$$ المتزوجات منو عندها هوس بالشوبينج وشنو رده فعل زوجها تجاه هالامر &&

[ماني من الناس]

السلام عليكم

شلونكم بنات

طبعا كتبت هالموضوع لانه مهم جدا وبنستفيد من بعض

كنت قاعده افكر بامري تذكرون سنه سنه وحطبه كنت اروح السوق وارجع بدون شي ولاشي يعجبني مو ذوقي كلش


والحين سبحان مغير الاحوال كلشيييي يعجبني


يعني مستحيل اكون داشه المحلات واطلع بدون ما القط لي كم شغله وخو احنا البنات ماشااالله وايد نتشرى اهي اساسيات كماليات اكسيوارات ميك اب وووووووو عد واغلط

الحين سؤالي هل انتي وصلتي لمرحله الهوس بالشوبينج ؟

هل لين رحتي السوق تاخذين الاكو والماكو؟

شلون طريقه صرفج ؟ وهل مصروفج تخلصينه بنص الشهر خخخخ


وشالحل لعلاج هالحاله
واهم شي المتزوجات الخبره شنو رده فعل زوجج تجاه طلعاتج السوق وطريقه صرفج

المايك لكم

 

[Dancing^Queen]

هلا والله اختي
بالنسبه للمصرف انا اخذ منه لببيت الخدم اليهال الي اخره بس لي مو وايد اخذ موظفه ومعتمده علي معاشي بصفه اساسيه
بس الرياييل مو مثلنا يقدرون الماركات وهالشغلات يخترعون من الاسعار
وطريقتي وياه ماعلمه الصج مرات وايد عشان مايخترع
مثلا قبل فتره خذيتلي جنطه دشت خاطري ب 700 رديت البيت بجيستها مستانسه وللاسف اهو قاعد جكني قالي بجم وقلب شاف سعرها 700 عطاني خزززززززززززززه جان اقوله لألألألألأ خذيتها بالسيييييييييييييييييل ب 200 جان تنفرج اساريره
لوووووووووووول
كل شي اقوله بالسييييييييييييييييييييييل الا اذا سافرنا يجكنييي
وممنوع اشتري اكثر من 4 جناط ماركات بالسفره يخترع يقول ليش مو محتاجتهم عندج وايد مايفهم ان احنا حريم والمشترا يريح قلوبنا ويمسح عليها ويهدينا يحسسنا بالوناسه جنج طابه بحمام سباحه نوتلا

خو اهم شعرفهم ! جسوه الصيف خمس دشاديش ب 200 دينار ان كثرت وهذا خام طيييييييييييييييب
حق المناسبات
نعال فيتال تكرمين ب 50 ومشينا

 

[' جـويـريـہ ..❤]

موووضووووعج عالجررررح ='(

لوووووووول

عشقي غراااااامي حياااااتي عمرررررري السوووووق < شوي شوي

بس للأسف ستايلي فسآتين دآيماً أحب أنوع بألوآنهآ و القصه و اموووت بالفساتين الطويله حدهااا راااقيه و دايماً ما القى اللي يعجبني الا بالماركات و انا مو موظفه فتلقينه يشق هدومه لما يدفع ههههههههه


بس الجناط و الشوزات و الشغلات البسيطه من اعانتي مالت الجامعه مع مصروفه و تكفيني و تزيد ..


اخيييييييه ذكرتيني بساعة اوميغآ اللي قاعده اخطط شلون افاتحه بموضوعها < عند اهلي على طول هههههههه

 

[iLLuMinaTion]

خوش موضوع

 

[lolO29]

انا بالنسبه لي احب السوق وصج فيني هوس اموت على الخلاجين:eh_s(22): خخخخخ واحب الجناط اشتري من معاشي اغراضي وكمالياتي مو معتمده على زوجي لاني موظفه بس ما يمنع لما اروح معاه السوق واقوله بكل براءه ابي هالشي عاجبني بس سعره معقول يشتري لي ما يقصر بس هم انا اقص _03BA:عليه مرات ما اقوله الصج لانه يبطل حلجه ويقعد يقول اشكثر هدووووم وشكثر فا مره شريت ترينج كشخه شافه قالي متى رحتي شريتيه قلته مال اختي مو قدها وانا خذيته منها طبعا انا كله براس اختي اشيل التهمه عني او اقوله هذا من زماااان عندي انت اشفيك ناسي مسكين ويصدق ههههههههه

 

[ريم خانم]

والله عندي هوس مو طبيعي واكثر شي بالكريمات والعطور وسوالف العنايه بالجسم اخذ الي ابي والي ماابيه واذا رجعت البيت احس مرتاحه وكل شوي اتفرج ع اغراضي هههههههههه واليوم الثاني احسهم قديمين وابي اروح مره ثانيه ولا اخترع اي حجه عشان نروح السوق واستانس اذا خلص حليب بنتي عشان امر الصيدليه بعد بس مو موظفه والحبيب يعاني يقول بيوديني طبيب نفسي والحين جايني هوس باغراض المطبخ واكسسوارات البيت كل شهر طالعه بشغله والله حاله >>
السبب اتوقع انه ملل او فراغ بالنسبه لي لان بعد ماتزوجت انتقلت مدينه ثانيه وتركت وظيفتي وماعندي صديقات ولا شي
الحل مدري وشو اذا لقيتوا علموني

 

[ياناسينا]

اه يااااحلو السوووق احلى شي بالعالم وصارلي جم سنة هابة بالمعارض وطبعا يامالنا من نصب الحريم وصااار يكره شي اسمه معرض سببتله عقدة واذا سافرنا طبعا كل السفرة شوبينغ لدرجة كره السفر يقول انا رايح سياحة ومناظر طبيعية مو سووووق بس هم ماااكوو فايدة فيني علم بالمتبلم يصبح ناسي

 

[جـــواهر]

انا زوجي ملقبني بالفسقاااانه

كله يقولي انتي فسقااانه

عاد الحمدلله بمعاشي ادلل روحي

بس اهو مو عاجبته طريقتي لاني مالومه

انا اششششتري بهبل

 

[ماني من الناس]

تو مانزل الموضوع

لنا عوددده

 

[ماني من الناس]

امببببيه بنات طلعتوا كلكم نفس الشي هذا وانا ضاقت بي السبل من الهوس قلت اشوركم تعطوني نصايح


ع طول مخي يفكر بالسوق حتا طلعاتي مع رفيجاتي ع طول شوبينج صرنا ما نقعد ناكل كثر ما نتسوق

بي بعدين فكرت حسيت ان هالشي مو صحي ولازم ننظم امورنا ومانصرف عالاكو والماكو


شرايكم !!! ليش مانتعلم نجمع فلوسنا نفس بعض الناس ماشالله عليهم يعرفون يتحكمون بصرفهم

 

[*Manoush*]

اي فيني هوس شوبنق على كلشي
ملابس عطور كريمات مكياج اكسسوارات ساعات نظارات فواحات بخور لووووول حتى اثاث البيت والمواعين عندي هوس فيهم
اخصص كل شهر مبلغ من راتبي افرغ فيه كل خبالي يا اطير هالمبلغ كللله على هدوم ولا شوزات ولا عطور ،، اشوف شمشتهية هالشهر واشتريه

اما ريلي يقولي دامج تلعبين بمعاشج عيل كيفج انتي ومعاشج هههههه صج اشتري واصرف بس اكون مخصصة مبلغ من راتبي عالشوبنق موكل راتبي عشان ما اتوهق باجي الشهر ،، معودة نفسي ع هالسستم من اول ما توظفت فصار عادي عندي ومرتاااحة عليه الحمدالله

يعطيج العااااافية خوش موضوع

 

[بنوت بنوت]

الحااااال من بعضوووو هههههههههههههههه
متعه التمشي بالسوق حتى لو ما ابي شي
بس طبعا ما اقدر اطلع ايدي فاضيه

 

[ام زهقانه]

انا ما عندي معاش ولا اشتغل بس علي قولته امي ايدي تحكني الازم اصرف علي ملابس البيت الطلعه
مو كل شي اشيا المهم ومناسبات
اشيا المهم من غير مكياج ههههه

 

[سكوتي بذوقي]

انا من اروح يقول لي متى تخلصين يمل

ههههههههههههههههههه

انا مهووسه بالشنط والساعات والخواتم

يقول لي البيت كله شنط بس ماتشبعين

 

[shayto0oNa]

انا غرااامي السوق حتى استغفرالله لو بموووت وديني السوق انسى الالم وانسى كل شي بالسوق وبس اخلص شوبينق واركب السياره اقول ايييي بطني ههههه ويعطيني بو الشباب ذيك الخزززه ههههههههه

ريلي كان مايحب السوووق دم ضرووووسه الحين اهو اللي يحن على السوق وصاير يسرف بهبل نفسي هههه امه ذبحتني تقول خربتي ولدي لووول طبعا انا مو موظفه بس الله يخلي ريلي ومايعجبني الا الماركاااات حتى شوزاتي تكرمون مايعجبني الا ماركات وانتي احسبي لووول واذا زعلت عاد هذي عروووفه ماارضى الا ب شوبينق خخخخ

بس اكثر شي غرامي غراامي عطور وبجايم وجناط ماركه لوول

ذكرتوووني بنفنوف قوتشي ياااي عوار قلب ب 2000 دينااار ايننن لبسته تحطمت بغرفة القياس مو راضيه اقطه هههههه

 

[ماني من الناس]

ههههههههه


الله يعين الرياييل علينا

الشعب كله طلع مهووووس

شيطونه نصيحيً مني لاتجربين فستان بغرفه القياس تكتأبين اذا ماخذتيه وماتنامين الليل عن تجربه مره وحده سويتها جربت وقاومت وطلعت وقلت ليش اخذه ماعندي مناسبه ومن رجعت البيت صرت كله افهي واتذكر شكله علي ويوم ثاني سيده رحت آخذه لايحوشني انهيار عصبي


ومن بعدها ماقمت اجرب فساتين فخمه اكتفي بالرؤيه لان العيله كلهم تزوجوا ماعندنا مناسبات خخ

 

[من يشابه ديرتي]

اموت اموت بشي اسمه سوق اذا نفسيتي مو اوكي اروح السوق تتعدل على طوووووووووووووووول:jbdwjbd:
مسرفه بشكل مو طبيعي .. كل الي بيدي بالسوق ..
زوجي طبعا منصدم مني .. ومقزرتها عليه :dddds:

^
الله يخليه لي :eh_s(22):

 

[ماني من الناس]

الله يخليلكم ازواجكم يارب



بس ضروري نبي حلول وخطه عمل لان كلشي لي زاد عن حده ينقلب ضده

 

[بدوية بملامح كشميرية 86]

اموووت. بشي. اسمه. سوووق
واذا رحت لازم اشتري
حتي لو مريضه تعبانه احد يروح لسوق يفز قلبي واروح
وكله يقولون الظاهر سرج قاطينه بالسوووق
وزوجي كله يزفني مايخليني اروح سووف
بس اروح لهلي ع طووول ههههههه

 

[بدوية بملامح كشميرية 86]

طبعا كله من معاشي انا اصرف علي نفسي

موووظفه الحمدلله