المانيا

[umhomood]

السلام عليكم بنات يا ليت اللى عندها فكرة عن المانيا تنصحنى بالاماكن الحلوة والاشياء اللى ممكن اشتريها من فرانكفورت ان شاء الله راح نسافر الاسبوع الجاى وهذى اول مرة نسافر المانيا وراح نقعد فى ماينز وشنو الاماكن الترفيهية القريبة من هذى المنطقة وشنو حلو فى اسواقهم اللى تعرف يا ليت تساعدنى وتنصحنى فى وسائل النقل من مكان لمكان وشكرا لكم ولمنتدانا الحلو والمفيد:eh_s(8)::eh_s(17):

 

[miss_lawyer]

المانيا دولتي المضله بالنسبه للمواصلات انصحج بالصب واي والاندر قراوند لأن سهل وحلو وفرانكفورت مثل باقي المناطق الملابس الشي المميز بالمانيا و الخامات روعه ورخيصه بالنسبه لجودتها والاحذيه الرجاليه تينن وحتى النسائيه وطبعا لابد انج تمرين على شارع الماركات وفي كل انواع الماركات واي سؤال ثاني احنا حاضرين ايي نسيت ذوقي البوظه وطلبي اسبجتي ايس كريم باحد الكافيهات بالفانيلا والشوكلوت صوص وادعيلي

 

[umhomood]

مشكورة مس لوير على ردك انا ان شاء الله بسافر مع اولادى وصديقتى وزوجها واولادهم اهى عندها فكرة عن المانيا بس استحى اكثر من الاسئلة زوجى مشغول وما راح يسافر معانا واهو رايح كذا مرة بس حق شغل سيارات يعنى ما راح يقدر يفيدنى اذا ممكن تعطينى فكرة عن ماينز لانى بقعد فيها واحب اعرف اذا فى اماكن العاب للاولاد انا سمعت عن اماكن نروح لها فى القطار 3 ساعات بس ابى اقرب من كذى وشنو احسن سوبرماركت اخذ منه احتياجاتى واذا امان ولا لا لانا ما راح نكون مع بعض على طول اسفة حبيبتى كثرت بالاسئلة بس غشيمة فى هالبلد اعذرينى انتى وباقى الخوات بالنسبة للمحلات مافى محلات معينة للملابس ومشكورة وان شاء الله اجرب الايس كريم وادعيلك من الحين 000000000

 

[miss_lawyer]

ا ماينز تطل على نهر الماين وبها قلعه من القرن 14 ومتحف جميل جدااا وتلفريك وهي مدينه صغيره وقتصاديه وتتميز بالعلاج لكثرة المصحات العلاجيه والمستشفيات يعنى السعار حلوه فيها بنسبه لسكن وتبعد عن فرانكفورت 40 كيلو متر وهي مدينه هادئه وفيها امان لا تخافين بس اهم شي الاذكار الصباحي والمسائي وانشالله ماكو الا الخير بالنسبه للسوق
هيرتي - كراشتد - كهفوف - c&a - هذي مولات كبيره وفيها كل احتياجات من ملابس وسوبر ماركت واغراض المنزل كل شي
وماينز قريبه من منطقه فسبادن الصحيه وهي تكتب وزبادن ولكن تنطق فسبادن المهم هالمدينه زوريها لأن سوقها حلو في كل شي مو جود بفرانكفورت موجود فيها واهدي من فرانكفورت ومجكنمه وحلوه انصح بزيارتها

 

[umhomood]

حبيبتى والله مس لوير ما قصرتى اشكرك على اهتمامك فى ردك على واذا توصين على شىء انا حاضرة عيونى لك كل الحب ياالغالية000000000000

 

[miss_lawyer]

تروحين وتردين بسلامه انشالله وهاالله هالله بالصور اهم شي حق الذكرى

 

[بنت المطر]

بروح لها بعد جم يوم واقولج:eh_s(3):

 

[sweet.sweet]

حبيبتي مس لوير ابي اعرف في سينمات في فرانكفورت وين لاني بروح فرانكفورت وانا احب السينمات فباريت تفيديني حبيبتي

 

[**فلونه**]

هاي انا رحت ميونخ بصراحه رووووووووووووعه

المواصلات

ماكو على الاندر غراوند
أو الباص بعد اوكي


طريقه الحجز تقدرين تاخين البطاقه العائليه من الفندق تشمل 5 اشخاص اتوقع
ب 9 يورو


الترفيه

* عندهم الاولمبك بارك وايد حلوه
* السي لايف مثل الكواريوم وهيا موجوده داخل الاولمبك بارك
* الانغلش غاردن فيها البحيره مالت القوارب بس وايد راح تمشون
* الكافيهات كل مكان
* السينما كلا مدبلج بالالماني


التسوق ________



* شارع المرين بلاز ( يبيله 3 أيام لان المحلات تسكر مبجر على الساعه 6 ونص وماتفتح الا الساعه 9 وبعضهم 10 الصبح )

* شارع مكسي ميلين ( شارع الماركات وأسعار الماركات أغلى من الكويت بس أرخص مقارنة مع لندن )

* بب مول

* غليريا كوف هوف ( فيه كل بضايع كتالوجات الطلبيه )


وفي بعد جم مجمع بس ناسيه أسمهم


وطبعا ايام الويك اند وخاصة السبت مافي ولاشي فاتح حتى السوبر ماركة

وطوال أيام الاسبوع الساعه 6 ونص كل شي يبدى يسكر حتى السوبر ماركت بعد ال7 مافي شي يفتح غير المطاعم والكافيهات

 

[umhomood]

اشلونكم بنات انا رديت من السفر امس الفجر كنت تعبانة وايد واليوم لما قعدت رحت ركض على منتدى كويتيات ولهت علي المنتدى وعلى الخوات الطيبات اللى فيه مشكورة حبوبتى مس لوير انتى ما قصرتى كنتى اول وحدة ترد على وفدتينى وايد وابشرك ذقت الايس كريم عجيب وتولعت فيه كليت عن شهر جدام يا ليت يفتح فرع عندنا 000000 بنت المطر اذا رديتى علمينا شيصير معاك وتروحين وتردين بالسلامة 00000000000000

 

[umhomood]

مشكورة سويت سويت على مرورك0000

 

[umhomood]

بوسة كبيرة يافلونة على هالمعلومات استفيد منها المرة الجاية ان شاء الله لانى ناوية اعيدها000 بارك الله فيكم ياخواتى الله لا يحرمنا من بعض 00000000000

 

[ملاك-77]

اشلونكم بنات انا رديت من السفر امس الفجر كنت تعبانة وايد واليوم لما قعدت رحت ركض على منتدى كويتيات ولهت علي المنتدى وعلى الخوات الطيبات اللى فيه مشكورة حبوبتى مس لوير انتى ما قصرتى كنتى اول وحدة ترد على وفدتينى وايد وابشرك ذقت الايس كريم عجيب وتولعت فيه كليت عن شهر جدام يا ليت يفتح فرع عندنا 000000 بنت المطر اذا رديتى علمينا شيصير معاك وتروحين وتردين بالسلامة 00000000000000

الحمدلله عالسلااااااااااامه
نورتي منتداااااج