اللي ولدت ولاده مبكره بالاسبوع 30 -31-32 تتفضل

[ديمة الشوق]

السلام عليكم
شلوونكم كويتيات
بنات انا حمالتي هذي من بعد ثلاث اجهاضات وصارلي سنتين ونص متزوجه
وحدي حدي احااااتي لااخسر البيبي وللاسف بمراجعتي لمن قلت للدكتوره يجيني الم يروح ويرد وظهري ذابحني جيكت طلع عنق الرحم صاير قصير ولين مفتوح سانتي ونص تقول احتمال ولاده مبكره غزتني ابرة الرئه للبيبي وابر تهدي الطلق
تكفووووووووون بنات طمنوني اللي ولدت بالاسبوع 30 او 31 او 32 عاش البيبي ؟ جم قعد بالشيشه ؟ الولاده طبيعي والا قيصري ؟ شلون شكل البيبي ؟ شنو المضاعات اللي تصيرله؟​

 

[فاقده ابوهاااا]

والله ما عندي فكره بس ان شاء الله تولدين بالتاسع بس ريحي عمرج ولا تفكرين وايد وتركي امرج لربج

 

[yasmeen_q8]

الاسبوع ال ٣١-٣٢ يعني الشهر الثامن

الشهر الثامن ٩٩٪ اكييد يعيش ان شاء الله
يكون اطفال الخدج يقعد بالحضانه وفرصته للعيش كبيره

الله يسهل عليج يا رب وتولدين بالتاسع

 

[ديمة الشوق]

مشكووورين بنات ادعوولي اوصل التاسع

 

[خفايا البحر]

عسي يارب يريح باالج ويطمنج

يالغاليه انا جربت الوالده المبكره
مرتين مره بسابع ومره بالثامن

والحمدالله اللي بسابع رجال شطوله الحين
واللي بثامن توها دشت الابتدائي
اللي بسابع قعد 3 شهور بشيشه
والبنت تقريبا 10 ايام اسبوعين
والحمدالله

 

[دانه2007]

الله يتمم عليج انا في بجري جتني ولادة بنهاية السابع ورحت مفتووحه ٢ونص سانتي ورحت الحكومة وعطوني ابرة مالت الرئة وعطوني ادوية ابرة يحاولون يصكرون الرحم والحمدلله قعدت بالولادة يومين ويومين بالجناح وعدت علي خير الحمدلله وبعدهاولدت بالسابع ولادتي الثانية نفس الشي طلوق بالسابع نفس الشي ادش ولادة و٢ ونص سانتي بس عطوني ابر تتصكر الرحم والحمدلله وصلت الي اول التاسع وولدت واعوا لي الحين بحمالي الله يتمم علي وماتجيني طلوق بالسابع والله تعذبت

 

[нάγoηά cнεмίsтяγ]

حبيبـــتي الله يتمم عليـج لي شهرج انشالله وتولدين بـسلامه انتي و البيبي

لا تخافيـن حبيبتي في احتمال كبير انه يعيش بهالاسابيع لانج تكونين دخلتي الثامن

انا اعرف جم وحدة ولدت بالسابع و الحمدلله عاش البيبي بس يقعد فترة بالشيشه و بعدين عادي
​

 

[عضـــــوه]

حبيبتي لا تخافين

اهم شي خذيتي ابرة الرئه حيل زينه لا تخافين وهالابره رحمه من ربي


انا تقريبا نفس الحاله المشيمه نازله واحتمال ولاده مبكره

اسال الله العظيم ان يتمم علينا ويكمل الجنين بالصحع والعافيه ويقومنا بالسلامه يارب

 

[ام عفاف الكويت]

بنتي من الاطفال الخدج تقريبا جبتها الاسبوع 34 توني داخلته
مع الاسف ماعطوني ابره الرئه لانه اضطراري ولدت وقعدت بالشيشه ماطولت
لاتحاتين ارتاحي ولاتبذلين مجهود

 

[دآنة آلرشآيده]

اختي ولدت بالاسبوع 29 وحطو ولدها بالشيشه عادي
لاتحاتين بس اخذي ابره الرئه ضروريه عشان الرئه حق البيبي

الله يتمم عليج وتولدين بالتاسع ​

 

[يا كويتنا]

يا قلبي لا تحاتين صار الثامن والتاسع نفس الشي


بس الموضوع يعتمد علا وزن البيبي اذا اصغير يخلونه بالشيشه


كثري من الشغلات اللي اتكبر الجاهل سكريات وعصير الرمان

ولا تمشين وااجد


واختي عندها عنق الرحم اقصير فيسوولها ربط وتخيلي حدها حدها نص الثامن وتولد وبناتها ما فيهم الا العافيه

 

[كل الحلا فحبيبي]

انا بجري بالاسبوع ال 32 وشوفيه شحلاته الحين بالروضه وصحته تهبل اسم الله عليه وقعد بالشيشه شهر ونص

 

[<<لمار>>]

عادي حبوبة لاتحاتين انا ولدي ولدتة اخر ااسابع ومافية الا العافية تعبني واهو صغير يبيلة رعاية لانة يصير عندة صعوبة بالرضاعة وتالي عادي الحمد الله كل شي تغير

 

[كويتيه مذهله 87]

حبيبتي لا تحاتين ان شالله تولدين بالسلامه لا تفاولين علي عمرج وبعد ماصار شي
اهم شي ارتاااااااااااحي والحمله اليايه طلبي ربط

 

[ام شيوخه~~]

ماظن في وحده مثلي بالدنيا تفكر وتوسوس وتنشد
انا انسانه وااااااااااااايد احاتي وافكر لدرجه انام واحلم واقوم وانا نفس الشي واهلي يقولون انتي حنه هههههههه
حياتي انا مثلج انا رحت الطواري كنت انزف بالسادس وقالوا لي الرحم فاتح والحين ولاده وعطوني مهدءات عشان ترفع الطلق والحمدالله ماولدت عدت على خير وتنومت 10 ايام وعقب اول الثامن نفسسسسسسسس الشي وتنومت وخذت ابرة الرئه وقالوا لي ماظن توصلين التاسع دام هذا حالج بس الله سبحانه غلب على ظن الكل لان صدقيني ماراح يصير الا الي الله كاتبه واذا ربي راد ان يطلع بالهيوم بيطلع غصب عن الكل
فاقولج ياقلبي ريحي بالج ولاتوسوسييين نفسي والله تعبت روحي من كثر التفكير الزمي الراحه ورفعي ريولج على مخده ولاتمشييييييييييييييييين وان شاءالله توصلين لو يوم بالتاسع .. انا جدامج الحمدالله الله عداها وهذاني دخلت التاسع الحمدالله لك الحمد والشكر
وان صار و ولدتي عاااااااااادي دامج ماخذه ابرة الرئه لاتشيلين هم الخوف انج ماتاخذينها وينولد .. وكثري اكل مفيد وصحي عشان وزن البيبي لان اقل من 2 كيلو يدخل حضانه بس من 2 فوق مايدش الحضانه على حسب وزنه .. و واااايد من اهلي ولدوا بالثامن ماخذين الابره والحمدالله عيالهم شحلوهم وشزينهم ..
بس مثل ماقلت لج عمري الزمي الراحه ولاتفكرييييييييين ترى التفكير يفتح بيبان احنا بغنى عنها عوار ماله اخر <<<<=d علمي روحج

والله يثبت حملج ياقلبي وتطلعين بالسلامه انتي والبيبي ويقر عينكم يارب

 

[om MaRyooM]

ماتشوفين شر

اذا العنق قصير يتراوالي قيصري لأن خالتي جذي


ولاتحاتين الاعمار بيد الله .. وفي اجنه تنولد بالشهر السابع او السادس وتعيش ماله شغل


وانشالله تقومين بالسلامة

 

[ديمة الشوق]

مشكوووورين بنات طمنتوني

 

[ديمة الشوق]

ام مريومه ليش قيصري ؟؟