اللي متزوجه عسكري سؤال مهم ...جزاك الله خير

[حبيبي مالكني]

هالشي يعتمد على شخصية الريال ماله علاقه اذا كان عسكري او لا
انا الحمدالله متزوجه عسكري والحمدالله مرتاحه معاه

 

[خوخة 90]

ويي عاد احنا فالبحرين ما نحب و ما نميل اله حق العساكر

 

[عيون مبارك]

ماله خص
والرجل الخليجي فوق كل الدراسات ههههه

 

[Sho Sho q8y]

الله قال ان كيدهن عظيم
الكيد المره تقدر تستخدمه بالخير او بالشر بس مع الاسف الكل على باله بس ب شر
يعني احنه شفنه حريم روضو اسود و نمور و هذول وحوش من غير عقل ، شلون روضوهم بالعقل و ( بثقه بنفس )
اذا كل وحده بتفكر لا لا هذا انا ما اقدرله و هذا ما اعرفله اكيد شخصيتج ناقصه و مو واثقه من نفسج.
و اذا ع الفساد بعرف وين الفساد ؟ مو اي كلمه تنقال تتصدق مو اي واحد يقول انا اطير انروح ننشر الخبر ترا فلاً يطير ارد و اقول في شي اسمه عقل
الكل قاعد يشوف استجوابات مجلس الامه في ابي مقارنه جم استجواب لوزير الدفاع مقارنه بكل الوزره ؟
و انصح اخيتي الي تسأل انها ما تتزوج كلش لانه عدم ثقتج بنفسج بتعب حتى دكتور النفس 

 

[*مطبخ الذواقة*]

ويي عاد احنا فالبحرين ما نحب و ما نميل اله حق العساكر

والنعم فيكم يا بنات البحرين ... الله يوفقكم :eh_s(7):

ماله خص
والرجل الخليجي فوق كل الدراسات ههههه

معاج حق فعلا الرجل الخليجي فووق كل الدراسات... وازيدج من الشعر بيت مو بس الرجل اللي يكون فوق كل الدراست لا مرات تصادفين حريم ... تحسين ان الله يحطهم في دربج بس عشان تاخذين من وراهم اجر ...

لالا حبوبه كل واحد وطبعه وساعات الانسان يكون فيه طبيعه مخفيه ومع الشغل تطلع وتبرز وساعات حتى الشخص مايكتشف ان فيه خصله او صفه معينه الا مع مزاوله العمل اتبين وهذي اكيد تشمل السلوك الانساني وانا اكلمج وزوجي واخواني ورياييل خواتي كلهم عسكريين فيهم المينون :krkrkr:وفيهم اللي جذي:eh_s(14):وفيهم اللي جذي:eh_s(6): بس كلهم جذي:eh_s(15):هههههههه

الله يخليهم لج يارب ...:yaaaaaarb:



-------------------------

شكرا لكل اخت ردت على الموضوع بشكل يليق برقي اخلاقها اولا ...

ويليق بمكان الموضوع وهو منتدى كويتيات ...


فعلا يا بنات اللي يشوف مدى خوفكم على بعض وحرص كل وحده باي قسم من الاقسام ان تذكر تجربتها سواء بالشي الايجابي او الشي السلبي وتقدمون النصائح بمنتهى الذووووووووووق واللباقة .....حتى انكم تذكرون تجاربكم الخاااااااااااااااااااااااصة جدا


يحسدكم ....

ويحسد منتداكم ....



بارك الله فيكم وجزاكم الله خير الجزاء على الرد .... والاهتمام ... هذا الموضوع طرح بصورة عامة وليست خاصة على الاطلاق ..

واذكر في جريدة الانباء كان في دراسة ناقشة هذا الموضوع ...

والدراسة شملت عدد كبير من البنات والخطابات ... وكانت النتيجة هى احد اهم الاسباب اللي دفعتنا لطرح الموضوع ....


احترم جميع من رد وعلق ...

واسال الله العلي العظيم ان يجعل رد كل اخت منكم ردت بقصد النصح في ميزان اعمالها ....




شكرا يا احلى "كويتيات "












ام يوسف

















​

 

[عالمي المجنون]

جنج تتكلمين عن ريلي لووول

ريلي كان عسكري بالجيش و من صفاته

جاف / ناشف / حتي غشمرته دفشة ولازم يمد ايده / عصبي ساعات

بس أنا اكتشفت ان صفاته يايه من البيئة الي عايش فيها

يعني امه و ابوه علاقتهم ناشفة و جافة عندهم كلام حلو و غشمرة و حيييل جادين و رسمين

مع بعض و مع اعيالهم :/ فاكيد راح ياخذ من طبع اهله

حتي يوم ناقشته بهالموضوع قالي أنا طبعي جذي احب بس ما اعرف أبين الي داخلي

و شخصيته عندي غير و جدام اهله غير معاي و مع اهلي فرفوشي و يحب الغشمرة و مع اهله صم بكم عم :/

 

[ام دندوونه]

أنا زوجي عسكري ماشاء الله حبوب وطيب وحنون مو عنيف حتي لو صارت مشاكل بينا ماعمره استخدم العنف اتوقع هذا يعتمد علي تربيه الزوج والبيئه اللي عاش فيها

 

[الخجل الانثوي]

لووووول انا كنت مخطوبه لشخص عسكري بس مالله كتب تتم والله يعوضني خير
عصبي اي بس بداخله حنان
ماعليج من الي تقولج عصبي عشان عسكري لا
يعني المدني مو عصبي ،؟!
هذي اطباع مالها شغل بمهنته وطريقة تربيته

 

[zain-alq8]

ماله شغل انا ابوي عسكري بس حنون ولاعمره مد ايده علا امي ورومانسي بس اقوولج عصبي وشخصيته قويه ساعات ساعات احس انه عساكر عنده هههههههههه فدييت ابوووي
وانا زوجي مدير ببنك وااااااي رااسه يابس ومو رومانسي وشخصيته قويه

 

[همس الغلا..]

هالكلام مو صحيح انا زوجي عسكري والحمد الله حنون وطيوب

 

[*مطبخ الذواقة*]

الله يخليه لكم ويحفظكم من العين​

 

[عسى الله يهديني]

والضابط شكاك

 

[اميره^_^بحلآها]

ههههه جنه تقولين عن اخوي

 

[الأميرة ريماس]

بنسبة لي أكثررر المغازلجية رجال الداخلية والمرور والخ أكيد مو الكل لكن الأغلبيةةةةةة
واتوقع تواقوني الرأي ؤانأا لو يكونون آخر رجال العالم مأخذيتهم

 

[ام الشوامس]

انا زوجي عسكري
شخصيته قويه ومايحب العناد
بس طيب وحنون الله يحفظه 

احس الدوام مأثر عليه من ناحيه يشكك بنصداقيه اي شي يسمعه ، صعب يصدق اي سالفه تتسولف ( سوالف عامه ما تخص حياتنا )
و يأثر من ناحيه عدم الاستقرار ( احياناً بفتره الحجوزات او اي حزه يدقون عليه ينادونه )

و لازم كل وظيفه لها تأثير على صاحبها
ويا حلو العسكريين و سمعتهم ماعليها غبار 

 

[*مطبخ الذواقة*]

يا حلو مروركم ...

اختكم

ام يوسف
*مطبخ الذواقة*
و
بيبي زوني​

​

 

[Jojo-18]

بنااااات خوف توني أنا بتزوج ولد عمي عسكري :eh_s(2):هو بالسعوديه وانا احبه وهو يحبني بس كثيررر نتهاوش ويعصغليلي دائم ويصرخ بس اقل من خمس دقائق ويجري يرضيني
خوف توني من كلامكم :eh_s(2):

 

[ALMooOooN]

لي عوده و بأنتظار المزيد من الردود

شكرا على طرح الموضوع حبوبتي

 

[القلب الطيب]

اصابعك مو سوى
كل واحد وشخصيته
​

 

[funrose]

ما ادري ليش اول ما قريت موضوعج تذكرت مرزوق بزوارة خميس الله يعين اللي ريلها مثله سواء كان عسكري ولا مدني.