اللي مايشتري يتفرج

[العفاسيه]

اللي عنده عادي والله يزيده بس الي يتسلف وقروض وحاله مالها داعي

بس جد ترا الغرف تفتح نفس الوالده خصوصا انها بنفاس ونفسيتها زفت بس غرفة عاديه كافي اهم شي مااولد بحكومه يماااه

 

[أغلى حبيبه]

رد : اللي مايشتري يتفرج

هذيل اللي مايدرون وين يقطون فلوسهم ومووووو تعبانيين فيها يقعدون باغلى من جذي

 

[_ظل الياسمين _]

لاحسيب ولا رقيب بكيفهم يزيدون .

 

[آلسحرآلحلال]

عآدي في ناس عنـــــــــدهم ...
واللي عنده يحق له يدلع عمرهـ ...

 

[أبله هنوف]

UpUp
Up
Up

 

[أبله هنوف]

والله إلي عنده الله اهنيه وزيده من خيره وإلي احب التقليد والتفلسف واهوا موقد هالشي
هذا المبذر
وربي لك الحمد في ناس وايد ربي مرهي عليها
وخيافين ربهم ومزكين مالهم ومتصدقين


بس اعرفوا انه الناس طبقات
دخل عالي
دخل متوسط
دخل متدني


احنا بالكويت اصحاب الدخل المتدني احط راسه من راس اصحاب الدخل العالي
كل واحد اعيش على مستواه


إلى اطالع فوق اقربته تنكسر


ومد رجولك على قد لحافك

 

[بنك بااستا]

شي راقي

 

[!الجادل الصعب!]

رد: رد : اللي مايشتري يتفرج

اللي عنده ليش مايدلع نفسه
هالاجنحة مو للي ع المعاش من امثالنا
ولي جت الولادة سوو جمعية حق الاستقبال
في ناس عندهم هالمبلغ ويقدرون يدفعونه ومايعتبر اسراف بالنسبة لهم لان عندهم خير ماشاء الله

تصدقين اغلب هاللي عندهم خير ورزق يولدون بالحكومه ويتعالجون فيها
بس هاه يضمنون اكبر وافضل الاطباء ولهم جناح خاص مقفوووووول للشخصيات وتوابعهم
اختي بالمستشفى دوامها وتشوف الهوايل الجناح يم قسمها
تقول لو تشمون ريحة البخور والورد الي يوصل يوميا م تصدقون تصير الممرات حديقه وفوق هذا بخلا علا الفراشين الا من رحم ربي






نرد لموضوعنا
اخاف ربي يسخط علي اقط 2000 علا غرفه ..! وتكلفة الولاده مع دكتورها م تعدت 700
بيوتنا ماثثينها باحلا الاثاث علا ذوقنا استقبل الناس فيها ابرك مو تونيوالده
والناس متجمعين علا راسي حزتها مابي الا اهلي و زوجي

والي حابين وحاجزينها عليهم بالف عافيه وعسا ربي يخلي لهم م عطاهم

 

[؛؛حلاوه؛؛]

ياحلات غرفتي الملكية بدار الشفا تهبل وقيصرية الف ونص

 

[Meeesh]

over 9ara7a

 

[فرزاشيهـ]

اللي عنده خير يتخير .،،

 

[عيون ملكيه]

بنات ترا ما فيها شي
يعني في بنات يقولون ما نشتري جنطه شانيل ب ألف دينار اشتريها تقليد ب20
انزين في ناس ماتبي احد يدخل بيتها و بنفس الوقت تبي ترتاح وقت النفاس و الله رازقهم و حتى اللي على معاشها ياربي من حر مالها اهي حره ما تسلفت منج و لا منها تقطهم تحرقهم تسوي فيهم استقبال كيفها

و هالغرف معروضه اللي تبي تاخذ و اللي ما تبي كيفها اهي حسب المقدره يعني انا وحده اهلي وحمولتي كل استقبالاتهم بهالغرف اللي شفتوها سواء ولاده و لا غيره

انا ما ابي استقبال اول ولادتي ما ابي اتعب ادور السلامه لكن اهلي ما يرضون يقولون ناس وايد بيزورونج و نبي مكان وسيع و خدمه و مكان نحط عبينا و اغراضنا فيه و نبي مطبخ نجهز الضيافه فيه

اقولهم لا

الحمدلله زوجي و اهله عندهم خير و ابوي الله يطول بعمره عنده خير و حريم اخواني كل استقبالاتهم باكبر غرف بالمستشفى

انا نفسي ما اقدر اقول لا

و الحمدلله احنا ناس ذاكرين الله و فاهمين و متصدقين و مزكين عن حلالنا و الله قال : ( واما بنعمة ربك فحدث) اذا سويت بغرفه عاديه بيقولون عندها هالخير و تسوي استقبال جذي

بعد انا ما اقدر اعارض لكن انا ملزومه و لا لو راجعه لي ما ابي احد يزورني احاتي البيبي و الولاده و بس !
ومخليه كل شي على امي و خالتي ام زوجي اهم يسوون كل شي


ارجع و اقول لا فسق و لا شي هاذي حريه شخصيه مثل اللي تشتري ساعه بثلاث آلاف دينار ووحده 30 دينار و كلهم فرحانين و مستانسين اهي حريه شخصيه لا اكثر ...



والله يعين

 

[أبله هنوف]

اوافقچ الرأي ١٠٠٪ عيون ملكية

عـــــيــــــن الصواب إلي قلتيه

 

[مسـك]

حريه شخصيه وكل واحد ينام على الجنب اللي ريحه اللي تبي تولد بالحكومه كيفها واللي تبي خاص هم كيفها

يعني تقطون على ساعات 2000 و3000 وتقطون على جناط وعلى بدل عروس فوق 1000 وال 2000 واللي تقط على ولادتها

وراحتها تسوولها سالفه ليش عاد لو نقارن والله لا فسق ولا هم يحزنون قاطه على ولادتي وعلى مكان يريحي ولا اقط على بدله

او جنطه والا قطعة اثاث ابدلها متى ماطلعت هبة جديده عقب كم شهر

من لقى الحنا تحنا لاحد يقولي اولد بالحكومه ابرك مدري شنو


سلام

 

[sosowaty]

اسعارهم اقل من جذي

هالاسعار قديمه

 

[Aloe Vera]

الاسعار عادية

طبيعي ادفع هالسعر مقابل الخدمة و المكان


انا دافعة اكثر في رويال حياة
بس مقابل خدمات و رعاية و دلع مو طبيعي

والحمدلله تعبت 9 شهور و استحق الدلع بالولادة

 

[بيبي غيرل]

حبيبتي معاج حق لكن خل نكون واقعين هذي الغرف لفئه معينه من الناس حاطينها التجار واصحاب الاموال وغيره وغيره الي يبون مستوا وشكل
في بعد بنفس المستشفى ومستشفيات خاصه ثانيه غرف وولاده وشي مرتب بـ 500 و 600 و700 و 800 وكل واحد وميزانيته نفس لمن تسافرين تقدرين تختارين اغلا فندق وتقدرين تاخذين الوسط او الرخيص

الاسعار مبالغ فيها لان الحمدلله احنا ناس قنوعين وعايشين بحالة ماديه لا كبيره ولاضعيفه وسط والحمدلله لكن الي ماديتهم اكثر تناسبهم هذي الاجنحه والغرف والي متعودين على شي معين

 

[afaf]

ه وايدأف واللخ