اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على الله

[الفنانه79]

اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على الله

السلام عليكم


((اللهم انزلني منزلا مباركا وانت خير المنزلين ))


طبعا اعتقد مافي وحده ماودها ان يكووون عندها بيت اتأمن في مستقبلهم اهي وزوجها واعيالها

وتفتك من الاجارات والبهذله

وانا ولله الحمد امأجره عند حماتي ومرتاااااااااااااحه وبعد قلبي مووومقصره

بس الحين وايد افكر في البيت


لحد متىىىىىىىىى بس وايد لعبنا بالفلوووس وملينا سفرات واهدوووم وماركات وطلعات ومدارس يهال بالآآآآآآآآآآآآآآآآآآف نصرف ومانحس بنفسنا


بس الحين قلت حق نفسي استوووووووووووووووووووووووووووووووووووب :eh_s(1):


خلاص راح ابدي ادور لنا على بيت واشوف الاسعار والمناطق وانا ماااااحلم بشي واااااااااااااااايد

لا والله القناعه كنز لايفى انا احلم في بيت زين ومنطقه حلييييييوه نعيش فيها انا مع اعيالي وزوجي وانكون مرتااااحين



والحين هالموضوووع ابي منكم كل وحده تقولنا اشلوووووووون راح نتفق وانتكلم وانوفر علشان نشتري بيت

واتمنى من كل وحده بالاخص اختنا الرسااامه انها اتفيدنا في خبرتها في شراء البيت (الله يباركلج فيه يارب )

واللي اتعرف ارقام دلاللين هم بعد تعطينا الارقاااام


ونبي خبراااااااااااااااااااااااااااااااااااات يعني ترى انا ادمغغغغغغغه مااعرف شي بالمره

ابي اوفر ابي اعرف الاراضي ابي اعرف المناطق الزينه وايد اشياء ابي اعرف


ها منو معاااااااااااااااااااااي ويصير هالتجمع فاتحة خير علينا واندبر امورنا وانشتري بيوووووت

يالله انطر تفاعلكم معااااااااااااااااااااااي ​

 

[hnooy]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

عن نفسي بخاطري اشتري بس ريلي مايقدر لان ماخذ قرض كبير ولين الحين يسدد فية وانا المنقذ في البيت معاشي 600 صافي
الغرض يسحبون 160 دينار والباجي اسوقة وبانزين وسوالف طلعات عيالي الخ0000000000000
بداية السنة هذي احط جمعيات وتكون بين 4 بنات بس مبلغ 100 استلمها 400 ومن عندي احط 100 ودفع حق البنك
وبجذي بفتك من قرضي مابقا علية شي السنة الجاية اذا اللة احيانا افتك منة الحمد اللة
بس مشترى البيت صعب لان العقار مرتفع مرة شفت بيت بالقرين قديم حدة بنيان الحكومة يبي فية 145 الف ليش شنوا صاير انا بقط علية واسنع فية يبيلي تقريبا مو اقل من 30 الف فالبيت صعب مانقول الا اللة يحنن قلب الحكومة علينا وتصرف لنا بيوت ويفكونا من الايجارات
اللي نهبت معاشاتنا

 

[farawla_q80ia]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

up up up

 

[^حبيبة الكل^]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

الله يجزاج خير يا قلبي على هالموضوع
انا ابي اعرف شلون اوفر خاطري اشتري بيت او شقة تمليك ماني عارفة
الاجار قص ظهورنا قص
اجاري 350 دينار منبطة جبدي على حالي و حال زوجي بس الحمدلله رب العالمين
وترى على فكرة حدي مشتاقتلج يا الغالية

 

[math2020]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

الله ايعينا ناطرين الحكومة تعطينا ارض وانبنيه
لان البيوووت رناااااااااااااااار الصراحة

 

[^kloOot^]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

اى والله امس هذا موضوعي انا وريلي


يقولون انه الحكومه راح تعطي مو 70 الف راح تسويه 100 الف وانشالله بس يطبقونه

بس خوفج من اصحاب العقارات يزيدون الاسعار بعد


المشكله انا رعصت مخي بس ماكو حل يعنى اخذ 70 الف ملوت الحكومه وفوقها 60 الف على الاقل يعنى انا 30 وريلي 30 احس صعبه


من صوببببببببببببببببببببييييييييييين والله حرام :krkrkr:

اذا عندج حل قوليلي

 

[حصوص الكويتية]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

الله يعينه بس ويعطونا اراضي قريبه ماني بعيد

 

[3e6er alwrd]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

والله يعني الكل نفس حالتي انا مت وانا احسب وايمع واقصر على عمري وماكو فايدة ايي اخر السنه ولا الي يمعته مو على الخطة لان تصير ظروف اظطر اسحب من التوفير ,, صج اني ما صار لي وايد متزوجه 6 سنين بس وعيالي صغار بس ساكنه ببيت حموله وودي احسن بالاستقرار والخصوصيه انشاء الله الله يفتحها على الكل ويحقق احلام الكل يارب

 

[^kloOot^]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

متابعينج

 

[الحلآآآ]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

والله أحسهااا حيل صعبه اني اجمع لو 100 دينار

لما أدخل السووق وارد البيت أكون صرفت 200 بطلعة سااعتيين !

 

[أنوثهـ حتى الثمالهـ]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

دعله من كلامك واضح انك شاب
والمشاريع اللي طرحتها متاكده لو نسويها بنفشل لان معلوماتنا مو نفسكم وحتى تعاملات الناس مع المره غير الرجال يعني بينضحك علينا
عطنا افكار اسهل بصراحه قوارب وطيور وسفر كل شهر صعب

 

[Queen1]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

بصراحه عجبتني قصة كفاحج واتمنيت اعرفج من زمان

طيب انا عندي 1500 وما ادري شسوي فيهم محتاااره وماودي اضيعهم على خرابيط


شتنصحيني فيه؟؟؟؟

 

[ام فجور 2008]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

آآآآآآآآآآآخ
آآآآآآآآآآآآآآخ
عشم ابليس بالجنه
انا حرمت نفسي وللحين قاعدين انيمع عالشان نسكر القرض لان اذا سكرنا بنحاول نشوف لنا بيت يعني الي قاعدين نيمعه حق تسكيرة القرض الي ماخذينه
المشكلة البيوت نار وبيوت الحكومة اهون شوي بس ماتسوى اني اقط فلوسي على بيت صغير ومرات اقول يالله يامافي بيوت حكومة تعدلت وصارت فلل
اتوقع مالنا الا بيت حكومة نشتريه

 

[سراي اللواوين]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

مرحبا دعلة ......الله يوفقك بس غريبة انك واد مو وحدة وسامحين لك بالمنتدى اعتقد انه خاص للحريم ؟؟؟
مو تزعل انا بس استغربيت ...بس ياريت تعطينا امثلة تناسبنا يعني تفقس وطراريد ولابتوبات من برة انسى

 

[أم سيف وسلطان]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

مرحبا

انا عندي مشروع بس مااعرفت كيف اديره وابغي حد يرشدني وينصحني

سلمكم الله يبت بضاعة من تايلند المرة الاولى مشت والمرة الثايه خذيتكمية كبيرة من ملابس واحذيه بس ماانصرفت الا شي بسيط لاني زدت في الاسعار عشان ارد خسايري من تذاكر ومواصلات وفندق والخ

يعني الشي الي شريته ب10دراهم ابيعه بفوق ال60درهم شو رايكم والكل يقولي غالي الا من تايلند وانا احاول افهمهم اني مخسره تذاكر بس مايههم وريلي مايخليني انزل الاسعار

يقول تعبنا بيروح على الفاضي

وانا الحين مبتلشة ابغي نصيحه او طريقة امشي فيها مشروعي

 

[حروف من ذهب*]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

الصراحه انا عندي مشروع وابي اخذ رايكم فيه
اتفقت انا وزوجي اني اشتري بيت حكومه وااجره
طبعا من بنك بيت التمويل ياخذون معاشي كله لمده يمكن 10 او 15 سنه بعدين يتحرر البيت اشرايكم ابي رايكم
واذا اجرت البيت بيطلعلي فيه 1000 تقريبا
والبيت لي انا مو زوجي لان هذا البيت بيكون للاجار فقط مو السكن وحنا ننطر ارض الحكومه
دعله مهم رايج :eh_s(6):

 

[الملالة]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

احنا ويننا ووين الحمام والدياي هذا شغل رياييل نبي نيمع فلوس واحنا قاعدين بالبيت:dddds:

 

[Queen1]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

اول شي حدي استانست ان احد بيوفق معاي وبيساعدني لا الي عندي كلهم يطنزووون علي واولهم زوجي

البيت لا والله ساكنه عند حموله وشقتي على قدي صغيره

بالنسبه لسواقه عندي سايق وسياره

انا دوامي بالكليه الصبح طبعن

ادري صعبه لان اكثر الي قلته مو متوفر عندي

 

[Queen1]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

لا من صجك دعله وين تسحب نفسك خلك شدعوه بنات خل نستفيد منه ومن خبرته ودايمن الريايل احسن منا بالتجاره مهما وصلنا ومهما ربحنا نظا بحاجتهم انا عن نفسي ابيك معانا واذا رفضت ادارة المنتدى اتمنى تحط ايميلك عشان نتواصل معاك انا وريلي ويعطيك الف عافيه على الردود والمجهود الي تبذله وماقصرت

 

[حروف من ذهب*]

رد: اللي ودها تشتري ((بيت ))واتأمن مستقبل اعيالها >>تعالوا انتعلم من بعض ونتوكل على ا

انا قلت ابي اشتري بيت مو ارض وبعدين يكون حكومه بسعر رخيص والخرابات مو كل يوم او شهر
ومنكم نستفيد شنو المشروع