي القبول الاول ...تروحين لهم مع اورااقج المطلوبه وايمان ماقصرت حطت الاعلان ..فوق

وتدفعين الـ 15 ...

انا على ايامي ...ماكو تسجيل انترنت لووول ..وديت اوراقي ودفعت هناك ...

 

[زبــــــــدة]

اختي انا قدمت اول مره الامتحان صصصصصصصصعب و انا سمعت الامتحان بس انقلش ف توهقت شنو المطلوب مني للامتحان ضروري انجح

اي امتحانات القبول صعبه ...

انا على ايامي ماكان في امتحان قبول ..لان ماكان عليها ضغط وايد مثل الحين ..

كان بس في امتحان مستوى ...عشان يحددون اي ليفل يعطونج ..والحمدالله مع انا كان صعب بس عديته ...

اهوا يبيله تركيز شوي

 

[زبــــــــدة]

انا ان شاءالله رآح اقدم

بس انا ادبي وابي اتخصص تقنية معلومات قآلولي لازم شهادة اسي دي ال

وبعدين اتحولين لتخصص ثاني اذا استوفيتي شروط التحويل

المهم الحين اذا استوفيت الشروط 100% يقبلوني ولا لأ ممكن مايقبلون لاني ادبي
مادري وحده قالتلي مو شرط حتى لوتستوفين الشروط يقبلونج
انا مابي غير هالتخصص

اي مو شرط يقبلونج يعني مو 100% ...

 

[زبــــــــدة]

مشكوره حبيبتي ماتقصرين على مساعدة البنات الموضوع ياا بوقته ,,

بس عندي سؤال ماعليج امراهو داش عرض بس ماعليه تحمليني الكورس الاول بالجامعه متى يخلص لأني حامل وخاف اولد

قبل لايخلص الكورس ويروح علي فـ ماابي اتوهق ,,

العفووو حبيبتي :eh_s(7):

الكورس الياي قصدج ...راح تكون امتحانات الفاينل شهر 1 ...كالعاده

وان شاء الله تولدين بالسلامه

 

[زبــــــــدة]

تسلمـــــــــــين:eh_s(17):

 

[a woman on top]

يعطيج العافيه زبدة

عندي سؤال :

يمديهم يفتحون باب التسجيل لماستر الit للكورس الاول ولا بياجلونه للكورس الثاني ؟؟

شكرا

 

[a woman on top]

يعطيج العافيه زبدة

عندي سؤال :

يمديهم يفتحون باب التسجيل لماستر الit للكورس الاول ولا بياجلونه للكورس الثاني ؟؟

شكرا

-------------------------


up
up:eh_s(9):

 

[ياربي سكثر أعاني]

الحين اناااا سجلت

بس بعرف انا اول مرة ماوديت اوراق بس امتحنت !!

ماقلو انهم يبون اوراق ؟؟

شنو الاوراق المطلوووووبه ..؟؟

لان اول مره انا واثقه من نفسي قدمت عدددددددددددددددل بس رفضوني قلت يمكن في شي ناقص ماسويته

بليز بعرف اذا يبون اوراق ولا لأ ومتى يبونها بعد امتحان ولا قبله ؟

 

[دلولتك]

زبده حبيبتي انا ودي اسجل بالجامعه ومو قدامي الا ادب انجليزي ويقولون انه صعب ف بليز هو صج صعب لاني مو هذاك الزود بالانجلش

 

[ادري واداري]

يعطيج العافيه
استفدت من الموظوع


اب

 

[qa6wa_q8]

زبده قلبي شلوونج
سؤال حبيبتي الحين شنو نوع اختبار القدرات صعب ولاا لا واحتمال يكون ما كو تمهيدي والتخصص دايريكت
وشنو اسباب عدم القبول انا سجلت امس وناطره القبول ان شاء الله

 

[قَلبيْ صُويبكْ !]

حبيبتي ..:eh_s(7):

اي كل التخصصات بالانجلش ...لا مو سهله يبيلها مجابل ...انا مو توب بالانجلش ...فحسيتها صعبه اخر سنتين ..بس الحمدالله قاعده ادرس ..اول باول ...وباقيلي مادة واتخرج :eh_s(4):

تسلمين حيآتي

آلله يوفقج أن شششآآء لله :eh_s(7):

 

[تـوتـه]

قوه حبيبتي الله يوفقج ومشكوره على الموضوع

طيب شلون ادش اسجل مو قاعد يطلع معاي

 

[عيوز متشببه]

قوة بنات شلونج زبدة
يا جماعه صفحة التسجيل حق الجامعه مو راضيه تتبطل قاعدة احاول من اليوم
شساااااااااالفه ياكرهم على هالحركاااااااااات دايم يسونها

شكلهم متحسفين مخلين التسجيل لمدة اسبوعين


تكفوووون شفولي شسالفه بسجل

 

[زبــــــــدة]

يعطيج العافيه زبدة

عندي سؤال :

يمديهم يفتحون باب التسجيل لماستر الit للكورس الاول ولا بياجلونه للكورس الثاني ؟؟

شكرا

الله يعافييج

لا والله لان اول شي ادارة الاعمال ..وللحين ماعتمدو المواد والتسجيل ..وعقبه ان شاء الله الـ it
بس مو محددين متى بالضبط

 

[زبــــــــدة]

الحين اناااا سجلت

بس بعرف انا اول مرة ماوديت اوراق بس امتحنت !!

ماقلو انهم يبون اوراق ؟؟

شنو الاوراق المطلوووووبه ..؟؟

لان اول مره انا واثقه من نفسي قدمت عدددددددددددددددل بس رفضوني قلت يمكن في شي ناقص ماسويته

بليز بعرف اذا يبون اوراق ولا لأ ومتى يبونها بعد امتحان ولا قبله ؟

اي اول شي امتحان القدرات ...بعدين لما يعلنون القبول المبدئي تودين الاوراااق ...

والاوراق المطلوبة ...

1. صورة مصدقة طبق الأصل عن شهادة الثانوية العامة الكويتية أو ما يعادلها.
2. خطاب معادلة لشهادة الثانوية للمدارس الخاصة الأجنبية في دولة الكويت ، ولشهادة الثانوية العامة (من خارج دولة الكويت ) من إدارة التعليم الخاص – وزارة التربية موجه للجامعة العربية المفتوحة
3. بطاقة إثبات الشخصية وصورة عنها ( البطاقة المدنية أو البطاقة الأمنية) سارية المفعول.
4. جواز السفر وصورة عنه.
5. عدد ( 2) صورة شخصية ( 6x4 ).
6. شهادة لمن يهمه الأمر من جهة العمل للموظف.
7. للمتقدمين غير الكويتيين من أمهات كويتيات ؛ اصطحاب شهادة الميلاد وجنسية الأم(الأصل والصورة).

:eh_s(7):


ماقبلوج مو عشان اوراقج ناقصه ...لا لان يمكن النسبه ..الاولوية حق اللي نسبهم عاليه ...

 

[زبــــــــدة]

زبده حبيبتي انا ودي اسجل بالجامعه ومو قدامي الا ادب انجليزي ويقولون انه صعب ف بليز هو صج صعب لاني مو هذاك الزود بالانجلش

والله كل التخصصات نفس مستوى الصعوبة لان كلهم بالانجلش ...

يعني اذا انتي حابه التخصص اكيد بتحبين تدرسينه وراح يكون سهل ... بس الجامعه يبيلها مجااااااااااابل ...:eh_s(2):

 

[زبــــــــدة]

زبده قلبي شلوونج
سؤال حبيبتي الحين شنو نوع اختبار القدرات صعب ولاا لا واحتمال يكون ما كو تمهيدي والتخصص دايريكت
وشنو اسباب عدم القبول انا سجلت امس وناطره القبول ان شاء الله

هلا والله انتي شلونج :eh_s(22):

اي انا امتحان المستوى كان وايد صعب ..بس الحمدالله عديته وماخذيت تمهيدي ...
التمهيدي يضيع وقت ...

اهوا الحين في قبلو مبدئي .وتقدمين القدرات ..عقب القدرات ايي امتحان المستوى ..يعني امتحان المستوى خلاص انتي قابلينج نهاي وبيحددون مستواج ...

واسباب عدم القبول ممكن تكون النسبة ضعيفه واللي مقدمين معاج نسبهم عالية ...فيكون الاولوية حق اللي نسبهم عاليه ...

وان شاء الله تنقبلين :eh_s(17):

 

[زبــــــــدة]

قوه حبيبتي الله يوفقج ومشكوره على الموضوع

طيب شلون ادش اسجل مو قاعد يطلع معاي

العفوو حبيبتي

اول مادشين عالموقع ماراح يفتح تطلعلج صفحه طقي عالخيار الثاني اللي يمه X بالاحمر

اللي مكتوب Continue to this website (not recommended).

راح تتبطل معاج الصفحه

 

[زبــــــــدة]

قوة بنات شلونج زبدة
يا جماعه صفحة التسجيل حق الجامعه مو راضيه تتبطل قاعدة احاول من اليوم
شساااااااااالفه ياكرهم على هالحركاااااااااات دايم يسونها

شكلهم متحسفين مخلين التسجيل لمدة اسبوعين


تكفوووون شفولي شسالفه بسجل

هلا حبيبتي

لووووووووووول لا الموقع مبطل بس ضغطي على الخيار الثاني اللي يمه x احمر

Continue to this website (not recommended).

وراح تتبطل معاج ان شاء الله