اللي قد التحدي يدخل واللي موقده لايلف ويدور

[am rakan]

سلام حبايبي ابيي احد يدخل معاي في تحدي انقاص الوزن انا كل ماادخل قروب نايمن ماكو حماس ماكو تشجيع واللي تحدني ترفع يدها:eh_s(8): علشان نتبادل الخبرات والرياضة والعناية في الجسم من شد ومط لازم نثبت حق نفسنا قبل الناس انا نقدر نسويه وننزل اوزانا علشان صحتنا ونخلص جسمنا من كل هالشحوم
انا وزني 88
الطول160
الهدف الاول 80
الهدف الثاني75
منو مـــــــــــــــــعــــــــــــاي

 

[ღ Mzajiya ღ]

:d

انا معاج
بس شنو نظامج ؟!
بتصومين ؟؟​

 

[am rakan]

هلا حبيبتي قهوة فرنسية هاليومين تخفيف علشان الدورة ويوم الثلاثاء بابتدي صيام وبامشي على هالرجيم ينقص 8 كيلو ب10ايام
اليوم الاول مشتقات الالبان منزوع الدسم +خيار +خس طول اليوم كل ماجعتي خذي اي شئ لبن حليب روب جبن
اليوم الثاني فواكه ماعدا الممنوع وقت الرجيم
اليوم الثالث نفس الاول
اليوم الرابع نفس الثاني
اليوم الخامس اي بروتين بدون دهن سمك دجاج لحم +خيار وخس
اليوم السادس خضار مسلوق ماعدا البطاط والبسلة
اليوم السابع فواكه
اليوم الثامن نفس الاول
اليوم التاسع سلطة خضراء جرجير خس خيار بقدونس مع عصرة ليمون
اليوم العاشر مثل الثاني
وممنوع السكر ومسموح سكر الرجيم ومسموح شاي اخضر وشاي اعشاب ولازم ماتخذين اي شئ فيه كافيين ولازم شرب ماء كثير ومشئ اقل شئ نص ساعه واي رياضة تقدرين عليها
ايش رايك نحدد وقت لرياضة شوفي الوقت اللي يناسبك انا ماعندي مشكلة في اي وقت

 

[am rakan]

الرجيم مو لازم صيام ان ابيي اصوم وحسيت الرجيم ينفع حق الصيام

 

[ღ Mzajiya ღ]

حبيبتي بالعكس الصيام مو شرط يكون زين حق الرجيم
لان الريووق اهم وجبه باليوم اذا ماكليتيها طول اليوم بتظلين يوعانة وتدورين اي شي جدامج تاكلينها
انا سمعت هالشي يا من عضوة بالمنتدى او سمعتها من احد ثاني ​

ف انتي سوي اللي ريحج بس انا جربت هالشي وصح الريوق مهم ويحرق اصلا اذا ظليتي صايمه ماتحترق الدهون بسرعه​

بالنسبه حق الرجيم هذاالجدول سويته امس بمشي عليه لمدة شهر ان شاءالله ​

​

والرياضة انا مشتركه بنادي اذا لي مزاج اروح راح يكون من بعد صلاة العصر لي صلاة المغرب
واذا مارحت عندي جهاز الغزال بالبيت بلعب عليه ربع ساعه يوميا حتى لو رحت النادي لان واايد زين ويحرك كل الجسم​

هذا نظامي لمدة شهر باذن الله وان شاءالله التزم​

 

[ღ Mzajiya ღ]

شرايج :d​

 

[ღ Mzajiya ღ]

شرايج :d​

 

[am rakan]

حلو حلو خلنا نتحدا بعض لشهر وحلو جدولك

 

[ღ Mzajiya ღ]

خوووش من باجر ابدي معاي عيل
بس بالاكل اللي تبينه يعني كل وحده وجدولها
واذا تبين مثل جدولي حيااج يا قلبي
ونتلاقى كل يوم ورا صلاة العشا ان شاءالله ونكتب يومياتنا d:​

 

[am rakan]

okاحنا صلاة العشاء الساعه 7 ونص

 

[ღ Mzajiya ღ]

عادي الساعه المهم يكون ورا صلاة العشا عقب ماتتعشين وخلاص تكون اخر وجبه لج
احسن صح ؟؟ عشان تكون يومياتنا كامله​

 

[شيخة الغراشيب]

موفقات خواتي

 

[غرام مرمر]

بالتوفيييييق وعقبال ماتبشرونا بنزول اوزانكم قهوه فرنسيه ماكتبتي وزنك ؟؟

 

[ღ Mzajiya ღ]

مساااء الخييييييييير

هاا بشري ام راكان خربطتي ولا ملتزمه

لول
غرام مرمر انا كنت كاتبة وزني بموضوع ثاني ف نسيت ارد اكتبه هني
انا اللي يسلمج وزني مو ثابت ابدا ابدا
كان 84 ونص يوم واحد خربطت شوي صار 85

يعني خل نقول وزني 85 :eh_s(2):​

 

[ღ Mzajiya ღ]

بنات ابي اسوي شريط حق الوزن منو تعرف ؟؟!!

ام راكان سوري مستغله موضوعج اذا يضايقج هالشي قوليلي :$

​

 

[am rakan]

هلا قلبوووو قهوة فرنسيه خذي راحتج الموضوع موضوعج اكيد فيه خربطة اكلت لقمة واحده قاتوه بس انا ماتغديت وقبل شوي كلت شوي بليلة مدري شتقولو عنها وبس ومشيت نص ساعة

 

[روز الخليج]

ماشاء الله عليكم ويارب تضعفون بصحه وعافيه

 

[ღ Mzajiya ღ]

صباااح الخير

سوري امس لهيت ومانزلت يومياتي وكنت دايخه
الصبح شربت فنيال قهوه عربية وعالساعه 9 كليت تمرتين
ولي الساعه 2 شربت شوي شوربة عدس وبعدها بساعة ونص
شربت لاتيه تروبيكانا بدون شكر وجم حبة بسكوت شوفان
والساعه 5 تقريبا رحت الجمعية لي 7 ومشيت مشي لول تقولون مجمع مو جمعية
وعالساعه 8 يمكن كليت صمونه من لوفات دياي مشوي
وبعدها بساعتين يمكن حلو التك

وهذي غلطتي اني ماتريقت فظليت طول اليوم يوعانه وماراح اعيدها ان شاءالله
وبس :d*​

 

[am rakan]

مساء الخير

اليوم فطرت ساندوش فلافل مع سلطة+عصير برتقال الغداء شابورة رجيم مع كوب شاي طفش مع كل التقشف والجوع تخيلي زايدة كيلو الدورة لخبطة كل شئ مدري ليه مع الاختبارات مااكل وبس نايمة ومع هذا وزني اما يثبت او يزيد
​

 

[ღ Mzajiya ღ]

مسااء الخيير
ماعليه ام راكان الوزن اول اسبوعين تقريبا مو ثابت كلش واحتمال ماينزل بسرعه بعد

تحملي شوي و ان شاءالله تبين النتيجه

اليوم انا ريوقي توسته وجبن لايت و موكا من تروبيكانا
وتغديت فته وعصير برتقال فريش مع قفشة بذر الكتان
وبليل تعشيت هم فته وشوية شوربة عدس

وخربطت شويه بس نتفه خخ و كليت بسكوت شويه وشربت عصير برتقال من تروبيكانا​