اللي ماخذين قروض وسددوها او ماسددوا تعالوا بسررررررررعه

[تعبتوني]

كان فيه تجربه لوحده معانا بالمنتدى
بس ما اذكر وين

منوره الموضوع حبيبتي

ياليت تنقلين التجربه او تعطينا اسم العضوه

 

[رقي]

الله يفرجها عليكم
ويسدد ديونا وديونكم

 

[تعبتوني]

القروض دماااااااااااااار

نصيحه لا تاخذون

شكرا على هالموضوع جنتيها على الجرح

هلا فيج حبيبتي

صاجه والله الله يفرج همج وهم كل مهموم

 

[تعبتوني]

الله يفرجها عليكم
ويسدد ديونا وديونكم

مشكوره حبيبتي

 

[تعبتوني]

وينكم كويتياات :fun:

انا حاطه الموضوع للمناقشه والاستفاده :eh_s(17):

 

[فينيسيا]

شوفي حبيبتي
يعتمد علي قيمه القرض وعلي التعاون بين الزوجين واهم شي تكونين واثقه بزوجج وانه يساعدج للاخر وما يتخلي عنج
وهم اذا عايلتكم صغيره وعيالج صغار

انا الحين وللاسف احس اني تاخرت بهذا القرار بس الحمدالله ان احنا بدينا فيه
ويمكن تاخرنا لانه بس من فتره قريبه ثبتو الاقساط وثبتو الفايده

انا وزوجي الله يسلمج تبهدلنا من البنوك
واتفقت معاه انه ندخل جمعيات مع بعض باكبر قيمه نقدر عليها ونسدد من القروض
زوجي عليه 5 الاف
وانا قرضين
واحد 7 الاف والثاني 12 الف
اول هدف نسدد قرض ال5 اللاف
وبعده ال7 وبعده ال 12
طبعا كل ما سددنا قرض راح يتحرر المعاش ويصير كامل بدال ماهو مقصوص

دخلنا بجمعيتين كل وحده الف والجمعيه الثالثه 3 الاف
وكلهم نستلمهم مع بعض بعد شهرين

وراح تكون 5 الاف كامله نسدد فيها اول قرض
ويصفي لنا معاش زوجي كامل
وبعدها ندخل بجمعيات لل 7 الاف
ونفس الشي مع اخر قرض
والله كريم
وادعي لنا الله يسهل لنا ونفتك كلنا من القروض الربويه
الي صج تمحق البركه من الرزق

 

[miss dashtiii]

الحمدلله والشكر لله بس انا بقول لأ وملوين لا ياسلام انتو ماخذين قرض واستانستو فيه من سياره وبيت الخ



وحنا ولاشي نطلع من السالفه بلوش يا يساوونه معاكم او عسى مايطيحون القروض


وطبعا النحيس اللي بيقول طيحوا القروض بدون مايعطون الباجي شي

امبي معقوله في ناس جذي !!!!!!!!!!!!!!!!!!!!!!!!!!!!!!!!!!!!!!!!!
خل اقولج حبيبتي اللي ماخذ قرض موماخذه عشان يفسفس فيهم لأ
اهوا محتاج سياره او محتاج يكمل دراسته اومحتاج يعالج نفسه او او او او الله اعلم كل واحد وظرفه
واللي دامجه راتبها مع زوجها عشان يشترون بيت مافكرتي ليش هذيل سوو جذي لان محتاجين هالبيت ليمتى يدفعون بهالاجارات؟؟
خل يكون في علمج ان واااايد ناس راضيين يعطونكم الاف الدنانير بس المهم يطيحون قروضهم ويكدرون يعيشون
انتي الظاهر ماتشوفين تلفزيون ولا اتابعين اخبار الناس مع الاسف!!! صدقيني جان ماقلتي هالكلام
واذا انتي راتبج قوي وراتب زوجج قوي بالعافيه عليكم وانشالله ماتعوزون حق القرض اللي وايد ناس موعارفه تسدد ديونها وعلى فكره بأذن الله راح تسقط الفوايد والناس راح تفرح وكل مشكله ولها حل انشالله
مشرفاتنا سوري بس لازم ارد عليها

 

[تعبتوني]

شوفي حبيبتي
يعتمد علي قيمه القرض وعلي التعاون بين الزوجين واهم شي تكونين واثقه بزوجج وانه يساعدج للاخر وما يتخلي عنج
وهم اذا عايلتكم صغيره وعيالج صغار

انا الحين وللاسف احس اني تاخرت بهذا القرار بس الحمدالله ان احنا بدينا فيه
ويمكن تاخرنا لانه بس من فتره قريبه ثبتو الاقساط وثبتو الفايده

انا وزوجي الله يسلمج تبهدلنا من البنوك
واتفقت معاه انه ندخل جمعيات مع بعض باكبر قيمه نقدر عليها ونسدد من القروض
زوجي عليه 5 الاف
وانا قرضين
واحد 7 الاف والثاني 12 الف
اول هدف نسدد قرض ال5 اللاف
وبعده ال7 وبعده ال 12
طبعا كل ما سددنا قرض راح يتحرر المعاش ويصير كامل بدال ماهو مقصوص

دخلنا بجمعيتين كل وحده الف والجمعيه الثالثه 3 الاف
وكلهم نستلمهم مع بعض بعد شهرين

وراح تكون 5 الاف كامله نسدد فيها اول قرض
ويصفي لنا معاش زوجي كامل
وبعدها ندخل بجمعيات لل 7 الاف
ونفس الشي مع اخر قرض
والله كريم
وادعي لنا الله يسهل لنا ونفتك كلنا من القروض الربويه
الي صج تمحق البركه من الرزق

فينيسيا :aha: :e3:

خوش مشاركه الله يبارك لكم يارب ويسهل امورج

يعطيج العافيه تجربه مفيده

 

[تعبتوني]

الحمدلله والشكر لله بس انا بقول لأ وملوين لا ياسلام انتو ماخذين قرض واستانستو فيه من سياره وبيت الخ



وحنا ولاشي نطلع من السالفه بلوش يا يساوونه معاكم او عسى مايطيحون القروض


وطبعا النحيس اللي بيقول طيحوا القروض بدون مايعطون الباجي شي

امبي معقوله في ناس جذي !!!!!!!!!!!!!!!!!!!!!!!!!!!!!!!!!!!!!!!!!
خل اقولج حبيبتي اللي ماخذ قرض موماخذه عشان يفسفس فيهم لأ
اهوا محتاج سياره او محتاج يكمل دراسته اومحتاج يعالج نفسه او او او او الله اعلم كل واحد وظرفه
واللي دامجه راتبها مع زوجها عشان يشترون بيت مافكرتي ليش هذيل سوو جذي لان محتاجين هالبيت ليمتى يدفعون بهالاجارات؟؟
خل يكون في علمج ان واااايد ناس راضيين يعطونكم الاف الدنانير بس المهم يطيحون قروضهم ويكدرون يعيشون
انتي الظاهر ماتشوفين تلفزيون ولا اتابعين اخبار الناس مع الاسف!!! صدقيني جان ماقلتي هالكلام
واذا انتي راتبج قوي وراتب زوجج قوي بالعافيه عليكم وانشالله ماتعوزون حق القرض اللي وايد ناس موعارفه تسدد ديونها وعلى فكره بأذن الله راح تسقط الفوايد والناس راح تفرح وكل مشكله ولها حل انشالله
مشرفاتنا سوري بس لازم ارد عليها

مس دشتي :tek:

يسلم تمك حبيبتي

كلامج عين العقل

 

[% مرت زوجها %]

اي والله عسى الحكومه تطيح القروض والله القروض فينا فينا شنسوي الله يرحم الحال طبعا انا مو موظفه بس زوجي عليه قرض
مشكوره يالغاليه عالموضوع الحلو

 

[ذهب]

شوفوا خواتي انا لي تجربة مريرة مع القروض مدتها 10 سنوات من عمري
تمرمرت و لاعت جبدي شريت بيت قبل عشر سنوات طبعا دمج راتب و صار زوجي بدون معاش
ياخذ معاشي كله يصرف على البيت و يعطيني مصروف و كلشي علي بالحسرة بس كنا عايلة صغيرة

لكن الحمدلله انفرجت قبل 6شهور خلص قرض البيت للبنك و تبقي احد افراد الاسرة يطالبنا 5ألاف و قعدين نسدد كل شهر لم تخلص
بالصراحة كنت دايم ادعي _(اللهم اكفني بحلالك عن حرامك و بفضلك عن من سواك) و اجتهد ان يعيني على سداد ديني

بس فعلا يا خواتي تجربة مريرة و تحتاج صبر
اوصيكم ما تأخذون قروض من بنوك ربوية لانهم يضاعفون الفائدة اما انا طول عشر سنوات كانت النسبة ثابته لانها مرابحة

الله يعينكم على السداد و على فكرة تري بيتي ما فرشته ما أبي اخذ قرض للفرش احاول اجمع و افرش ببطئ.

 

[dl3_wl3]

يمكن يقللون الفوايد بس ما يسقطون القروض الصراحه صج شحقه يطيحون القروض اللي مو ماخذ شنو ذنبه
مد ريولك على قد لحافك

 

[sweet fashion]

انشالله تطيح الفوائد على الاقل
احسن حل لتسديد القرض هو انه تعطين بالبنك كل سنه جديده دفعه يعني تحاولين تجمعين لج مبلغ شهري بحدود 100 او تزيدينهم ودورة السنه تاخذينهم وتقطينهم علي القرض بتكونين سددتي لو جزء بسيط يساعد بعمليه التسديد باقصي مده
وحلو انج تدشين كل سنه جمعيه بحدود الف مع الدفعه اللي بتوفرينها من معاشج يكون عندج الفين دينار وقطيهم للقرض والحمدلله كل سنه راح تنفرج عنج
اللهم فرج هم الناس واقض عنهم دينهم يارب العالمين يارزاق ياكريم
بنات مااوصيكم بالاستغفار عجيب صج يجلب الرزق والصدقه والنيه الصادقه

 

[brettey]

حبوبه انا ماخذه من بيت التمويل وفايدتهم ثابته
بس زوجي ماخذ من بنك ربوي مع الاسف مع اني ياما نصحته وماطاع ومتبهدل وياريت استفاد
حبوبه عسى الله يفرج همي وهمج ودايما قولي هذا الدعاء
اللهم مالك الملك تؤتي الملك من تشاء وتنزع الملك من من تشاء تعز من تشاء وتذل من تشاء بيدك الخير وانت على كل شي قدير رحمن الدنيا والاخره تعطيهما من تشاء وتمنع منهما ما تشاء ارحمني رحمه تغنيني بها عن رحمه من سواك
اللهم اكفني بحلالك عن حرامك واغنني بفضلك عمن سواك
هذا الدعاء حق الرزق والي عنده ديون بس استمري عليه وباذن الله تنفرج والصدقات كثري منها
عسى الله ينولج كل الي في بالج

 

[حلم الطفولة]

رفع

 

[تعبتوني]

مراحب لكل اللي شرفوا الموضوع

ورفع الله قدر من رفعته

اتمنى الاستفاده للكل وبالذات اللي لسه أطط مغمضه واللي توهم متوظفين ياخذون العظه والعبره

 

[ملاك ^ الحب]

حبيبتي انا عندي طريقه سريعه حق تسديد القروض

مثلا انتي معاشج 600 وماعندج التزام غير القرض او حتى لو عندج التزام ثاني

دخلي جمعيه تسللمين فيها 2000 دينار ووديها البنك قوليلهم هذي دفعه حق القرض وابيكم توقفون الاستقطاع

وانتي خلال مايوقفون استقطاعج يمعي اكثر من المبلغ الي تعطينهم ودفعي دفعه كبيره

ملاحظه :

الاستقطاع ياخذون اول شي حق الفوايد

اذا انتي وديتي مبلغ حق القرض راح يخصمون من قيمه القرض نفسه

انا سويت هالطريقه ولي الحين ماشيه عليها وتقريبا بالسته قاعده ادفع 5000 دينار على دفعات لان قرضي كبير

ويارب يطيحون الفوايد على الاقل

والله يرزقنا معاكم

 

[نور البدر]

اي والله تعب وتعب وتعب توني اسوي جدول قبل المعاش بإسبوع

 

[*caramel macchiato*]

بنااات الله يفرجها عليكم .....

بس انا مع اسقاااط الفوااايد مو القرووووض ...مو نحاسة بس وين قااااعدين @@

انا ماسمعت دولة بالعالم تسقط القروووض....!!!!!

يعني صح كلام الاخت ....ناااس خذت قروض واستانست وسافرت وشرت سيااارات اتخرع <<<< لاتقولون علاج ومادري شنو ...خل انكووون واقعيين ....اغلب الكويتين ياخذون قروووض عشااان الرفاهية ...واكيد في اقلية خذت القروووض محتاجه....

انا ضد ضد ضد اسقااااااااااااااااط القروض ...ومع اسقااااط الفواااايد ....والله يفك عوقكم

 

[ملاك ^ الحب]

حبيبتي الي مع اسقاط الفوايد

الحمد الله الكويت دوله خير وعز والله يطول لنا بعمر شيخنا وتاج راسنا ( صباح ) وولي العهد ( نواف )

في معلومات يمكن اغلب الناس ماتدري عنها


ترى الكويت اسقطت قروض العراق كااااااااااااااااااااااااااااااامله واسقطت قروض بعض الدول

مايخالف كلنا نعين ونعاون وومافيها شي اذا ساعدنا اخوانا الدول الثانيه بس على ما اعتقد ان احنا اولى باسقاط قروضنا اولى من غيرنا وقاعده تصير مساعدات حق دول وايد بالملايييييييييين واحنا ما نعترض لان تعتبر ان هالمبالغ تندفع عشان الله يدفع عنا وعن الكويت البلاء

ياجماعه اذا كلامي غلط قولولي وترى صج ان احنا عليها قروض والحمد الله عايشين عيشه الكل يحسدنا عليها ولله الحمد ويارب لا تغير علينا

والناس اي ماخذه قروض من سنين مايي في بالها ان يوم يطيحون القروض صح ولا لا

وانا وحده من الناس الي من سنين وانا ادفع قرضي صحيح ان ما يظل من معاشي الا شوي بس الحمد الله يارب على العيشه

والناس الي تقول لا تشقطون القروض هذووله اعتبرهم انانييين <<<<< اسفه


وهذا رايي

وياااااااااااااااااااااااااااااااااارب حتى لو ما يطيحون القروض على الاقل تطيح الفوايد <<< راضييييييييين

واسفه الاطاله