اللي كارهه زوجها وكارهه ترجع بيت اهلها شنو حلها ؟؟

[* بنت المطر *]

هلا حبيباتي اليوم بالدوام شبكت من الايفون وخليتها تقرا ردودكم لا واصدمتني بجم شغله ابوه اسفه طلع مومتوفي لان ماتجيب

سيرته الا انه يدعي عليه بس تقول كبير حيل شايب ومنكسر ظهره تتوقعون من شنو منكسر ظهره !! منه اهو زوج رفيجتي طاق

ابوه تخيلوا !! يقول ان كان طاق امه دازها من الدرج عاد شدعوه يحب امه حتى امه يدعي عليها ابيه كريه مايحب احد حتى اهله

لا ويقول ابوي اذا مات ببول ( تكرمون) على قبره استغفرالله - وعنده اخت مطلقه طاق بنتها طق مع راسها ليم احولت عيونها

يحرام ! مجنون هوايته الطق ذاك اليوم داق عليها يسالها عن ملابس الولد بيغيرله الظاهر وقعد يسفل فيها ويقولها تعالي الهوز

ناطرج وقعدت طول اليوم على اعصابها وبس ادعي عليه لدرجة اني قمت احاتيها ليم ردت وطمنتني عليها !

 

[* بنت المطر *]

شاكرتلكم بنات وحده وحده ام كوثر حبيبتي يحلو ردج اليوم انا قلتلها جيبي بعد جاهل اثنين يصيرولج عزوه دامه مافيه خير لااهو

ولااهلج ع الاقل يضفونها لااكبرت

 

[حبيبه هيثم]

المشكله كنت برد نفس ردود البنات واقولج خليها ترد بيت اهلها


لكن انتي تقولين انه لبنت ما تبي تطلق ..


يعني انا اقول من رائي .. انها تتحاشااه . يعني علي قولت عادل امام تكبر الدي وتروق الجي ..


خليها تكبر راسها لا تناشبه لا تحاجيه وتستفزه لا تلعب بتلفوني لا تسوي لا تحط

خليها تتحاشاااه وتمشي معاه علي مووده اهووو ..


يعني خليه دام اهو اللى شاد اهي ترخي .. خليها تبرد اعصابها اشوي

مو معقوله عايشه مع واحد مخه خرطي واهي بعد تصير مخها خرطي وتشد وهو يشد .


الحين الريايييل الصاحين اللى مافيهم الا العافيه الوحده غصب ملقصه روحها فيه وتعابل فيه معابل


فما بالج واحد عنده كرت حمر ؟؟؟؟؟


دام ما تبي تطلق هذا اهو الحل اللى عندي

انها تبرد من اعصابها وتخلي حياتها كلها ولدها

وخليها تعامله جنها تعامل ياهل

شنو ما يقول لها خليها تمشيه وتعدي

تحاول قد ما تقدر ما تستفزه وتنرفزه

جود ينصلح حاله

واذا ما انصلح حاله . علي الاقل تتحاشا النجره معاه .

الى ايدا بالماي مو مثل ايدا بالنار صدقونى يا بنات يمكن بيت الزوج اهون على الاقل بيتها تاكل على كيفها ولدها ماخذ راحتا مع خياس الزوج تروح الدوام وترجع انا مع الاخت ام كوثر وتعيش حياتها وتخليها على الله لان خليها تتاكد دوام الحال من المحال وصدقينى بيجى وقت وراح يصير شى يغير حياتها اما انها تتطلق انا ضد ضد ضد لانى مجربه :eh_s(10):

 

[ام كوثر2007]

هلا حبيباتي اليوم بالدوام شبكت من الايفون وخليتها تقرا ردودكم لا واصدمتني بجم شغله ابوه اسفه طلع مومتوفي لان ماتجيب

سيرته الا انه يدعي عليه بس تقول كبير حيل شايب ومنكسر ظهره تتوقعون من شنو منكسر ظهره !! منه اهو زوج رفيجتي طاق

ابوه تخيلوا !! يقول ان كان طاق امه دازها من الدرج عاد شدعوه يحب امه حتى امه يدعي عليها ابيه كريه مايحب احد حتى اهله

لا ويقول ابوي اذا مات ببول ( تكرمون) على قبره استغفرالله - وعنده اخت مطلقه طاق بنتها طق مع راسها ليم احولت عيونها

يحرام ! مجنون هوايته الطق ذاك اليوم داق عليها يسالها عن ملابس الولد بيغيرله الظاهر وقعد يسفل فيها ويقولها تعالي الهوز

ناطرج وقعدت طول اليوم على اعصابها وبس ادعي عليه لدرجة اني قمت احاتيها ليم ردت وطمنتني عليها !

لا حول ولا قوه الا بالله .. شي يدمي القلب والله . عسى الله يهديه لها يارب


حبيتي هذا مو مينون لانه المينون مو هذى سوالفه .

هذا الظاهر اهو اخلاقه جذى . وان شاءالله ي رب يتغير وتقدر تغيره بطريقتها

لا تخلينها تتعب اعصابها خليها تاخذه علي قد عقله

والله انا ودي اقول تطلق بس ليش اقول خل تطلق اذا اهي رافضه هالمبدأ

قوليلها تصبر وان الله سبحانه مع الصابرين

وماخاب من صبر صدقيني ربج بيشوف لها دبره يا انه يهديه يا اتيله مصيبه تاخذه

استغفر الله اول مره انقهر جذى .
​

 

[كلنا عشاق لكن]

​

إذا إنه ياخذ الحبوب -بوصفة- فهو مريض ومرفوع عنه القلم
والبيت اللي فيه مريض نفسي يمرض اللي حوالية لين ينهارون ويبدون ياخذون حبوب
أو يطقهم لين يسبب لهم عاهة لاسمح الله
وترى العنف الأسري أغلب أسبابة المرضى النفسيين هذا وإهم ياكلون حبوب
فما بالج لو مايكلونها ومحد وداهم أطبا من الأساس
وهالحالات مكانهم الطب النفسي مو البيوت
لأنهم هناك يعطونهم منومات أغلب الوقت
ومعروف إذا أقعدوا من النوم يبدون بالطق والتكسير
وإذا ماتبية وماتبي أهلها
فممكن تدق عليهم يحجزونه وتقعد ببيتها مع ولدها وكل ماطلع تدق وهكذا
والله يعافية ولايبتلينا

 

[جوري 2007]

الله ينتقم منه هالظالم

هذي اشناطرة ؟؟ يذبحها مثلا ؟؟

خل تروح تشتكي عليه ،، وحتى لو وعدها يتغير

اخذيها مني ماراح يتغير هالريال مومتربي وماراح يتغير

اشتبي فيه مالت عليه ريال العازة مامنه فايده ولا عايده

خل تتحسب عليه والافضل تتطلق <<<<<احتريت

 

[* بنت المطر *]

..........................................................

 

[انصاريه قمره]

تلبسهم بالجوتي وترد بيت اهلها وشنو يذبحونها اخوانها ماكو قانون وين قاعدين غصبا عليهم يحترمونها الجلاب ولا تهد البيت وتأجر لها شقه وتقعد تربي ولدهاا احسن تربيه واذا كلش تاخذ عليهم تعهد خووش والله بدال لا يصيرون عون صاروا فرعوون

 

[حظ من عنده انا]

الله يعينها


ولا يبتلينا

 

[اميره1980]

اختي بعد المعلومات الجديدة اللي قلتيها لنا المفروض ما تقعد عنده و لا دقيقة وحدة
انا رديت على الموضوع بأوله و قلت ترفع عليه قضية طلاق للضرر و ما زلت على نفس رايي و القاضي يحكم لها بسكن مستقل مع باجي حقوقها

 

[kwait doll]

باجر لمن يسوي فيها عاهه مستديمه يبط عينها ولا يشوهها ومحد يطل بويهها تتحسف وتقول يا ليتني ويا ليتني
خل تتطلق الحين تنقذ ما تبقى من عمرها ويمكن تتزوج غيره ويطلع فيه الخير


الله يفك عوقها

 

[جوري الكويت]

مع اني ما احب انصح احد بالطلاق

بس هالريال ما فيه ميزه وحده

و راح يعقد ولدها معاها باجر يكبر و يشوف امه تنطق يمكن يتعقد و يمشي ب طريج الغلط لا سمح الله

الشرب و المخدرات واااايد في ناس وصلوا لي هالمرحله بسبب التفكك الاسري

شنو اخوانها بيسوون فيها اكثر من اللي ريلها مسويه فيها

و من زين فعايله ماخذت له قرض .. خل تروح ترفع نفقه عليه .. لان دام ماخذ منها قرض فأكيد ما ينفق عليها

و انشالله ولدها باجر يكبر و يكون عزوتها

ش فايده ريال كل يوم يطقها .. باجر اذا سوى فيها عاهه مستديمه و لا ماتت من الطق

الناس بيقولون طايح عليها ,, و ولدها راح يدفع الثمن من سمعته بين الناس

 

[دلوعة أبوهآ]

الله يعينهآ ..
ترجع بيت اهلهآ ع الأقل مافي ذل وإهانه لهآ ..

 

[*E.B.D.A.3*]

ماعندي غير كلمة وحده ...

رفيجتج قاعده تعدم عيالها بالحرف الواحد!!

 

[سمر شمر]

***بنت المطر***


اسمعي هالكلااام زين :rerrerek::rerrerek::rerrerek::rerrerek:

انا قلت لج انه ان شالله الولد يكبر وينسيها وحطيت ببالي اني اكتب لج

معاناتي شخصصيااا يوم كنت طفلة بس كنت مشغووولة والحين فضيت


انا وحدة شخصياا اكلمج وعانيت من مشاكل امي وابوووي يومني صغيرة

ولما كبرت قبل عرسي تطلقووو


والله والله والله اني لااااايعه جبدي من طفولتي من ذكرى سيئة


ماخلووني اعيش طفووولتي مثل باقي الاطفاااال

اي شي اي صوووت افزز منه وابقق عيوووني

صااارت عندي فوووبيا

واذكر مجرد مايدخل البيت يصارخ انه لييش مافتحتو الباب باهوااش

وربي اني اهرب اطلع من البيت


يا بناااات لاتعقدوون اليهاااال


لاتعقدووونهم


لاااتعقدووووونهم ياويلكم من الله


تمنيت لووو ابوووي مطلق امي من كنت اصغيرة جووود ارتاااح واعيش طبيعيه احسن

من اني اعيش معقدة وافز من كل صوووت يخوووووف

احيانا اتذككر طفووولتي واننننننقهر واقووول مووو محللته

واحيانا اططططخ واركد من الله


واردددد اعصصصب بمجرد ماتذكر الخوووف:eh_s(2):


والله حرااام:0bee2e8d89:

 

[هلاااااوي]

مالها غير الدعاء ورب العالمن تكثر فى الدعاء والاستغفار واللة يرحم حالها ان شاللة

 

[كلي لحبيبي]

خليها تقوم قبل اذان الفجر بربع ساعه اذا تقدر وتدعي هالادعيه
موشرط صلاه او وضوء بس تدعي من قلبها وموقنه ان ربي يسمع

http://www.q8yat.com/t492018.html


انا عن نفسي مرتاحه له حييييييل
خليها تجرب موخسرانه شي

الله يسخرلها ريلها يارب

 

[*جبرني الوقت*]

الله يعينها يارب ويفرج همها

 

[kareeb]

لو أنا مكانها والله اطلق أريح لي و إربي ولدي بدل ما إربي ولدي عند أبوه المينون

 

[Bamya]

tet6allag o etnashfa belnafa8a o tasken eb sakan elmo6alla8at ahwan laha men hal3eeeesha