المتزوحة اللي عندها اكثر من ياهل!! ساعدووني

[love love]

ليش ماتدخلين بنتج حضانه؟؟ اضمن لج واهي تستفيد واطلع طاقتها وتنام مبجر

ونامي لي نامت البيبي

وبيكون لج وقت حق الكل ساعتها

 

[شيخة الحلوة]

لاني احبج راح اصدمج صجججججج
ههههههههههههههه


نصيحتي لج تعودددددددددددددي وتاقلمي وشوي شوي يقولون يقووولن ان الوضع راح يتعدل مع ان صارلي6 اشهر وضعي نفسه في تحسن خفيف فقط ههههههههههههههههههه

والله مافي وقت حق نفسي كله لهم

واذا عصبتي قووولي الله يرضا عليج ويرضيج
او الله يهداكم عودي نفسج ع هالكلام لان انتي راح تهدين


ويعطيج العافيه حياتي


شرايج فيني خووووش وحده صح؟

واقعيه هههههههههههههه

 

[ام منوره]

شرايج بالي عندها ٤ يهااال وفوق بعض من اطلع من النفاس ٤ شهور واحمل الحبوب ماتمشي معااي تعببببببببتتتتتت وراحت صحتي ونفسيتي هلكت واي احد يكلمني ابجي وصرت مااطلع واهملللللللت نفسي حييييل كرهت نفسي وماكان عندي خدامه لين امي قالت لي دخلي الكبار حضانه والصغار يبيلج خدامتين واللحين توني اتنفس معاناتي هذي من ٢٠٠٨ وتوني شهر ٤ ٢٠١١ ارتحت
دخلي بنتج حضانه ويبيلج خدامه للطبخ والتنظيف وارتاحي

 

[عيوني مودي]

انا نفس حالتك الكبيرة ثلاث سنوات والصغيرة تسع شهور بس من اقوم من النوم اقومهم اخليهم يقيلون شوي ساعة واصحيهم
بس الحين وضعي تلخبط بعد مازرت اهلي وبزين الوضع انشا الله
واهم شي لاتشيلين الصغيرة كثير حتى ماتغار منها الكبيرة
وخلي نومتكم وقومتكم مع بعض

 

[om MaRyooM]

مشكورين والله ماقصرتو فديتكم

 

[سوسن1980]

عادي مع الوقت تتاقلمين

 

[مزيان الروح]

الحمدلله على سلامتج حبيبتي ممكن امج أو إختج يزورونج البيت وينفسونج ، وعادي وايد بنات يسونهم إن يصدف يكون عيالهم كبار أو عندهم ظروف معينة ان تتننفس في بيتها ، بس اهلها اييون ويجابلونها ويساعدونها في عيالها ، وإذا مشكلتج بالليل ولا تقدرين تسهرين ومواصلة مع بنتج العودة في حل إنج تييبين ممرضة وتجابل البيبي بالليل ... الله يخليهم لج إن شاء الله

 

[طيبة83]

وي ام مريووووووم الله يهداج ما شفتي شي المفاجئات راح تهل عليج الحين بين غيره اليهال وصراخ وبجي البيبي وغير الخدم وغير الريل الدعله الي راح يتدلع بعد ويضم عمره مع اليهال ويشغلج الاسطوانه انج مو مهتمه فيه ولهيتي مع اليهال ويبي حنان واهتمام
ههههههههه الله يكون بعونج خرعتج صح بس هذا الواقع للاسف

امبيه ريلي كلا يقول جذي

واللي يبط الجبد ان ام وخواتي معاه

والمشكله انه خلاص اقلم روحه علي حياة العزوبيه حتي بليل ينام تحت عند اهله مع ان بنتي الحين كبرت وتعدلت نومتها :eh_s(16)::eh_s(16)::eh_s(16):

 

[شوبارد قطر]

اهم شي عطي بنتج الكبيره حقها لان هي اللي تفهم
لميها دوم خل يخف العناد
وبعدين حسسيها ان البيبي ذي مايفهم وهذا انا جبتها لج تلعبين معاها وان انتي الحلوه الكبيره اللي تفهمين
وحببيها باختها
وحاولي تشترين العاب تغفل عنج شوي وسيديات تحبها حتى تشوفها بالوقت اللي بتكونين انتي مشغوله فيه
وفي اشياء وايد والله
بس انتي اللي بتقدرين اديرين حياتج على حسب طبيعه اجوائكم

 

[om MaRyooM]

مشكورين

الحمدلله دخلتها حضانة .. بس المشكلة بالليل اقوم حقهم ثنتينهم حق الحليب والبامبرز

 

[ELFAD3Ah]

الله يكون بعونج

 

[love love]

قطعي حليبة الكبيره ليش ليلحين تشرب؟؟

 

[om MaRyooM]

^
^
مادري عنها
مادري شلون اقطعلها الحليب

 

[ام شيخوه]

ياعمري فترة وتعدي انا بناتي صغار ومطلعين عيوني والله احيانا ماانام الا اربع ساعات باليوم تخيلي بس عادي بصبر ودايم اقول الايام تمشي بسرعة وبيكبرون وبفتك من همهم

تعالي شوفي كشتي شلون ماعندي وقت امشطها

 

[ام شيخوه]

صح نسيت اقولج الكبيرة لاتخلينها تقيل الظهر علشان اذا جاء الليل تنام بسرعة من التعب

 

[bto0olah]

الله يعينج بس راح تتعودين عليهم وتضبطين وقتج لا تخافين بس شوي شوي

 

[يمامة أيوب]

موضوع ياه بوقته نفس حالتج و انا عاد اكثر انا بنتي توها مكمله سنتين و نص و انا الحين حامل بتوم الحمدلله يعني وراي 2 يهال اجابلهم من غير بنتي و ماعندي خدامه ولا راح اكون نفاس عند ريلي الله كريم مادري شنو راح اسوي بين ها 3 بس امفكره ادخل بنتي حضانه عشان شوي من الصبح ليمن ترجع اشوي اقدر اتنفس لاني ادري ماراح ارتاح ماشاء الله و عندي 2 يهال مادري اشراح اسوي والله ريلي يقولي راح يساعدني بس معروفين الرياييل مو مال مجابل يهال توهم مولدين ولا الحالة النفسيه للنفاس

وبنتي للحين تشرب حليب في المميه و تلبس حفاظات
قاعدة اقرى ردود البنات ماشاء الله نصايحهم حلوة

 

[om-3abodey]

يا عمري الحمدلله على سلامتج ومبروك عليج وتفرحين فيهم ان شاءالله
وعلى بناتج على حسب انتي شنو اذا تسهرين او تنامين مبجر
انا شقول بنتي مخليتني قمة الدفاشه جدام زوجي هههههههههه بس اصرخ عليها وصايرة عنيده عنيده وتحقر
اذا بنطلع مكان لازم اخصص لها ساعه على ماتلبس واسوي كشتها وبعدين البس اخوها وانا
بس شقول الحمدلله على كل حال

وبنتج حاولي تنومينها قبل قعدتج مع ريلج بساعتين
على الاقل بهالساعتين تقعدون مع بعض
والله يهدي اعيالنا
واحسن شي سويتيه دخلتيها حضانة
وترى في حضانة بجنوب السره حق العصر من 4 لي 8 وقتها حلو تقدرين تودينها اذا انتي باجازة تنام لي الظهر وتتغدا وبعدين تودينها ترد تكون دايخه تنومينها هههه

 

[جنى]

حطيلج نيرس على ما تهدى الامور

 

[جنى]

الكبيرة غيري البامبرز قبل النوم و اذا اقعدت حق الحليب سوي حليبتها بسكات و عطيها تشربها و تنام و ردي غيريلها لما تقعد الصبح