عسكري عن عسكري يفرق فيه عسكري يكون فرد من افراد الجيش يعني مسؤول عن نفسه وشغله محدود صح يتعب فالتدريب والدوام من الصبح وطبيعته تكون خشنه شوي بس مايتعب مثل العسكري اللي يكون قائد سريه او قائد كتيبة ويكون له رتبه في الجيش مثل زوج حضرتي ..
يعني يكون مسؤول عن شغله وعن ٥٠٠ فرد تحت امرته يعني متعب بشكل وترا فيه حاجه في العسكريه اسمها تحويل الشخص من شخص مدني الى عسكري
وهذا يكون خلال فتره تدريبيه مدتها شهرين يخلونه يتحول الى انسان ثاني يكون قوي يتحمل صبور وخشن في تصرفاته لان العسكريه صعبه ويبيلها قوة تحمل كبييره وقوة شخصيه وهذا اختبار القبول ويسمونه تدريب الصاعقه واللي مايتحمل ويتجاوزه مايدخل العسكريه كلش فا طبيعي يكون العسكري جاف شوي فالتعامل وشخصيته قويه وله هيبه خصوصا بالبدله العسكريه عشان هالاسباب بعض البنات يخافون على بالهم انه بعبع ولا وحش بالعكس انا اشوف العسكري قمة الرجوله الله يخلي لي زووجي اما عن سالفة انه ياثر على علاقة الزوج بزوجته طبيعي الدوام متعب واكيد بيكون تعبان من الشغل يبي يرتااح وبس سواء عسكري او مدني وبيأثر شوي على شخصيته بس الانسان الذكي اللي بيفصل بين دوامه وحياته الخاصه يعني بذاكئك انتي حاولي تنسينه تعب الدوام لاتناحسينه خليه يحس بالفرق بين خشونه دوامه وازعاجه وبين هدوء بيته وانوثة زوجته دلعيه خليه يشتاق يرجع للبيت لعياله صدقوني كل انسان في جانب ايجابي وجانب سلبي العسكري اولا واخيرا بشر يعني صدقوني فيه احساس موخالي مشاعر ومهما كانت شخصيته جافه وقويه تحصلونه اوقات طيييب وحبوب واذا جرح حد خصوصا زوجته او اخته يرجع يراضيها لاتظلموووون العسكري والعسكري فيه نقطه انا لاحظتها يبي زوجته تكون هي الشخص الوحيد اللي اتحمل عصبيته وزعله وصراخه عليها لانها الشخص الاول والاخير اللي يكرن على طبيعته معها يعني حاط بباله انها بتحمله ومتاكد انها بتعذره وماراح تهتز صورته في نظرها يعني هي ملجأه الوحيد والشخص اللي بيتحمل ضغوطااته كلها فتحملوا يازوجات العساااااكر واللي ماتبي عسكري اقول لها صدقيني العسكري مافي منه بس افهميه
