$$ المتزوجات منو عندها هوس بالشوبينج وشنو رده فعل زوجها تجاه هالامر &&

[أنوثهـ حتى الثمالهـ]

انا مشكلتي زوجي يحب الكشخه و ذوقه صعب و يعرف بالماركات ماشاالله عليه وهالشي يضايقني لان تونا مالكين وكل مره اشوفه فيها اتازم باللبس نوعه يعلق و يسال

ماعرف عاد عقب الزززواج شلون بيتغير او لا لان خبركم وقتها هو اللي بيدفع لووول

 

[شادن33]

منمن اتصدقين انا مافيني هالهوس
بس انا من النوع اللي مره وحده اروح اتسوق والم الاكو والماكو على قولتج

حتا ساعات اخذ اشياء ماتنفع وما احتاجلها واتم اسبوع كل يوم ارجع الاغراض اللي اشتريتهم
وبعد فيني عمي الوان يعني رايحه ابي لون اخضر اشتري تركواز والله ريلي ين يقول انتي شنو فيج عمى الوان
واليوم الثاني مرجعته لوووول

 

[شادن33]

منمن تبين الحل اذا انتي مضايجه انج تصرفين بالهبل
لاتحطين ابوكج فلوس وايد حطي مصرف طلعتج بس
والباقي خشيهم في بوك ثاني وهالبوك يمكن يضيع ولا تنسين وين حاطته وفجاه تلقينه وفي داخله فلووووووس ترارارارا

 

[ماني من الناس]

شدون حدج مفهيه خخخخ


ضروري احد يروح معاج السوق تستشيرينه ولا شكلك بتقضينها كله ترجيع بالاغراض خخخ عاد انا اخذ الشي حتا لو مو مقاسي اكسل ارجعه


انوثه حتى الثماله

دام من جيبه اخذي راحتج وخذيه معاج السوق شكله يحب التسوق

بدويه

خخخخ لا عاد ماوصلت لمرحله لين اني مريضه افكر بالسوق خخخ حدج واصله مراحل متطوره بالموضوع

 

[ماني من الناس]

ههههه شدون ايه فكرت بهالخطوه مؤخرا

لان لاحظت فيني حركه اني لين رحت اتسوق ماحب ارجع بفلوسي لازم اطيرهم كلهم خخخخ كنهم هم ع القلب تفكيري مو صاحي


حتا مره تكسرنا انا ورفيجاتي من التفرفر يقولون لي منمن خل نروح ناكل وانا اقول لا ماخلصت فلوسي خخخخ ليحين عندي مجال اخاف بس نطلع حرتنا بالسوق وانا مادري

صرت ذكيه ماقمت احمل بطاقتي خخخ يزعم خطوه جيده

 

[شادن33]

بس منمن والله الحل تبعي ينفعج

 

[ماني من الناس]

ايه خلاص انا وعدت رفيجاتي الطلعه الجايه مطعم وبس فقط لا غير

 

[شادن33]

اي كثري المطاعم شكلج تحتاجين تزيدين وزن خخخخخ

 

[ماني من الناس]

خخخخ لاتكفين

ماعدت اهتم صراحه بالرياضه حاسه ان بتطلعلي بدايه كرشه

بس انا الاكل عندي نمبر ون

والا مبالاه عندي قويه خخخ

لي حد الحين في safe side

 

[شادن33]

لامنمن اكلي اللي تبينه بس اشربي جاي اخضر عقبه
ودووووم اشفطي بطنج والله ماتطلعلج كرشه
وعدلي ظهرج بالقعده واشوفي انا كله جذي
امبيييييه قلبنا الموضوع

 

[ماني من الناس]

ايه كتبت لي بالنوت شاي اخضر آخذه مع اغراض الشهر مره وحده مكسله اروح جمعيات خخخ

واذا ريلي موجود اشفط بطني احتراما لنفسي اما اذا بروحي او مع اهلي افلها ولا اشفط ولا شي خخخخ

 

[Patcholli]

هاذي المواضيع الي تبرد الجبد


ياختي الحين الشوبينق صار حتى وانتي بالبيت ..!!

طبعا ريلي قبل كان يتحجى الحين وصل لمرحلة اليأس

ماقام يقول يمعي ولا قام يقول بسج خرابيط

صار بس يشوف ويهز راسه ههههههههههههههههههههههه

واهم شي ان الشوبينق مايكون معاه يا مع امي او بروحي او ارفيجاتي لانه اولا يلوع جبدج بالسوق كله تعبان وبيخلص بسرعه

وثاني شي ماحب يشوف شي ويستغليه او يطيح من عيني ويقول مايسوى .. :|

اني حق طريقة الصرف :


اولشي الاستقطاع الشهري حق القرض

ثاني شي 200 داشه جمعيه عشان ايمع غصب طيب

ثالث شي 100 مصرف بانزين ومني مناك

باجي المعاش سبهلله وسوق ووناسه ماحب اخلي شي بقلبي

بس صرت انظم طلعاتي ..

يعني اسبوع وترك اتسوق .. تقريباً

اسبوع حق الشوبينق واسبوع طلعه عاديه سينما ومطعم وجذي ..

وساعات شوبينق بالبيت من بطلو موقع الاسطوره وانا مو حاسه بمعاشي :<​

 

[حآلية الذوق ~]

خخخخخ انا من تنزل اعانتي بس واحد اثنين ثلااث طاااااايررره

ريلي يقولي شهالاسراف ومااشتري وياه خخخخ

خخخخخخخخ بس لين الحين محترمه نفسي اشتري اغراضي بالويك اند
علي حسب مزااجه لان حده مزاجي وانا بعد مزاجيه لاخر خخخخخخخخخخ
بس الحمدلله اذا ابي شي يعطيني خخخخ < لاني مااطلب منه الا للضروره القصوى احسس بالفشله لمن اطلب منه

فانطر الاعانه تنزل اشتري منه الي ابيه مع مصروفي يعني مااكثرر

بس شحلات الشوبيييينق يرررد الرووح

 

[ماني من الناس]

ايه وتذكرت عندي طبع بايخ مثلا لين باخذ لوحده هديه لازم اخذ لي نفس اللي خذيته لها حقي

يعني كل شغله اشتري منها مرتين عشان مايصير خاطري فيها واتحسف خخخ

هالسالفه بالله شلون علاجها

 

[ليمون حامض]

وانا بالمثـــــــــــــــــــــــــــــــــــــــــــــــــــــــــــــــــــــــــــل الله المستعان

 

[ام سعود ديكسون]

هلا عمري يبتيها ع الجرح
أنا السوق ذابحني
طافحة مشتريات

وهم اخطط شنو باشتري
مرض بعيد الشرعنج >>> خاصة لي حاشتني ظروف
ما يريحني الا الشوبنغ

الريال ما ينقال له شي
لازم اشتري مكياج و اقط العلب>> يعني مو شارية
والا اشتري هدوم و أخليهم بالسيارة
تدخلهم الخدامة بعدين جنهم هدوم مصبغة
و من له حيلة ف ليحتال

توفير انسي حاولت ما قدرت

ردة الفعل>>> تعودينه ولا باليد حيلة
لان حتي لو ما رحت للسوق السوق اييني يا اطلب من المنتدي يا من النت اذا احد تبرع و طلب لي >> ما اعرف له و الا جان علوووووم

و ريلج علي ما عودتيه و ولدج علي ماربيتيه
صح لساني لول

 

[ام سعود ديكسون]

و نسيت أضيف اذا صج في بالج توفرين او تخططين لمشتريات
حاولي ترتبين هدوم عطور مكياج

كل ما شفتي بعينج ان عندج وايد خماجير و خلاجين و مكياج محزر
رااااح تبطلين تشترين شي مو مخططة له

أنا الحين بعد الترتيب انسي اشتري عشوائي
بس هم انسي اوفر او ما روح شوبنغ

ادماااااان

 

[om-3azo-83z]

انا فيني هووووووس مو طبيعي قلبي يعورني اذا شفت فلوس فبوكي يكسرون خاطري قاعدين بروحهم حتى لو شي مو محتاجته اخذه المهم دش مزاجي خاصه العطور شاريه مدرج عطور و ما كفى بديت استخدم كبت وصلت رف و نص بس عطور نياهاهاها كل مره اقول هالمره توبه و من ادش السوق اقول بس اشتري هالشغله و اتوب بعدها خخخخخخ
احم انا مو موظفه ولي الحين ما استلمت حتى اعنه كنت من مصروفي و ريلي سابقا لو يموت ما يدفعلي دينار انا ادفع اي اهوا لا الله يعافي اهلي هههه والحين رديتلهم الوع جبدهم بالسوق

 

[الريم اللعوب]

اااااااااااااه يامنمن وربي فييييييييني صيحه
تخيييييييلي وربي كل يووميين ثلاثه رايجه السووووق
المشكله اني بعيييييييده عن اهلي واهل زوجي يعني طلعاتي محدوووه
وربي العضيم كل شي مكووود وبنتي وولدي ملابسهم تصغر عليهم ماتنلبس م كثرتهم
الدواليب ماعاد ترتبت من الملابس والجزم اه بس ادماااااااااان
بس شسوي احط حرتي وحدتي بالسوووق وزوجي صابر الله يخليه لي يقولي انتي شباب وفليها
ومن جوته يقوول مصختها خخخخ الله يعيييييين والله حاله وربي لوبزور احد احتار شلبس من كثر
هالملابس المكوووده ربيييييييي يرحمنا موضوعك جاعالجرح

 

[شموسة كيوت]

انا اجل غريبة اطباعي عنكم

ماحب التسوق ابد واروح السوق من فووق خشمي ومعصبة واخذ الشي اللي ابية واطلع من الباب

يعني احدد من البيت شنو محتاجة مثلا ملابس بيت من بجامات وقمصان ارووح سيدة على محلات البجامات والقمصان واخذهم ومع الباب وكل مرة اسوي نفس الطريقة المرة الثانية للشوز واكسوارات مثلا وسيده على المحلات اللي تبيعهم وارجع البيت


اكرهه الفرارة بالاسواق ارجع البيت وانا معصبة وراسي مصدع وعيوني محولة من كثرة ماشووف بالسوق

انا غريبة عن جنس النسوان حتى اخوي يقولي ههههه