اللي ينزل لها بدل بطاله كل شهر تبلغنااا

[iNoor]

انا قدمت بـ٣٠\٥ نزل لي قبل شوي ٣٩,٥١٦ دينار وموعدي ٦\٨

شلون تقولون بعد ٤٠ و٥٠ يوم؟ ولا قصدكم تنزل كاملة بعد ٤٠ يوم؟

شهادتي جامعية وبنكي الوطني

 

[ٱستۆطنت خٱفقهْ]

نزل البدل

بنكي التمويل


=)

 

[قهوه ساده]

بنات نزلي ٩٠ بس

 

[Om^7moody]

بنات انا مقدمه تاريخ ٥/٢٥
وانا تطبيقي نزلي بس ٣٣
وقالولي اخر ٦ تنزلي كامله
وماصارلي ٤٠ يوم

 

[m'3rOoOra]

بنات بسالكم الحين يمر عليكم فتره 6 اشهر تروحون تقدمون علي دعم البطاله ولالا ماله داعي يلعوزونج لاني سمعت يطلعون الفلوس من عيونج مادري اقدم لها ولا اخليها تولي مالي خلق حق اللعوزه وهمن سمعت 3 وظايف اذا مااخترتيهم خلاص يقطعونها شنو تسوون بعدها وهل اذا دورولج وظايف من القطاع الخاص ينشال اسمي من الديوان ولالا

 

[قهوه ساده]

تسجلين عقب ٦ شهور
ويحددون لج مواعيد بصراحه مواعيدهم مالها داعي مرات تصادف تكونين مسافره
اذا مارحتي موعدج يقطعونها جذي قالتلي الموظفه
واذا مان في فرص عمل في القطاع الخاص يرشحونج لها اذا رفضتي تعتبر ١ من ٣
يعني لج ٣ فرص ترفضين
وعقب سنه بكل الاحوال يقطعونها
واذا ترشحتي ووافقتي على العمل في الخاص اسمج يروح من الديوان

 

[m'3rOoOra]

حبيبتي يعطيج العافيه

 

[قهوه ساده]

ربي يعافيج اختي

 

[درة العالم]

السلام عليكم بنات .. بنات حبايبي ،، بقيت أسألكم
بنات حبايبي أنا تخرجت من التطبيقي بشهر 6 وبتاريخ 4-6
وقدمت على الديوان الخدمة والحمدالله .. بس بقيت أسألكم متى أقدم على
بدل بطالة ؟؟ وجم الفتره تبيلي عشان أقدم على بدل بطاله ؟؟ وجم بدل بطالة دبلوم التطبيقي
وشنو أجراءاتهم المطلوبه لتقديم بدل بطاله ؟؟
أرجو الرد حبايبي ...

 

[الفوز حلو]

دره: لازم يمر ع تسجيلج بالديوان ٦ اشهر وعقبه تستحقينه
وللدبلوم ١٥٠ والجامعي ١٧٠ والاجراءات ماعي فكره

 

[الفوز حلو]

بنات انا ٨/١٢ يصير لي ٦ اشهر شلون اقدم ومتى ينحط الاعلان بالجريده ..

 

[قهوه ساده]

بالعاده يكتبون بالجرايد واسمعه بالاخبار
تروحين لهم اثنين واربعا وخميس اذا ماني غلطانه حق البنات
تاخذين وياج ورقة حساب من البنك وصورة شهادتج وبطاقتج وصوره عنها
يسجلونج ويعطونج موعد مراجعه

 

[درة العالم]

مشكوره الفوز الحلو على رد حبيبتي .. يعطيج ألف عافيه حبيبتي

 

[91 hellokitty]

بنات انا عطتني باخر موعد لي ثلاث وضايف خاص ورفضتهم !! وقالت لي لا تراجعينا بعد
وخلتني اوقع بخط ايدي على ورقه وكتبت فيها لا ارغب بالوظيفة بالقطاع الخاص ؟؟

ومارحت صارلي شهرين اقهرتني بهالحركه شلوون عطتني ثلاث وضايف بنفس الوقت وكلهم زباله

وبعد شهرين دقو علي يقولون لي ان فيه وظيفه بالغانم
الحين اهما وقفو البدل صارله شهرين وقالت لاتراجعينا بعد شحقه دقو !!

صراحه انا انقهرت لما وقفو البدل عني
شنو اروح اراجع ولا شسوي

حبيبتي لا تسكتين روحي حق مديرهم وكلميه

 

[~Swan~]

بنات

بليز سؤال وضروري تفهمووني وتردون علي !!!!

اكثر من مره اسأل وما القى رد !!


انا مقدمه على البدل و ولا مره نزل لي

الحين رشحوني الديوان حق وزارة الاعلام
اذا رحت رفضت بالديوان

و وديت كتاب الرفض حق الهيكلة

راح ينزلون لي البدل



في وحده صار معاها جذي؟؟؟؟؟؟ بلييز ردوا علي

 

[انجبر قلبي]

بنات ابي رد اكيد انا رفضت الديوان مرة وحده رفضت التربية


مقدمة من شهر 2

هالشهر يصير لي ست شهور

عقبها اقدر اقدم عالبطاله وانا رافضه مرة ؟ والا راحت علي

لان سمعت الوحده لها حق ترفض ثلاث مرات

 

[Lady Sweet]

حبيبتي لا تودين كتاب رفضج للهيكله ولا شي اذا تبين تمشيلج البدل .... الهيكله مالهم شغل بالديوان
ارفضي وراجعيهم بموعدهم عادي كانج مانزل اسمج بالديوان والحياه جميله:eh_s(17):

معني والله ما انصحج ترفضين ترا الاعلام حلوه .. واذا رفضتي راح تقعدين على الاقل سنتين هذا اذا تخصصج مو مطلوب:eh_s(2): ام اذا مطلوب سهالات ....والوضع مايطمن كل ساعه منحل المجلس ومعطليين امورنا...... على قوله امي اقضبي مجنونج لا يجي ا جن منه!


وتقبلي مروري

 

[~Swan~]

مشكوره حبيبتي ليدي ما قصرتي
ما مدحوولي الوظيفه بهالوزاره كلش ... وووريلي مو عاجبه بعد يقول سمعتها مو شي

بس متأكده من كلامج ؟

لان قبلها نادوني الاوقاف ورحت رفضت ووو نفس الشي ما نزل !!

تخيلي مقدمه ع البدل من شهر 4 للحين ما نزل لي ولا مرررره

 

[lilla]

بنات محد نزله بدل بطاله؟

 

[Lady Sweet]

اي سوان انا متأكده من كلامي ميه بالميه واذا تبين شي كلميني بالخاص