اللي ماراح هالمنطقتين بماليزيا مايعتبر سافر

[سعوديةكويتية]

السلام عليكم
رحنا السنة اللي طافت شهر 2 ماليزيا انا وزوجي مدة كان من المقرر 21 يوم بس انهيناها في 16 يوم وكانت اكثر من كافيه
طبعا اول 3 ايام في فندق القولدن هورسز العجيب وحاطين البنات صوره يبعد عن مطار كوالالمبور ثلث ساعه

جنتنغ في فندق 7 نجوم الخرافي العالمي
راسا ساينق.. وكانت امتع جزيره خاصة التسوق بالليل فيها مو طبيعي لقيت شغل لاند مارك فيها كله بربع السعر هالجزيره
قعدنا فيها اربع ايام ثلاث ليالي ركبت البراشوت وطرت بالسما بس تحسفت ليش اني خفت من الجيتي سكي بس ممتعه جدا جدا جدا
بعدين رحنا لنقاوي الرومنسية على يخت من بيننغ وسكنا بفندق هادي حلو نسيت والله اسمه بس احلى مافي هالرحله الجوله بالطراد على المحيط تشوفين كائنات غريبه وكهوف الخفافيش وبصراحه كانت ممتعه وقعدنا فيها اليوم الثامن والتاسع والعاشر من الرحله
ورحنا منها على كوالالمبور وخذنا تكسي دايركت على
المنطقه الثانيه الحلوة بعد بيننغ واهي منطقة جينتننغ او منطقة الجبل الباااارده البقعه البارده الوحيده في الرحله
مع انا جيناها بشتى بس لانها موسمية فهي مياله للرطوبه طول السنه
وعلى فكره شهر تسعه وعشره عندهم امطار مووووو طبيعيه
وقعدنا فيها ليله وحده بس كان التسوق ومدينة الملاهي فيها مو طبيعيه
بس ترى تفرينها بيوم واحد
وردينا كوالا لمبور وقعدنا فيها الايام الخمسة الباقيه بالماريوت ورهيب الماريوت مالهم فيه الاسواق العالميه
ولاتنسون تروحون السوق الصيني في الكوالا لمبور والسوق تايم سكوير
قشيت لولدي منه قششششش واسواااق واجد ماعرف شسمها
ولا تنسون والعمارتين الطوال نسيت شسمهم والعجلة الكبييييرة اللي تشوفين العاصمه كلها منها

بس تحسفت اني ماخذيت ولدي
لان ماليزيا صج تعتبر بلد الاطفال
بس احلى منطقتين عجبوني بالرحله
بيننغ وجنتننغ... عاد والله كل مكان له ميزه بس هالثنتين غييييييييييييييير

بس احنا متعاملين مع مكتب سياحي نظم لنا الرحلة من الى مع السواقين يوقفون بالدقيقه عند الباب
وتخيلو جبت 22 وعشرين جنطه هدايا وشرينا العود الكمبودي والماليزي الاصلي باربعمية دينار
والرحلة كييييييييلللللللللللللللللللللللللللللللها ماوصلت تكلفتها الفين دينار قسم بالله انها اقل يمكن 1800
ماشالله باركلنا ربي بفليساتنا ولله الحمد
البلد رخيص واسعار الفنادق جدا جدا معقولة
و حلو حدايق فواكه وطيور واسماك وفراشات
وطبيعه وبضاعه ملابس وساعات وجنط واجهزة
وانواع القهاوي تخيلو قهوة بالبرتقال وقهوة بالفراوله مصنع البن مو طبيعي
والشوكولاته والفواكه
يعني تقدرين تجيبين هدايا مبتكرة ون شالله اسافر له بعدين مع عيالي
مع ان خاطري بالصين والله وتايلند

 

[^ حـلـــــوى و رهـــــش ^]

الحمدلله على سلامتج يا قلبي


وفعلا ماليزيـا ممتـعـه
واحلى ما فيهـا أنها وايد وايد وايد فيهـا أماكـن سياحيـه ..
يعني صح تحسيـن أنها سفـره ..

انا بعد وايد حبيـت بينـغ .. والبراشوووت ..:ggdw:
وكذلك جنتـغ ..

بس حبيــت وايد كوالا ..
بصراحـه سوقهـم عجيــب .. والتمشي فيها حيل ممتـع ..


وصاجه هي ممتعه للاطفال
ماتدري ليش يقولون بس تنفع للمتزوجيـن :eh_s(14):
احنا رحنا لها عايله وكانت وايد ممتعـه
لان السياحيه فيها عائليه أكثر من رومانسيـه :ggdw:


بصراحـه
انا رحت لها مرتيـن ..
وكنت صج أتمنى أروحلها هالسنـه بعـد :ggdw:



يعطيج العافيه على التقرير حياتي