اللي كان عندها مشاكل مع ام وابو زوجها وحطت حد تدخل

[نور دنياه]

الله يعييينج ، خلاص خليج رسميه وياهم واذا بتزورينهم كل اسبوع اقعدي جنج ضيفه ولاتسولفين خليج ساكته واذا سئلوج جاوبي على قد السؤال ولاتخلين ريلج ينزلج ويروح خليه يقعد وياج. واذا ماعندكم سوالف الزوارات كل اسبوع روحي لهم بالاعياد والمناسبات الرسميه والله ارررريح مو مجبوره تروحين لبيت اهله مو بالعينج.
انا هذا الي قاع اسويه الحين اقول لريلي انا رايحه عشانك وانا عارفه انه مو مرغوب فيني ببيتكم. خليها يشيلها لج.

وبالنسبه لسالفه الحمال، انا لمن كانوا يسىلوني حامل ولا لا؟ اقول" الله كريم" يعني ماقول "اي" او "لا" يموتووون احيرهم

 

[جذابه بنت ذيابه]

الله يعينج

اهل زوجج اهلج هذي مقولتي دايم بس دام جذذي لا والله نصيحه خلج سطحيييييه

 

[اخت الدكتور]

لاتزورينهم وخلاااااااااااااااااااااااااااااااااااااااص

 

[atc666]

قولي لريلج انج ماراح تزورين لأنهم مايحترمونج وشوي شوي قطعي عنهم بالمرة

 

[*E.B.D.A.3*]

الطيب يكسر العين ..
بروحتج لهم فاجئيهم بكيك وحلو وسوالف ..
خلج مبتسمة وايجابية "اكثر من اللازم "
النغزة الي تنقط جنج ماتسمعينها ...
السؤال الاستفزازي ردي عليه رد دبلوماسي لابعد درجة ..
لا تطولين بالحجي ،، حدج جمله جملتين وصكري الموضوع
ودوريلج سوالف عامة عشان لا يتحول الموضوع شخصي واسالة شخصية
تحجي عن سوالف مصر الحين، سوريا ، الانتخابات ويتفررر ..
سوالف عامة قد ماتقدرين ..


انا بالنسبة لي ،
هاذي حركاتي عشان اسكت اي مجتمع نسائي "حشري"
انا الي افتح المواضيع وتكون عامة، عشان لا اعطي فرصة حق اي سالفه شخصية ..

 

[smo0o]

أنا مع إبداع

و هذا أسلوبي مع اللي بيني و بينهم مشاكل

على طول أبتسم و أبدأ بالسلام و اطنش نغزاتهم ولا كني فهمتها أساساً

 

[انصاريه قمره]

انا عن نفسي أي انسان اشوف من وراه عوار راس اطلعه من قاموسي وبعدين هذول اهله مو اهلي حتى اتحمل الغثا واسكت وناس ما يحبوني شعندي رازه الويه ومجابلتهم ناقصين لوعه ؟؟ انا عن نفسي ما احب اجامل من جذي اذا كان قلبي متروس على الشخص وماخذه منه موقف ما اغصب عمري واجابله ماني ملزومه اهم شي راحت بالي ولا الناس بالطقاق المحترم يفرض احترامه عالبشر واللي مو محترم محنا ملزومين نقدره ونجامله ونحترمه لانه لو كان فيه خير فرض احترااامه اهم شي قومي ببيتج وزوجج ولا الباجي ما عليج منهم

 

[امـ خــزامـى]

بالنسبه لوضعك وعلى قولتك خوافه ترى هذا اللي يزيد الطين بله
وهذا اللي مخليهم يستقوون عليه

بحالتك ماانصح ابد بالزياره الا بالاعياد والمناسبات غير هالشي ماانصحك لان لو رحتي بتزيدين الطين بلللللللللله

واذا زوجك مااقتنع والا يبيك تروحين رضاه اهم شي روحي وجيبيلك هديه طقم للامه وابوه ولاتقدمينها لا خلي زوجك يقدمها
عشان مايستفزونك
واكتبي انت دعاء واخرها ابنتكم فلانه وحطيها مع الهديه عشان بعدين يعرفون انها منك

وانت خوذي معك حلو وفطاير
وساعه بالكثير الا انت طالعه لاتطولين اببببدا

وسالفة الحمل قولي الله كريم وهو الرازق وبس


اخر شي امدحييييييييييييييييييييييييهم خصوصا البنات
مثلا الكبيره ودها تنحف وانت من قبل كنت عارفه
اول ماتشوفينها قولي ماشاءالله وش هالحلاوه جسمك صاير يهبل

الثانيه امدحي لبسها او مكياجها اي شي

خالتك ابدي اعجابك بدراعتها او مثلا قدمت شي هي مسويته ان شاءالله شاهي

اذا سألوا سؤال استفزازي عااادي ولا كأن شي صاير اضحكي وردي عليهم بكل برووود

وشوي شوي بهالاسلوب بيحترمونك وبيتحاشونك

وبتكبرين بعين زوجك وبتكسبين رضاه

 

[نـعـومـه]

اول شي ليش يكرهونج !! ! معقول بدون سبب !! صلحي الخلل اذا في

دام انهم يسبون ويقلون ادبهم سلمي قعدي شوي وخلج رسميه وساكته لاتضحكين ولاتعفسين ويهج قللي روحتج لهم خليها لوحه الله فقط

وسالفه الاحترام كله يعتمد على ريلج اذا شخصيته قويه ومايرضى عليج هنيه ماراح يجرئون معروف الطيب عادي يتمادون

خلي ريلج اهوه اللي يحل سالفه ويخليهم يحترمونج

 

[سعوديه 1]

الله يكون بعونك ,,
ومن تجارب خواتي انه من اول ما تزوجو جتهم نصيحه من بنات العايله المتزوجات انه خلي علاقتك مع اهل زوجك رسمييييييييييييييييييييه جدا ,, ولاتكثري زيارات خليها يومين زواره بالاسبوع وبس ,,

 

[حبي مودي..]

شوفي انا ام زوجي وخواته كنت انواع الميانه والطلعات مع بعض ويدخلون شقتي باي وقت عادي بس حسيت بعدها مافي اي احترام وبسالفة الحمل ياكثر الاسئله لكن وقفتهم عند حدهم وقلت هذا موضوع خاص ومايحق لاحد يناقشني اويسالني فيه،، حاولت أبعد عنهم واقلل زياراتي مافاد بشي وصلت للأهانه والكلام اللي يجرح من ام زوجي الله يهديها تركتهم مااروح لهم تقريبا هذا من ثلاث اشهر اليوم قالي زوجي ابهني امي برمضان سلمت عليها على الدرج وزوجي واقف ودخلت شقتي خواته ماسألت عنهم ولا راح اسأل عنهم..