اللي فيها غده درقيه او تعرف احد فيه تدخل ضروري قبل رمضان>>>

[ابتسمامه]

انا فيني خمول بالغده الدرقيه .. موعدي بدايه رمضاان ..


وانا صمت الفتره الاخيرر .. شنووو 3 ساعات .. ما يمدي الاكل تهضم .. على الاقل 6 ساعات انا فبالي ..

لان دكتووري يقول على معده فااضيه .. يعني ما فيهاا شي ...

انا طبعا ما اتسحر فاطالع الاذان متى .. وواصووم قبله ب6 ساعات او 8 ..


يعني اذا الاذان 3 من الساعه 7 ما اكل شي بس اشرب سوائل .. والساعه 10 خلاص ما اكل شي ... ولا اشررب


اما اذا انتي تبيين تتسحررين .. افطري مني .. وكملي صياامج .. اكليها الساعه 2 بلييل .. والاذان يكون 3 ونص .. يعني يمدييج تتسحريين ..


شكثر يقولون لي نص ساعه انا دكتوري قاايل سااعه على الاقل ما ادري منو الصح ..


اتمنى اكوون افدج

اها شكلي بسوي نفسج احس جذي صح منها اكلها على معده فاضيه ومنها افطر عادي مع الناس على تمره

 

[ابتسمامه]

شوفي حبيبتي
انا مادري عن الدوا اللي تاخذينه بس بقولج شغله بأذن الله تشفييييييييييييييج وماتحتاجين اي دوا بعدها وتصومين وتفطرين عادي من غير لاتاكلين لدوا
تدرين شنو ((القصد البحري او القصد الهندي)) سبحانه الله فيه ماده تعدل الهرمونات وتضبط الغدد جربي وشربي شهر وتحملي طعمه وبأذن الله بتشكريني على النصيحه
على فكره هذا من احاديث الرسول عليه افضل صلاة وسلام
وترا في فوايد عجيبه غريبه

حتى امي قالتلي عنه بس انا الغده الحين الحمدلله منتظمه على الحبوب وناويه احمل وان شاء الله بجربه بعد الله مايرزقني اخاف اجربه الحين والخبط هرموناتي
الله يرزقج بالذريه الصالحه والحمال الطبيعي

 

[ابتسمامه]

رد: رد : اللي فيها غده درقيه او تعرف احد فيه تدخل ضروري قبل رمضان>>>

على السحور احسن شيى لانه انا ناصحنى اول الدكتور عبدالناصر العثمان قالى اذا صليتى الفجر اكلى حبة الغده

اي بسوي جذي ان شاءالله

 

[ابتسمامه]

حلا الروووح

اوكسجين

طريقتكم اكيد صح بس انا مو حاطه بالي كلش افطر عليها
الله يشفينا ويشفي مرضى المسلمين

 

[المميزه84]

قوه بنات الله يوفق الي تجاوبني انا بحمالي الاول صار فيني غده نشطه وتعبت بالحمل ولما ولدت كشت فيهم وماراجعت اشوف شصار عليها
والكل قالي ماراح تحملين الا اذا عالجتي وانا مخليتها على الله والحين انا حامل وما ادري شصار عالغده بنات انا خايفه وايد والموضوع هذا خرعني خصوصا الي قالت ان الحبوب مدى الحياة امبي خايفه تتوقعون الغدة راحت مني ؟
مع العلم ان صار لي سنه ونص من بعد ولادتي الاولى تكفوووون بنات قولولي شسوي والله خايفه شنو هالمرض مايروح؟ وشنو يسوي وانا غدتي نشطه بس مره امتن ومره اضعف تتوقعون طبت؟

 

[ابتسمامه]

حبيبتي المميزه لازم تروحين تراجعين تشوفين نسبتها مرات تنزل ومرات تصعد
اللي اعرفه انه الوحده ما تحمل الا اذا انتظمت عندها الغده روحي حللي ان شاء الله تكون رايحه ما في شي بعيد عن الله
واذا لا سمح الله للحين فيج لازم تاكين الحبوب عاشان ما يسبب اجهاض او تشوه بالجنين .. ان شاء الله مافيج الا العافيه

 

[om al ghaleen]

انا باجر مراجعتي بآخذ لي دواي واسألها عن رمضآن
بس انا باخذ الدوا وبعدها اصلي واتفطر احس حل ولنا الاجر ان شاء الله "


\\

 

[المميزه84]

ابتسمامه حبيبتي ماقصرتي عالافاده بس صج يسوي تشوه بالجنين الله يستر خايفه

 

[ابتسمامه]

انا باجر مراجعتي بآخذ لي دواي واسألها عن رمضآن
بس انا باخذ الدوا وبعدها اصلي واتفطر احس حل ولنا الاجر ان شاء الله "


\\

اي والله ياليت تسالينها ........ان شاء الله ربي يكتب لنا الاجر يارب

 

[ابتسمامه]

المميزه انتي حللي بالاول ان شاء تكون رايحه
الله يكتبلج اللي فيه خيره......

 

[عروس شمالية]

المميزه لحقي على عمرج لازم تراجعين دكتورة النسا وتقولين لها عالغدة دامج بداية الحمل ترى الغدة يا تسبب اجهاض او تشوه للجنين الله يحفظج بس راجعي يمديج دامج اول الحمل؟؟

انا ولدت بنت مشوهه بالمخ والقلب وماعاشت والحمدلله ثاني حمل راجعت وقالت لي الدكتورة السبب الغده وعطتني الثيروكسين والحمدلله نفسج كنت بداية الحمل ولحقت على عمري

وبالنسبة لتناول الحبة لااااااااااااااازم نفطر عليها ونصبر نص ساعه وناكل بعدها والا ما يجي العيد الا الوزن زايد والهرمونات معتفسه لاااااازم عالريج ومن تقول عالسحور غلطااااااااااانه واسألووووووووووو اكبر دكتور .. والله العظيم هذا الصح ولو تتعمقون بالموضوع تلاقون بأن هرمون الثيروكسين للانسان الطبيعي اللي مافيه غده يفرز عالريج والله اعلم ........

لا تنسون عالفطور مو السحور لاتخربون هرموناتكم واللي تبي الحمل لا تخرب على نفسها,,

 

[عروس شمالية]

الغده ما تروح نهائيا ......... وسلامات

 

[عروس شمالية]

اي نسيت اقول بأن الغد الدرقيه تنخلق بالجنين بالاسبوع 12 يعني لحقي يالمميزة على نفسج قبل لا يصير شيء للجنين ومابي منج غير الدعاء بالستر بالدنيا والآخره

 

[نرجس 85]

رد : اللي فيها غده درقيه او تعرف احد فيه تدخل ضروري قبل رمضان>>>

انا اكلها اول ما يأذن وبعدها اروح اصلي وبعدين افطر
عشان يكون مفعولها احسن حق الجسم
والله يشفيج ويشفي كل مرض

 

[ابتسمامه]

عروس شماليه يمه كلامج يخوف شكلي بغير رايي واكلها على الفطور لاني نا ويه احمل واخاف الخبط هرموناتي
جزاج الله خير

 

[عروس شمالية]

اي والله صدقيني اختي ابتسمامه .. اكليها وصلي واذكري الاذكار واقري القرآن الا رايحه النص ساعه احسن لج عسى الله يرزقج يارب

 

[المميزه84]

عروس شماليه وابتسامه حبايبي عسى الله يستر عليكم دنيا واخره ويوفقكم يارب ويرزقكم الذريه الصالحه ويسخر ازواجكم لكم عاج انا ناويه اروح الطبيب عالشهر الثالث ومن حللت التحليل المنزلي وانا ماراجعت ولاشي الحمدلله انم نبهتوني وتوني اقرى حق ريلي الكلام جان يعصب ويقول الحين تقومين الطبيب

والحين انا بسكر اللاب واروح الطبيب وان شالله باليل ابشركم واقولكم شصار بنات تكفوووووووووووووووووووون ادعولي ان مافيني شي عفيه الله يخليكم

 

[توكلت على الله 22]

للرفع

 

[الريشة]

انا الطبيب قاللي اكليها على الفطور.
بس انا مستغربة ... مو يقولون دواء الغدة لازم تاكلينه بنفس الوقت كل يوم؟
شلون برمضان ناكله وقت الفطور؟ معناته إن موعد الدواء ما راح يكون في وقته؟ هالشيء عادي؟؟

 

[المميزه84]

الحمدلله الجينين كل شي اوكي بس التحليل حللت وناطره النتيجه الله يستر توني راده من السيف فتحت ملف عند دكتوره اسمها اسيا