اللي عيالهم بالروضة kg1 ... حيااكم شاركوني ..

[غــ Q8 ــزلان]

السلام عليكم ورحمة الله وبركاتة ..

محتاجة مساعدتكم ياأمهات شاركوني لاهنتوا ..
عندي بنوتة في اولى روضة في اجيال المستقبل الباكستانية .. وهي بنتي الاولى .. فماعندي اي خبرة .. فحبيت اسألكم شوية اسألة ..

السؤال الاول // متى ينامون عيالكم بالليل ؟؟ وينامون الظهر بعد مايردون من الدوام ولا لأ ؟؟
دايما احس ان بنتي موشبعانه نوم .. وتبجي الصبح تبي تنام ؟؟ :0bee2e8d89:

السؤال الثاني // لو المدرسة سوت رحلة لأولى روضة .. تخلون عيالكم يروحون ولا تخلونهم يغيبون ؟؟
بصراحة انا اخاف على بنتي .. وعندهم رحلة يوم الخميس حق سليل الجهرا .. وانا دايما اوديها هناك يعني المكان موغريب عليها .. بس مادري اخليها تروح الرحلة ولا اخليها تغيب وانا اوديها ؟؟؟ شرايكم ؟؟؟

انتظر مشورتكم

 

[سيدة الكويت]

هلا حبيبتى ....بنتى كيجى 1 أنومها الظهر ...لازم ترتاح ...تحتاج النوم توها ياهل

الرحله ما راح اوديها اذا راحت 2 ابدى اوديها.......لاحقه على الرحلات والوناسه

 

[غــ Q8 ــزلان]

مشكووورة حبيبتي سيدة الكويت على ردج واهتمامج بس ماقلتي لي متى تنام بالليل ؟؟؟

 

[سيدة الكويت]

هلا والله ...العفو عمرى

متى ما بقت ,,انومها 10 تقريبا ...والظهر اخليها ساعتين ونص او اكثر كيفها ههههههه
فى ناس ينومون عيالهم الساعه 7ونص ويحرمونهم من الظهر ...بس حرام اذ دايخه خل تنام

 

[المدينه]

انا انو ولدي الساعه 6المغرب ويقعدلي الساعه 6 الصبح مصحص ويتريق واوديه
وعالرحله اكيد اوديه علشان يتعود ويتأقلم

 

[xxx]

بنتي ب kg1

ماتنام الظهر وتنام بليل على الساعه 7ونص أو 8 بالكثير

وايد اريح وتاخذ كفايتها من النوم ..

بالنسبة حق الرحلات خليها تروح تعتمد على نفسها وان شاءالله الي يطلعون معاهم يديرون بالهم عليها

عسى الله يخليها لج ويحفظها من كل شر ..

 

[غــ Q8 ــزلان]

سيدة الكويت انا مثلج تقريباً بس احس غلط جذي لأنهم يقعدون الصبح ماشبعوا نوم ويبجون ..

المدينة ... مشكورة ياعمري على ردج . بس الساعه 6 المغرب ينام موجنه مبجر حييل .. لو نمت بنتي الساعه 6 بتقعد لي الساعه 12 بالليل ومستحيل تنام اعرفها ..


انتظر باقي الامهات نبي نستفيد من بعض لاهنتوا

 

[المدينه]

لا حبيبتي لانه يكون مواصل 12 ساعه ويكون تعبان

 

[كوكو لاتي]

انا ولدي اولى روضه بالتكامل كنت انيمه ساعه 7 بس كان يقعد ساعه 1 او 2 وبعدين صرت انيمه ساعه 8 ونص يقعد الصبح مصحصح حده

وعلى الرحله عادي اخليه يروح والله الحافظ

ما احب انيمه الظهر لان بليل راح ينام متأخر والصبح يقعد مو شبعان نوم

 

[غــ Q8 ــزلان]

بنتي ب kg1

ماتنام الظهر وتنام بليل على الساعه 7ونص أو 8 بالكثير

وايد اريح وتاخذ كفايتها من النوم ..

بالنسبة حق الرحلات خليها تروح تعتمد على نفسها وان شاءالله الي يطلعون معاهم يديرون بالهم عليها

عسى الله يخليها لج ويحفظها من كل شر ..

هلا والله حبيبتي بنت الكويت ... شكلي بجرب نظامج مع بنتج .. وان شاءالله يارب يناسب بنتي .. وتشبع نوم وتكون مرتاحة .. .. وبالنسبة للرحلة والله مدري خايفة عليها واخاف يلهون المدرسات عن الاطفال .. مع العلم انها تعرف المكان ودايم اوديها له ..

مشكورة ياعمري على ردج واهتمامج

 

[غــ Q8 ــزلان]

انا ولدي اولى روضه بالتكامل كنت انيمه ساعه 7 بس كان يقعد ساعه 1 او 2 وبعدين صرت انيمه ساعه 8 ونص يقعد الصبح مصحصح حده

وعلى الرحله عادي اخليه يروح والله الحافظ

ما احب انيمه الظهر لان بليل راح ينام متأخر والصبح يقعد مو شبعان نوم

هلا حبيبتي كوكو لاتي .. نظامج مع ولدج مثل نظام بنت الكويت وبأعتقادي هو الافضل للأطفال .. يكون نوم متواصل بالليل اريح لهم ويشبعون نوم اكثر .. بس المشكلة شلون نقضي على نوم النهار اللي تعودوا عليه ...

مشكورة ياعمري على ردج واهتمامج


انتظر باقي الامهات علشان كلنا نستفيد ماقصروا اللي شاركوني الله يوفقهم ويحفظ لهم عيالهم من كل مكروه يارب ..

.

 

[اثمان]

حبيبتى انا ما انوم بنتى اللى بعمر بنتج الظهر

اعشيها مبجر وانومها على الثمان او ثمان ونص تقريبا وتقعد مبجر

وبسألج شلون حضانة اجيال؟؟لانى مفكره ادخل بنتى السنه اليايه حضانة هالمدرسه

ومشكوره مقدما

 

[علايه]

انا انوم ولدي الساعه 8 بس ما انومه العصر

وبالنسبه للرحلات ولدي من كان بالحضانه كانو كل اسبوع اودونه رحله

كنت اخاف عليه وايد بس كنت اشوفه يستانس وايد من الرحله

توكلي على الله و خليه اروح

 

[غــ Q8 ــزلان]

حبيبتى انا ما انوم بنتى اللى بعمر بنتج الظهر

اعشيها مبجر وانومها على الثمان او ثمان ونص تقريبا وتقعد مبجر

وبسألج شلون حضانة اجيال؟؟لانى مفكره ادخل بنتى السنه اليايه حضانة هالمدرسه

ومشكوره مقدما

هلا حبيبتي اثمان .. مشكورة يالغلا على النصيحة ..

بالنسبة لحضانة اجيال شفتها مرة وحده وكانوا الاطفال بعمر سنتين الى ثلاث تقريباً كانوا يلعبونهم .. مومتعودة اروح من صوبها بس تبين زينه ماعليها ..

 

[غــ Q8 ــزلان]

انا انوم ولدي الساعه 8 بس ما انومه العصر

وبالنسبه للرحلات ولدي من كان بالحضانه كانو كل اسبوع اودونه رحله

كنت اخاف عليه وايد بس كنت اشوفه يستانس وايد من الرحله

توكلي على الله و خليه اروح

هلا حبيبتي علايه ...بصراحة بفضل نصايحكم قررت اودي بنتي للرحلة ان شاءالله .. والله الحافظ يحفظها لي من كل شر يارب ويسعدها دنيا واخره ..

مشكوووورات ماقصرتوا معاي .. الله يحفظ لكم عيالكم من كل شر يارب ..

 

[om_maria05]

مرحبااا انا بنتي تنام متى ماتبي كيفها بس حدها 11 بس الظهر لااازم تنام حراام عشان اطلعها بليل نزور او العاب او اي مكان تنام الظهر 3 ساعات .. بس اسمالله عليها تقوم الصبح مبجر و الابلات يقولون نشيطه و جربت انومها مبجر بس تقعدلي تالي الليل و تسهر ..
و الرحلااات حتى لم كانت بالحضانه كنت اخليها تروووح اصلا متعتهم اليهااال و كنت اخاف عليها لانها وحييدتي بس يديرون بالهم زين الابلات و الفراشات و و اليهاااال يستانسون يروحون مع ربعهم لا تحرمينها حرااام

 

[المحامية لطوفة]

انا ولدى بالحضانة والسنة الياية kg1انشاءاللة
انومة الساعة7 وعن الرحلات اخلية يروح واللة الحافظ
بس جنة سليل وايد بعيد

 

[مشموشته]

انا ولدي انومه 8ونص ما انومه الظهر

الرحلات مادري احس ما اامن ... بس يمكن كي جي تو ... والله الحافظ عموما

 

[حلم الطفولة]

رفع

 

[miss_heathrow]

الله يوفق عيالنا يا رب ويجعلهم من الذريه الصالحه


بالنسبه لي انوم ينتس 8 او 9 اول ما بديت النظام كنت انومها الساعه 9 تقوملي الساعه 12

يومين ثلاث تعودت ...

وقامت تقوم 6 الصبح صارت اهي المنبه مالي حق الدوام