اللي ماعندها خدامه حياها الله

[حبيبة دودي]

السلام عليكم



صباحكم ورد وياسمين :eh_s(17):

بدش دايركت بالموضوع لان بنتي وراي تبجي :eh_s(11):


ابي كل وحده ماعندها خدامه وعندها بيبي تقول شلون نظامها ببيتها
من تنظيف وترتيب
انا عندي بنوته واحس ماكو وقت اسوي شي :eh_s(16)::eh_s(11):

ابي نستفيد من بعض :eh_s(9):

 

[TBOOLA]

شوفي يا حلوه انا صارلي شهرين وماعندي خدامه
اول ماراحت الخدامه كنت اشتغل بس مو كله مره وحده لاني مااقدر الصراحه وعندي بنيه صغيره
فيوم انظف الصاله
يوم اغسل الملابس بس مو كلهم لوول
يوم اخم الشقه ومااجيس شي لان ظهري يعورني
وبنتي ماشالله عليها بروحها يبيلها مجابل وتبي وحده مثل الظل تركض وراها
وطبعا الغدا والعشا اغلبه مطاعم مااطبخ وايد يا معوده شجابل شخلي هذا غير الدوام
والحين هديت الشقه تعببببببببتتتتتتتتتتتت ابي خدامه خلاص
ومرتين يبت خدم امي ينظفون الشقه
يعني الخدامه مهمه لازم تكون موجوده :/

والله يكون بالعون

 

[حبيبة دودي]

حياج الله تبوله صراحه الله يعينج دوام و بنتج والبيت احس صعبه انا مو موظفه واحس تعبانه شلون انتي الله يسهل لج

 

[ام العربي]

رد : رد: اللي ماعندها خدامه حياها الله

حبيبتي ليش الخادمة وعوار الراس الغسالة اتوماتيك وغسالات الموعين تراسات الاسواق والتنظيف اليومي بساعة او حتى اثنيين بتكوني انتهيتي اما الطبخ مستحييييييييييييييل اخليها تطبخلي اماالتنظيف الشهري جيبي خادمة نص يوم تساعدك واهم الشي التنظيم انا عندي 3 اولاد 5 سنين و3سنين 4 شهور وزوجي مشيتهم على النظام اعرف وايد مدرسات نفس الطريقة واستغلي وقت البيبي نايم واسوي شغلج ترى الخدم حظ

 

[Lulu_Perla]

انا توني عروس..
و ما عندي خدامة..

قاعدة افكر اسويلي جدول انظم فيه كل يوم شنو بسوي..
عشان اريح خدامة بيت اهلي شوي..

و هذي نصيحتي لج..
يوم للغرفة.. يوم للصالة و المطبخ.. اكيد يوميا الحمام..

اما الغسيل مريحتني خدامة حمولتي.. ماكو الا ريلي و خالتي.. و انا عندي غسالة لي حاطينها بغرفة الغسيل بالسطح فه تغسل ملابس ريلي و ملابسي بغسالتي.. اما الملابس الداخلية انا اغسلهم و اشرهم بالشقة و قبل لا ايي ريلي اشيلهم << مو خوش يدش الحمام و يشوي البلاوى الزرقا معلقة هههههه


بس هالايام كله مالي خلق.. كل يوم اقول باجر ><
الله يعين

 

[حبيبة دودي]

ثانكس بنات والله يعين
على فكره انا اللي رافضه الخدامه لاني احس تسوي زحمه بالشقه
وغسالتي اتوماتيك للملابس وافكر بغساله المواعين :eh_s(9):

 

[نبض حبيبها]

رد : اللي ماعندها خدامه حياها الله

الله يحيييج:eh_s(8):
انا موظفة وعندي بنت وما عندي خادمة
كان عندي خدامة بس ما كملت 5شهور عندي طردتها وسفرتها اللي ما تخاف ربها
والحمدلله افتكيت منها ما كنت اخذ راحتي وهي عندي
بنتي بالحضانة أأمن وأفيد للطفل
والحمدلله متعودة على الشغل بشقتي
اهم شي غسالة اتوماتيك وغسالة صحون واوتي بخار
الحمامات يوميا
الكنس يوميا للصالة والممر وغرفة بنتي
غسيل الملابس يوم بالأسبوع ويكون نهاية الأسبوع لأن اشتري خاصة لبنتي غيارات وملابس زيادة
يوم للكوي
يوم للصالة
يوم للمطبخ( تنظيف شامل)
يوم لغرفتي
وخير معين ( بعد كل صلاة قولي سبحان الله33مرة والحمدلله33مرة والله أكبر33 مرة وكملي ال99 بقول لا إله إلا الله كلها صارت100 تغنيك عن الخادم)​

 

[قلبي ابيض]

الله يكون بعونج

والله يقويج اختي ويعينج

 

[a woman on top]

السلام عليكم
شوفي حبيبتي ما دامج مو موظفه و عندج ياهل واحد بس انصحج لا اتييبين خدامه تو الناس
نظمي وقتج وخلي يوم للغسيل و يوم للاوتي و التنظيف على حسب الفضاوة يعني
اذا فاضيه نظفي الشقه كلها بيوم واحد واذا مستعيله نظفي الصاله و خلي باجي الغرف باجر
و المصبغة اتساعد بعد و اشتري غسالة مواعين تفيدج
والله يعين الجميع

 

[donutoo]

نفس الحالة !!
نو خداامة وعندي بنت صغيرة واداوم !!

كان عندي بس ذلفتها , بنتي دخلتها حضانة , اطلع من دوامي اخذها وارد البيت ما اسوي ولااا شي يا دوووب ابدل ملابسي واجابل بنتي ابدل لها واغديها بعدين انومها واغسل مواعين الغدا وانام ...
لما اقعد من النوم تقعد معاي ابدل لها واغسلها واركض وراها من مكان لي مكان ...
يبت لي خدامة نص دوام اهيا تنظف البيت وانا اجابل بنتي , الغسيل ما يبي له شي الغسالة اوتماتيك مرتين بالاسبوع
اما شغل التنظيف اغلبه على الخدامة

 

[ورد و ريحان]

انا عندي بنت اولى روضه
وولد بيتم شهر 5 سنتين
وعمري ما جبت خدامه
الا هالفتره كل اسبوع مره وقت التنظيف الكبير
تساعدني بالزوالي والطوف والارضيات
لان يبيلها حيل قوي
وعندي شقه مو كبيره
لازم التنظيم
ومثل ما قالوا الخوات كل يوم شي
عندي غساله اتوماتيك
وودي بغسالة الصحون بس مطبخي مافيه مكان
لانها تشيل حمل صراحة
شغل البيت كله هين بس المطبخ على طول فيه شغل
لازم كل يوم غدا ومواعين الغدا بروحها سالفه
والله تعبت وخاصة مع الحمال شي يكسر الظهر
بس تصدقون بنات لو ننظم وقتنا ما نلقى صعوبه
خلونا نشجع بعض

 

[سمسومه الحبوبه]

اهلين حبوبه
بالنسبه للملابس غساله اتوماتيك واطلع الملابس من الغساله وعلى طوول على المجفف الحراري
هذا ياطويلة العمر يطلع الملابس مكويه كل الملابس حتى المفارش والبطانيات والفوط على طول على الدولاب
والمواعين غسالة الاواني اجمع فيها المواعين لين تمتلي بعض الاحيان مواعين الغدا والعشا سواء لما تمتلي اشغلها وتطلعها نظيفه ومعقمه على طول على الدولاب
اما التنظبف الحمام وانتوابكرامه وغرفتي والصاله كل يومي
واما مسح السيراميك والأثاث يوم بالأسبوع اوعلى حسب اذا كان فيه غبار او حوسه انظف الشقه كلها
وبس والفلوس اللي بتحطينها في استقدام الخدامه حطيها في مجفف وغساله وارتاحي من الخدم ومشاكلهم
وخذي راحتك بالبيت

 

[ام عفراء]

السلام عليكم

ماشاء الله تجارب حلوة تشجع

الله يعينا وياكم



زين بنات اللي جايبين خدم نص دوام ؟ من وين جبتوهم ؟ وجم تاخذ ؟ يعني تحاسبونهم بالساعة والا شلون ؟؟


ومشكورين مقدماً

 

[بواسم]

نفس السؤال


زين بنات اللي جايبين خدم نص دوام ؟ من وين جبتوهم ؟ وجم تاخذ ؟ يعني تحاسبونهم بالساعة والا شلون ؟؟ وياريت الرقم على الخاص


ومشكورين مقدماً

 

[love love]

هلا حبي انا بدون خدامه

امسويه جدول كل يوم شي بعمق

واليومي اخم الصاله واسنعها بلييل

وكل شغلي اول باول ارتب واعدل احسن

وعندي غساله صحون كل ماتوصخ شي حطيته فيه ليما ينترس اشغله وبس يخلص سيده احطهم بالكبتات

والغسيل مرتين بالاسبووع

 

[غرام زوجي]

واااي بنات أناخدامتي راحت باول السنه ٢٠١١ والمشكلة بناتي عندي بنتين وحده سنتين ونص وحده سنه الاشهر ودوام زوجي شفتات كله ليل يعني من 4-12ومرات للوحده
وبناتي حيل يتسلطون علي ماينامون ولايقعدون بروحهم ويوم اطلع أتوهق فيهم ومايبون احد غيري ولويه

 

[bint_looda]

الصبح خمام وعقب الغدا الاماعين بالغساله تغسلهم والهدوم متتا مافضيت غسلتهم وتكرمون الحمام كل ماشفته يحتاج غسلته والحمدالله الامور طيبه

 

[PuPa^^SWeeT]

انا اعتقد من اتصيرين بدون خدامة واتخلين روحج جدام الامر الواقع


بس ينتهي الموضوع

وراح اتسوين لنفسج نظام


عالعمووم


اسهل نظام اللي اهوو كل يوم شييي

يوم صالة

يوم غرفتج

يوم غرفة اليهال

يوم غسيل

يوم اوتي


واليومين الويك اند


طلعي برة البيت


طبعا الحمامات مع الغرف


وسهلين الحمامات

انا حمامي انا اغسله بالليل

لأنه سوالفي الانثوية داخل ماحبها اتشوفهم

 

[MisS Z]

خووش موضوع راخ يفيدني وايد بما اني توني طالعه شقه يديده وماعندي خدامة ولا اشجع احد اييبهم

وعندي ولد واحد عمره ٤ سنوات و الحين حامل عسى ربي يتمم علي

شوقتوني على غسالة المواعين و النشافه ان شاءالله لما استقر باخذلي و اريح عممري

*

 

[ليمون ونعناع]

انا بقولج على نظام والدتي كانت بدون خادمه وموظفه وعيال

كانت تطبخ من الليل ولمن ترد من الدوام تحط الاكل يسخن

يوم الجمعه الصبح الكنس
امواعين اول باول
الملابس غساله اتوماتيك الي تغسل وتنشف 100٪ سيدة الكبت

المطبخ مرة بالشهر تنظيف عميق وللشغل اليومي تحط سماط او جريدة

وبس
البيبي لاتعودينه على الشيل و عطيها العاب او اشتري لها حباسه من محلات الاعاب وخليها تلعب داخلها عشان ما تحاتينها

ولمن تنام تفرغي للبيت و لنفسج

والحمامات غسليها باليل يوم وترك او يوميا

ريلج مثلا يطلع الزباله بره بالبيت وممكن يساعدج بالطباخ ترى طباخهم حلو ولذيذ
يساعدج ان يرتب عقبه يشيل صحنه بعد الاكل وهكذا

والله يعينج