اللي فاضيه وتحب تسمعني افضض لها تتفضل

[خذاني الشوق]

رد: رد : اللي فاضيه وتحب تسمعني افضض لها تتفضل

شوفي حبيبة طالما انت اتخذتي قرار انج تتطلقين ليش تبجين عليه ؟ وبعدين رقمج غيريه شكو يدق او يدز مسجات .
وطالما انتي شفتي بعينج المسجات والصورة ترى راح تم طول العمر محفورة في بالج وراح تشكين فيه طول عمرج يعني لو تزوجته ما راح تستانسين معاه وقرارج بالانفصال سليم 100%
وصدقيني لو تطلقتي ما راح يتزوجج خلاص ..
اشغلي بالج في زوجج ودائماً فكري بإيجابياته والمواقف الحلوة اللي معاه راح تجبينه وتنسين الأولاني ..

نفس الراى

 

[اجمل الحزن]

رد : اللي فاضيه وتحب تسمعني افضض لها تتفضل

اللي صارلج حبيبتي مو شويه ويمكن الا اكيد تركت أثارها بنفسج بس حبيبتي خلج واقعيه ..
قولي الحمدلله الله رزقج برجال يعوضج وشوي شوي يالغاليه بينسيج كل شي بس انتي فتحي له قلبج ترى كل ممنوع مرغوب
وعشانه بعيد عنج تتصورين لو تزوجتيه جان كانت حياتج وااو لا حبيبتي اصحي لنفسج هذي اوهام ..
اهو خانج وتوكم ما صارلكم وقت طويل متزوجين تضمنين ما يخونج ويا ستين وحده غيرها ؟!
انتي تعرفين الاجابه
تكفين واحد تعيشين وياه بأمان والا واحد يخووون ؟! تختارين شنو
الواحد يشتري راحته يالغاليه وانتي طبيه والله رزقج بزوج طيب مثلج حطيييه بعيووونج ولا تفكرين بالاولي
لانج كنتي بين ايده وخانج ..
هذي كلها اوهام صدقيني تقدرين تتغلبين عليها قولي احب زوجي واموت عليه برمجي عقلج على جذي
والله يوفقج ويسخركم انتي وزوجج لبعض يا رب

 

[عِشْقٌ وَلَائِي]

رد : اللي فاضيه وتحب تسمعني افضض لها تتفضل

الله يعينج وضعج صعب
بس شوفي حبيبتي حاولين تنسينه وتقولين بنفسج خيره وهذا نصيبي ولازم ارضى فيه
وخليج دوم قريبه من ربج وادعي انه ينسيج ويهدي ولد خالج وينساج
الله يوفقج

 

[~Unreachable]

واي المقدمه تخرع
انا مخطوبه و ملجتي قريبه بس صح خفت اقرا الموضوع :/
ترى كلمة ما احللكم كلش مو هينه
ودي اعرف الموضوع يسوى انج ماتحللين خواتج بالاسلام !!!
و توقفين بويهم يوم القيامه :/ ؟؟

 

[اشتياق]

متسرعه حيل للأسف
وين مبدأ السماح وين العفو.؟
لمن اتخذتي قرار بانج تتطلقين كنتي قده
وبفترة الطلاق هم اصريتي وتميتي على رايج
ولمن تقدملج زوجج هم ما التفتي للحب وكملتي وتزوجتي
الحين شاللي صار خلاج تضعفين وتردين ورا؟
اللي قاعد يصيرلج كله وسواس شيطان
تعوذي من ابليس وصوني زوجج
وللأسف يحزني اني اقولج لو هالزوج زل او خان او لاسمح الله سوا اي غلطه
هل راح يكون مصيره مصير الاولي؟
وهل ردة فعلج على الغلط بتكون غلط مثل الاولي؟
يبيلج مراجعة حسابات وتعقل اكثر من جذي
الله يوفقج

 

[غنـــــج]

شكرا حبيباتي ماقصرتوا



انا من كتبت هالموضوع حسيت اني بجد راح انهيه مع نفسي خلاص



جزاكم الله خير وماقصرتوا يا رب

 

[غنـــــج]

شكرا حبيباتي ماقصرتوا



انا من كتبت هالموضوع حسيت اني بجد راح انهيه مع نفسي خلاص



جزاكم الله خير وماقصرتوا يا رب

 

[المـــــها]

الله يهديج
خطيبج الأولي مسكين
يعني البنت اللي كان يكلمها و عندها صورته وحده واطيه قاص عليها و مجرد تسلية
و ما أنكر إنه غلطان
بس لدرجة إنج تطلبين الطلاق ؟؟؟
و حصلتلج الفرصه يردج بعد ما طلقج و مارضيتي ليش ؟؟؟
هو ماخانج لدرجة إنج ما تردينله !
المهم
صار اللي صار


و الحين تزوجتي خلاااااااااااااااااص
دام زوجج يحبج و مو مقصر معاج لا تخذلينه
هذا القرا كان بيدج و باختيارج خليج قده و التزمي فيه
خلي زوجج يملي حياتج داريه و طيبي خاطره
و خطيبج السابق شيليه من حياتج
و لا تعطينه وجه و مجال يحاجيج
اللهم السلام




و الله يوفقج مع زوجج و يشيل زوجج الأولي من قلبج

 

[غنـــــج]

على قولتج صار اللي صار


والحمد لله انا غيرت تفكيرري كله

 

[عيش و مرق]

ماتدرين يمكن خيره انج تطلقتى

لو امكمله معاه جان لى الحين يخربط ويكلم لان شخصيته خربوطه وراعى بنات مو تكانه

 

[أمـونة]

رد : اللي فاضيه وتحب تسمعني افضض لها تتفضل

عارفه احساسج
بس بقولج شي
اهتمي بريلج وخليج دايماً متذكره ان ولد عمج خانج
يعني تخيلي لو كنتي على ذمته وبينكم عيال وطحتي على خيانته
اشلون بتتصرفين حزتها ؟؟ إلا بتموتين قهر صج

صلي ركعتين ،، استغفري وايد
سافري مع زوجج سفره طويله قوليله شهر عسل ثاني
وإن شاء الله تتوفقين وتنسين

 

[غلا ماجد]

خلاص انتي متزوجة
دمعت عيني و قلبي يعورني عنج نفس احساسي احس بالخيانه لما افكر بولد عمي اللي توفى
بس انسيه او تناسيه و هوا رجال راح يلقى بدالج مليووووون وحدة
و انتي لو دلاا زوجج بتروحين فيها و بيكرهج
ديري بالج

 

[سندريلا 99]

رد : اللي فاضيه وتحب تسمعني افضض لها تتفضل

هذا ابتلاء من رب العالمين اصبري واحتسبي وادخلي الجنه من باب زوجج والله يكون بعونج

 

[غنـــــج]

والله ما قصرتوا فديتكم

على قولتكم ماضي وما راح استفيد شي من التفكير واعور راسي




الله يهديه ويخلي لي زووجي يا رب ويخلي لكم ازواجكم ان شاء الله

 

[الفدنه]

تبين تخففين من حبج له كل ماطرى عليج فكري بحرتج لما عرفتي انه كان يخونج
وتذكري الاحراج اللي حسيتي فيه بين البنات وراح تكرهينه وتحقدين عليه بعد
ترى اهو يمكن كل هذا مو حب لج اللي قاعد يسويه بس من الندم صار له جذيه
لانه لو يحبج جان ما خانج ولا فرط فيج
لا تضيعين نفسج بايدج الله يحبج اللي فضحه جدامج وعطاج اللي احسن منه

 

[غنـــــج]

الفدنه


لا صدقيني كان اكبر من الحب وكان فيه تضحيات وعشره

بس ما عليه انا ودي انسى ولا اتذكر ذيج الايام

وصح كلامج حبيبتي

 

[cOFFEe SmeLL]

حبيبتي أولا إنتي غلطتي انه ما عطيتي خطيبج فرصة
حرام يمكن كانت غلطة وعدت
استعيلتي

بس الغلط اللي اكبر منه انه تخونين زوجج الحالي
خطيبج خلاص اعتبريه ماضي
حافظي على زوجج وحاولي تكلمين احد كبير ثقة في العايلة ( عم - خال - أبوه ) يكلم خطيبج السابق
ويفهمه ان لازم يبتعد ولا راح يكبر السالفة
حرام الله ما يرضى


عيشي حياتج وانسي الماضي
لا تعورين قلب زوجج حرام شذنبه

 

[غنـــــج]

مشكوره كوفي

معاج حق صح اذا يضايقني لازم اشكي لاحد ثقه ولا اني اتعب طول هالمده وساكته