اللي مو متحجبة و فري تدخل

[جداوية سعودية]

والله اختي ضعف الوازع الدين لدى بعض الفتيات هو السبب
وربي يهديهم
والحمدلله أني متحجبه حجاب كامل وربي يتمم عليه ويبعدنا عن هذي الظاهرة

 

[كريستال ليدي]

انا مو متحجبة و البس على راحتي ... حتى القصير البسه و اطلع من البيت و محد يكلمني


شنو مو لابسه بدلت رقص الحمدلله ما عندنا عقد !! و ما نشوف الناس بنظرة وصخة و نعيب عليهم و على لبسهم فما نتوقع من الناس هالشي !!!


و مثل ما المتحجبة و اللي تلبس عباة و المتنقبة هذا قرارها و اهيا حرة فيه ... حتى المو متحجبة كيفها

الناس بكل مكان بالعالم تلبس جذي !!!

و على فكرة أمهاتكم و يداتكم البسوا اللي اقصر من جذي ... ولا تقولين ما لبسوا اذا امج ما لبست اكو ألف وحده غيرها لبست

انا مستغربة تقولين عيال عوايل و وين اهلهم ... ترى اللي انتي تشوفينه غلط مو كل الناس يشوفونه غلط لا تنقدين على الناس من لبسهم !!

 

[أم سالـمـين]

انا مو متحجبه

وألبس جينزات وبرمودا اكثر شي .. بالنسبه لي التنانير مو عمليه وألبسها حق المناسبات اكثر شي

 

[أم سالـمـين]

انا مو متحجبة و البس على راحتي ... حتى القصير البسه و اطلع من البيت و محد يكلمني


شنو مو لابسه بدلت رقص الحمدلله ما عندنا عقد !! و ما نشوف الناس بنظرة وصخة و نعيب عليهم و على لبسهم فما نتوقع من الناس هالشي !!!


و مثل ما المتحجبة و اللي تلبس عباة و المتنقبة هذا قرارها و اهيا حرة فيه ... حتى المو متحجبة كيفها

الناس بكل مكان بالعالم تلبس جذي !!!

و على فكرة أمهاتكم و يداتكم البسوا اللي اقصر من جذي ... ولا تقولين ما لبسوا اذا امج ما لبست اكو ألف وحده غيرها لبست

انا مستغربة تقولين عيال عوايل و وين اهلهم ... ترى اللي انتي تشوفينه غلط مو كل الناس يشوفونه غلط لا تنقدين على الناس من لبسهم !!

انا معاها .. هاذي حريه شخصيه وكيفهم

 

[Reem_q8]

الغلط غلط اسمحيلي مافيهااااا كلام وان بغيتي حراااااااام ولا شخليناااااااا للغرب اذا هذا لبسناااا .....واعتقد اهلهم راضين ما يمنعونهم والدليل قعدتهم معاهم بالقهاوي والمجمعات عادي زوجته قاعده وحاطه رجل علي رجل وكل الفخوذ مبينه ولاااااا لابسه قصير وتمشاااا معاه ...وحده شفتهاااااا بالسينماااااااا تنورتهااااااا صوب طويل والصوب الثاني مزمووووووووم واصل لنص الفخذ انا عبالي ما تدري كلمتهاااااااا علي نياتي والا تقول جذي موديله انصدمت وزوجهااااا معاهااااااا ........

 

[**فراشه نعومه**]

حبيبتي هذي موضوه جديده وهي موضه السبعينات والستينات كل المصممين ردو لها تذكرين الاغاني القديمه في الكويت شلون كانو يلبسون فوق الركبه والحين ردينا لها حتى البنات في الرياض طايحين فيها مره حدها ستايل طبعاً في ناس يصلح لهم وفي ناس لا هذي الحركه زمن مارلين مونرو و تعجبني موضه الخمسينات والستينات والسبعينات حدها كوووول بس طبعاً مو جدام الناس وبالسوق ومدري شنو لا حلوه حق العزايم الصغيره وناعمه مره وغريبه

مقارب للحركه هذي بس بشكل احلى

وهذي الحركه فيه احسن منهم بوايد بس هذولا كمثال وبيصيرون اقصر شوي بعد

وااااااااااي حبيت موضوعج وايد احب هاالموضه بس فيه بعض البنات يبالغون ويلبسونها حتى بالسوق او في الدوام مره اوفر ​

 

[دلـــع_الكويــت]

ماحب اتناقش بهالامور لانها تيــيــب المشاكل...

بس اشوف ان هذي حرية شخصية ومالا داعي اتدخل بأمور الغير..ومو غلط بعد ان الواحد يبدي رايه بموضوع من غير جرح مشاعر الاخرين.......................حلوة هذي صح )))


على فكرة انا مو متحجبة بعد..

وسلامتكم..

 

[**فراشه نعومه**]

واااااي وااااااااااي انا قاعده انزل صور اثاريكم قاعدين تهاوشون على الموضوع
شوفو حبيباتي المتحجبه فيها عيوبها والي مو متحجبه فيها برضو عيوبها هونو عليكم محد كامل

 

[الهما]

حبيباتي انا ما قصدت اجرح و لا شي
بس انت ليش ماخذينها من ناحية الموضة و هالسوالف
انا معاكم بمساله الحرية الشخصية ..... يعني اللي ما تبي تتحجب هذا امر راجع لها اهي حرة لكن اذا وصل الموضوع الي مساله الشريعه و الدين و كل واحد بيقول حرية شخصية اهني بيصير في ضرر على المجتمع
اسموحولي الحرية الشخصية مو جذيه
al7ajeiah شنو مفهوم الحرية الشخصية بنظج؟؟

 

[دلـــع_الكويــت]

لووووووووووووووووووول فراشة ضحكتيني....يحليلج....اما النفنوف الصورة الثانية ..عجييييييييييييييييييييييييييييييييييب


حده راقي وحلو...شنو عندج بعد صور نفانيف من هالطقة ..خخخخخخخ

خل نغير الاجواء شوي.. بس يفضل بقسم الازياء تحطينهم ,,,,,,,,,,,,,,,,,,خافت يعني ..هيهيهيهي

 

[رنه خلخال]

احس الموضوع غير مفيد لانه هذي حريه شخصيه واقولج شي مره شفت وحده لابسه عبايه مخصره وضيجه واااااااااااااااااااااااااااااايد وحتى شسمونه امبين مو لابسه انا ما دققت بس شي واضح لا ومع ريله واهو قاعد واهي قامت تطلب ولابسه كعب عالي وايد احمر وصابغه اضافره وحمره حمررررررررررررررررره يعني شكله ملفت واهي بعبايته عاد اتصدقين انا مو متحجبه بس ما البس تنوره فوق الركبه وما احب البس بلوزه جمه اقصير مو علشان شي بس ما ادري ما احب واحب المكياج الناعم وافضل الاسترج اذا كانت لبلوزه واسعه بس اذا ضيجه ما البسه المهم رفيجتي متحجبه وتلبس بدل بس كلش مو ضيجه فكان اجبالنا وحده لابسه حفر وجينز عاد اشقالتي قالت اتصدقين ام الحفر احسه استر من ام العبايه قتله والله ريله معاه وساكت كيفه وعلى فكره دايما اشوف بنات متحجبات لابسين استرج اطلع ساقهم وهم يلبسون بلوزه ضيجه ومكياااااااااااااج من الصبح لا وتصبغ اضافر اريوله حبيبتي واذا الوحده مقتنعه بلبسه وطالعه فيه جدام الناس عادي اذا ابوه ولا اخوه ولا كل طوايفه شافوه وبعدين كل وحده وكيفه والبنيه مايحكمون عليه من اللبس حبيبتي ذاك اول ياما بنات طبعا فئه قليله مو الكل اغطون عمرهم بالنقاب والعبايه واهما... الله يستر عليهم وعلى الجميع

 

[cherry kisses]

انا معاج هالشي وايدد وايد زايد عندنا

كله لبسهم تتحت الركبه حتى لو حريه شخصيه اوكي عادي

بس اتيين الجامعه ولابسه لي تنوره فوق الركبه؟؟؟؟؟

لبسي قصير ماقلنا شي بس كل شي اذا زاد عن حده ينقلب ضده

 

[عيون زوجها]

هلا حبيبتي
شوفي الحين اللى قاعد يصير تفصخ مو سالفه فري او غيره
التحرر والفري يكون بالثقافه
والكشخه ماتكون بالتفصخ اصلا اللبس هذا يهلق البنت
انا مو متحجبه ومن قبل لاتزوج وانا لبسي سنع اذا بيطلع شي من ريلي طلع ربع الساق وجبنيز عمرى مالبست مع ان جسمي وايد حلو وانا مو عشان شي بس انا حلوه وعشان جذي انا ماكنت اتفصخ لان اللى تتفصخ فيها نقص وانا مو قاصره
وشوفي ترى ربع الساق او فوق الركبه كله حرام بس شي اهون من شي
اذا انا قايمه بواجباتي وصلاتي ولبسي محتشم وانا محترمه كدين وكمعامله الله يسهلي عالحجاب والله كريم.
والحين عقب ماتزوجت طبعا لبسي كله طويل وراقي المشكله ان البنات الحين فاهمين اللبس المحترم مو حلو بالعكس انا اقدر اشتري اغلى بدله واهى محتشمه
عالعموم احنا بزمن الحين بعض المتحجبات على اساس حاطه حجاب على راسها بس رقبتها طالعه ودنيتها ولبسها المرصرص وبعض المنقبات على اساس انها منقبه ومتغطيه تقوم تلبسلج هالعبايه المرصرصه ووراسمه العيون رسم جنها رايحه عرس والمومتحجبه على اساس انها مو متحجبه صايره تتفصخ لا وساعات رياييلهم يمهم
انا اقول الله يستر علينا

 

[sweety girl]

الله يهداكم
شنو عادي تلبسين فوق الركبه؟؟
اصلا حرام تلبسين فوق الركبه جدام الحريم فمابالج بقدام الريايل
يابنات فكروا زين لاتقولون موضه وماادري شنو
كل شي له حدود ولازم تلتزم بالشرع بلبسنا
والله يهدي الجميع

 

[q8ia_cutaa]

ترى قبل عادي يلبسون حفر وقصير لوول

والحين همن المتحجبة لبسها مو شي

ولا ذاك اليوم شفت بنية بالافنيوز ااهي متحجبة ورفيجاتها لا .. رفيجتها لابسة نفنوف ولقنز عادي ووسيع موديله بعد

اهي تهقون شلابسة @@

لابسسسسة طبعا بدي وتنورة قصيرة وشنو تحتها ؟؟؟

مو لقنز لاااااااا جيجيي شفااااف اسود .. حتى ركبها مبينة @@ ولا همن الجي جي مو طويل جنة برمودا وكعب @@

انا انثولت @@

الحين رفيجتج الي مو متحجبة تلبس احسن منج

يا لهوييييييييييييييي

 

[**فراشه نعومه**]

لووووووووووووووووووول فراشة ضحكتيني....يحليلج....اما النفنوف الصورة الثانية ..عجييييييييييييييييييييييييييييييييييب


حده راقي وحلو...شنو عندج بعد صور نفانيف من هالطقة ..خخخخخخخ

خل نغير الاجواء شوي.. بس يفضل بقسم الازياء تحطينهم ,,,,,,,,,,,,,,,,,,خافت يعني ..هيهيهيهي

يحليلج دلوعه اثاريج مثلي خوافه اصكج الحين بموديل بعد روعه

​

 

[~RouNa~]

جبتهاا عـ الجرح و كنك مادريت

المهم

والله هـ الشي وااايد انتشر

بما اني في الجامعه و هالشي منتشر وااااااااااااااااااااايد

والله كل بنيه لابسه جذي تمر حتى الفراش يطالعها من فوق لي تحت و يبقق عيونه لما توصل صوب فخوذها !!!!!

يا حبيبتي ياللي تلبسين جذي

حطي هالشي بـ بالج القرآن لما نزل على الرسول خاصة الاية

( يا أيها النبي قل لأزواجك و بناتك و نساء المؤمنين يدنين عليهم من جلابيبهن .. )

بيّن ان البنت المسلمة جوهرة المفروض مو كل من هب و دب يطالعها

لو انتي عندج شي غالي بـ تحرصين ان تخشينه وتحافظين عليه اكثر من روحج

جذي انتي بالنسبة حق الاسلاام شي غااالي والمفروض مو كل واحد يطالعج

لبسي و كشخي بس جدام محارمج

شنو تسوى عليج خليتي المتردية و النطيحة يطالعونج بنظرة تفصيلية

!!

 

[الهما]

فراشة نعمووومة والله ضحكتيني يا حلاتج بريئة ....بس الموديلات خاصة الثاني وااااااو
دلوعه نايف مشكوورة على المرور
رنة خلخال الف شكر على ردج و صدقيني انا اول وحده توقف ضد العباية الفاضحة لأنها بنظري اكثر ضرر من المايو البكيني
لأن في تشوييه فضيييع
بس انا مو معاج بنقطع ((يه مايحكمون عليه من اللبس))بالعكس اللبس يعطي انطباع كبير عن الشخص دايما ينبهون علينا اذا بتروحون مقابله عمل التزمو باللبس الفلاني
و بالنسبة للي يغطون روحهم بالنقاب و الا تكون كلها سوده و من داخل الله اعلم... فالله يستر عليهم و انا ضد هلشي
ما احب اتغطى كلي
دلوعه مشكورة على الرد الراقي و انا معاج
عيون زوجها كلامج عين العقل و مشكورة حبيبتي

 

[وردة النرجس]

انا عيل أشوف هالتحرر والتفصخ باللبس بإعتقاد البعض من هذى الفئة أن إهو الستايل وإحنا جذي تحررنا وصرنا نماشي الغرب

بس بنظري أن الي مومتحجبة وايد أهون من المتحجبة وتهول بروحها باللبس المرصوص والشفاف والمغري أكثر

ترى لاحظوا بالأسواق أكثر شي الي يهولون بروحهم بالميك آب واللبس الضيج منو ؟؟ فئة المتحجبات أو تقولين شبه متحجبة لأنها مطلعه الرقبة ونص الذراع والحين ياي الشتاء بطلعون الفخوذ بالبوتات الضيجة

بس ماأقول أن هذا حال آخر الزمان عندما قال نبي الأمة عليه الصلاة والسلام : سيأتي زمان وإهو من آخر الأزمنة نسائهم كاسيات عاريات

الله يهدي بنات المسلمين ويستر على بناتنا

 

[ChOcoLaTe 'n MarShMaLlOw]

ايه صح حرية شخصبة بس مثل ما قالت Rouna ما تسوى عليج

الهندي و البنغالي .. و اللي يسوى و ما يسوى يطالعج .. يعني اتخيلي انتي كسبتي اثمج و اثمه على هاللبس القصير و لا المرصص

ترى مو كل الناس لها نفس التفكير .. سواء كانت متحجبة و لا مو متحجبة