اللي ماعندها خدامه حياها الله

[BeNt PaRiS]

صارلي 8 شهور متزوجه و ليلحين ما عندي خدامه


بس عادي اقسم وقتي


مو كل شي بنفس الوقت

 

[مذهــلــه]

والله بنات انا صارلي ٦ شهور متزوجه

وايد ضغط علي بين الوظيفه وشغل البيت ولازم اظل متكشخه ومتمكيجه

ماكو وقت حق هالاشياء عشان جذي راح اييب خدامه وبكل الاحوال لو مايبت الحين راح اييب بعدين

 

[منارة الشرق]

صار لي سنة تقريبا ما عندي خدامة وكل ما أجيب وحدة ما تقعد ويطلع فيها علة وجم مرة أقدم على خدامة وحظي يكسر الصخر كل مرة يطلع فيها بلا وما تجي من بلدها وتميت فترة على هالحال بس ربي يسرها معاي وكنت أطلب خدم اللي بالساعة ثلاث ايام بالأسبوع وأذا عندي عزايم والحمدلله قزرت وتعاملت مع خوش شركة خدمهم نظاااااااااااف ومرتبين...

 

[بساطه]

منارة الشرق حبيبتى الله يعافيج ممكن تعطينى رقم الشركة وجم خدامتهم بنص دوام باليوم ؟


بنات عطونا ارقام شركات توصل خدم نص دوام واسعارهم حلوه وخدمهم ثقه

 

[منارة الشرق]

هلا والله يا قلبي اعذريني عالتأخير رقم تلفونهم 55989292 ويعطونج الخدامة خمس ساعات بسبع دنانير بصراحة أنا أجيبهم مرتين بالاسبوع بس يساعدوني بالاوتي لاني ما أحبه وغسيل الملابس ومرات تنظيف وشغلهم عجبني ومرة طلبتهم كنت ألاعبهم وخذت وحدة عشان تمسك عيالي وسلامتج يا قمر

 

[منارة الشرق]

أمبيييييييه قصدي مودية عيالي الالعاب ألاعبهم وخذت وحدة تمسك عيالي

 

[!! دلوعته !!]

اببببببببببببببببببببب

 

[خزامــى]

انا والله عندي بسم الله عليهم ثلاثة ومن تزوجت ما عمري جبت خدامة بس صراحه لازم ارتب وقتي يعني يوم بالاسبوع اغسل الملابس ويوم انظف المطبخ ويوم اخليه تنظيف كامل للشقه ومو كل يوم اطبخ يعني 3 ايام بالاسبوع طباخ والباقي الله يعافي المطاعم وحتى عيالي اخليهم يساعدوني بترتيب غرفهم وتمشي الحياة احسن من هالخدم وبلاويهم حتى انتي تاخذين راحتج بالبيت

 

[سكرة هانم]

ما عندي خدامه بس مطرة اييب عشان تمسك ولدي الصبح خالتي وامي مايقدرون بروحهم

حاليا جدولي

اطلع الايدام من الليل واتبله اذا يحتاج واقصص وازهب من الليل

الصبح دوام ارد 3 الظهر ..

اعدل غرفه النوم لان اكون طالعه قبل ريلي واشيل الهدوم والعفسه

ابدل ولدي واعطيه حليب واحطله العاب وادش المطبخ ( طبعا اكون حاطه ماسك على ويهي خخخ مره وحده)

اغلب طباخي بالفرن لزوم الرجيم ... اقط الهدوم بالغساله اتوماتيك .. ارد المطبخ اغسل الممات و اعقمهم ..

احط الغدا .. اغسل مواعين والمطبخ لازم اغسله ما اعرف والفرن يعني غسال المطبخ يومي

انظف غرفه الطعام واشب الفواحه
ادش اسبح .. العب مع ولدي شوي

بليل اوتي وازهب اغراض باجر

الحمام تكرمون مته ما حسيت احتاج ساعات يوم وترك ساعات اكثر على حسب

خمام ومساح مرتين بالاسبوع او كل ما احس يبيلهم مساح خصوصا عقب الغبار

نص دوام جربتها مره ماعرفت بس احوس وراها مع نظيييييييييييييييفه وشاااااااااطره وكل شي سوت بدون كلام


هذا رقمهم

97020227.. طلبت فلبينية شاطره بس باارده ثلج المطبخ بروحه قعدت عليه ساعه وانا مطبخي نتفه يكفي نفر واحد بس

واللي تقول عالكشخه مافيها شي لبسي وكشخي ونضفي خخ بليل اكشخ واحط فاكهه والعب مع ولدي شوي عقب ارد احوس بالبيت

من الاشياء اللي تساعد البخاخات للحمام والمطبخ تكرمون مسويه خلطات ارش وامسح على طووول انظف واسرع

والله يعين ماتصير 9 الا انا حته ما اقدر اتكلم ادور الفراش

والطلعه نسيتها يالله بالويك اند

 

[BubbLe87]

حياتي صج يكسرون خاطري الموظفات
الله يعينكم
اللي قاعدة بالبيت الشغل عليها اسهل مليون مرة و استغنائها عن الخدامة شي عادي و سهل
انا حاليا قاعدة اتعلم اعتمد على روحي مع اني حامل بالثامن الله يتمم علي و ثقيلة من الماي و التتفخ و البيبي
قاعدة اعود نفسي على نظام معين
يعني الترتيب بشكل يومي
غسال الهدوم يوم السبت مع الغسلات الخفيفة بالاسبوع
انا ما اطبخ خدم حمولتي لكن باجر ناوية اسوي غدا ان شاء الله و اهما خل يستريحون مع اكلهم اللي مافيه نفس لا ووصخ بعد
الخمام و المساح اناديها تمسح
الاوتي اللي يبيله اوتي اسويه
ما اخلي شي بالليل يعني مواعين او حوسة الا اذا مضطرة او تعبانة
الزبالة تكرمون اشيلها و البس السلال و احط الجيس بره
و الله يغنينا عن الخدم يا رب قولوا امين
ان شاء الله اذا ربي قومني بالسلامة ناوية استغني عنهم بشكل نهائي
و الله يعينج و ترى وناسة شغل البيت والله تحسين نشاط و حيوية و انجاز سبحان الله و منها ريلج يستانس
الله يوفقنا اجمعين