المبااااااااااااااااركيه ؟؟

[التجارة شطارة]

الله بنات شهيتوني اروح المباركية

كل ما نروح المباركية ندش نخم من هالاسوق ومن هالحلو ونطلع حق مطعم السمبوسة والسندويسات بطاط الله احلى شي

امبية بنات جعت على السيرة ههههههههههههه

يلا ان شاءالله اروحلة باقرب وقت

 

[*ملكة*]

السلام

المباركيه يالطيبه ..عندج المشعلات والرشوش والبخور والمعمول وانواع الخلطات اللى تهببل اللى بسوق التراث وامر الجميع وشوفي انواع الداخليات والقطنيات والدراعات وملابس الاطفال ... ومحلات الملافع والعبي عددي وخربطي.. وعندج مكياج الهنود هذا قصه بحاله انواع واشكال ولا انتى خسرانه ..والعماره فيها مركز للعطور الفرنسيه ومحلات للصواني مع مبخرها شحلاتهم وملابس للاولاد الكبار الصراحه مرتبين وتحت في محلات الذهب ..برا العماره والسراديب اخذى بجايم للاولاد والبنات الصغار وداخلياتهم والعابهم وحركاتت تهبل غير ملابس الصلاة والشباشب انواع والجواتى الرخيصه اكرمج الله والدلاغات اشكال ولفات وشالات شتتوية وبعد شنو حيل أغراض متوفره بهالمباركيه والاقمشه ومحلات المكسراتتت والحلويات والمطاعم الهنديه ..... هذا اللى تعودنا انا والاهل نتشرى منه بالمباركيه وكللن وحاجته .

 

[LuLiTa]

رووحي محل الدر المنثووور للعود و العطوور و اخذ عطر و دهن عوود (مسك الورد ) اتهبل ريحة ماي ورد على مسك فظييييييييع عقب السباااحة و سرداااب الشايع شيلي و حطي من الحمر و المحددات و لمعااات الويه اللي تشرح القلب و طلبي من مطعم بوابة الشامية الفطيرة التركية رووووووعة
و من مطاعم اول طلبي الجبووود يهبلووووون و عقبهم الجاي عل فحم عذاااااااااااااااب تضلين تذكرين طعمهم 3 ايااااام لوول

 

[بحرينيه كول]

وااااااي جانزين اروح والله خاطري اتسوق هناك خاصه في البرد مادري ليش ههههههه بنسبه للاماكن اروح السرداب والدكاكين الي جنب الشمالي للحلويات بس من العام طحت ع سرداب الشايع والله فله واهم شي بوميه عاد هني اليهال ولا يطلعون من المحل هههههه
وعاد في ختام التسوق لازم نختمها بمطعم الرميح

 

[DKNY]

ابي ابي الحييين المباركيه

 

[ملح بدويه]

اب
اب

 

[حبنا الله عليه]

امبيه شلون ماشفت هالموضوع

_03BA:


خل اقولج احسن مكان تصفطين فيه

بسرداب الأسواق التراثيه اللي صوب مجمع النصار

اوكي

طبعا جدامج سرداب الشايع مال المكياج

وخرابيط الإكسسوارات

وبعض شغلات الصوالين

>>> هالمكان مااحرص امرهم

طلعتي فوق

تلقين ( محل الشمالي ) عطورات الإمارات فيه ومعطرات الجو وشغلات يومية للبيت مثل بخور لعقب الطباخ وهالسوالف ...... اثواب الصلاة - خرابيط وشباصات ........ الخ .

بعدين بره تلقين صفة محلات العطور السنعه مثل

( الشايع - المرشود الدر المنثور - أجمل ........ الخ )

ومحل العاب وفيه بعد بو 100

وعموما الأسواق التراثيه تونس للتمشي

آخر شيء تلقين مطعم ( بوابة الشامية ) >>> لاتطوفج فطيرة سبانخ بالجبن وخل يكثر لج عليها ليمون صج صج wooow

ان طلعتي منهم جبالج صرافين

لوتاخذينها مشي شوي بتحصلين مطحنه تونس روحي تشوفي الحب والقهوه والشغلات الطيبه

ممممم

عقب ارجعي ادراجج للسرداب

:ggdw:

روحي ( شحليله )

منزل دراريع شتا حلوين للبيت واخذي لج لفه تحصلين لفات وبجايم ودلاغات مال الله

يعني سوالف البيت كلها ......

خلصتي خلي وجهتج العماره البيضا

فيها محل wow للكلينكس - دراريع بيت من ( شيتل ) - والهنود وخرابيطهم - ومحلات بالكود للجناط المقلده درجة اولى مممممم هذا اللي ابالي الحين

طبعا مري ( الجميع )

هالمحل احب ملابسه الداخليه العمليه

وكثر ما اجرب ارد واخذ منهم صج روعه

طيب

بغيتي حواج اوصفلج واحد اوكي شغله فرش من السعوديه

اخذ منه شاي ورق الزعتر والكزبره وشغلات نفاس ........ الخ

المهم وين صاير ماكو صفة الحواجين اللي يم كاكولي اهو يصير اخر محل ويبيعون فيه 3 كلهم يمنه يلبسون بوالطوا >>>>> :dddds: عسى مايفسخونها

طلعتي من السوق جدامج مطعمين

( القاهره والعقل )

اذا تحبين الصمون بانواعه

اهم شيء لاتطوفج فلافل القاهره اكليها وانتي بالسياره

طعهما غييييييير

ولاتنسين تسلمين عليهم





​

 

[حبنا الله عليه]

صج نسيت

الأسواق التراثية مقابل لها سرداب vip هم فيه ملابس لكل الأعمار

كملي صفته بتحصلين

( القرشي - الحرمين - سويس اربيان )

ومقابل لهم الصوب الثاني

( اجمل - الرصاصي - ومحلات هنود يبيعون سوالف محمود سعيد وربعه وخذي النصب عاد عطورات فاشله بذيج القيمه )
​

 

[ضحـاوي]

تهبل المباركيه

احلى شي فيها لما اقعد واشرب جاي على الفحم

 

[غلاي غير]

يااااااااااااااااحلو المباركيه كل شي فيها يهبل يهبل

 

[أساور]

المباركيه كل شي فيها يهبل

 

[سلسبيل]

لما يضيق خلقي أروح لها على طول

 

[MADEMOiSELLE LaFoshia]

بييييه شخباري المباركية !! من زمان مو رايحه
اخر مره رحت له كان عمري 12 سنة 11 شي جذي @@
وناسه ودي اروح له بس مادري عاد الحين شالدنيا فيه لووول

 

[MADEMOiSELLE LaFoshia]

و مالك الا سوق المباركية يا ولد الحجية

 

[احساس طفلهـ]

اى والله انا اذا ضااااااااق خلقى اروح له

عااااااااااااد ان شاءالله ناويه اروح له اليوم

 

[غير كل الناس]

ومنكم نستفيد

 

[تووتة]

سمبوووووووووووووووووووووووووسة والشايع

 

[legally blonde]

ودي اروح

 

[اليازيا2007]

بنات وين صايره سراديب الشايع لاني ما ادل حيل وينها من المطاعم الي برا والمسجد؟

 

[Dloool_q8]

في بااااخر شارع اللي كله البشوت قبل لا تطلعين من اللفه مجمع صغير على ايدج اليسار تحت في محل اكسسوارات عجييييب