المجلس الطبي ضروووري

[Tosta]

بنات شنو اجراءات المجلس الطبي ؟.
اذا بيسون لي لجنه يصير زوجي يدخل معاي؟ ولا بروحي؟
وشنو نوع الاساله الي يسالونها؟
وشكثر يطول من تقدمين تقاريرج علشان يسون لج لجنه؟

حدي خايفه انا مدرسه ومادري شالطبخه

ساعدوووني:yaaaaaarb:

 

[(كويتيه عسل)]

اعتقد اذا زاد غيابج عن 15 طبيه ماادري هذا اللي اعرفه

 

[Tosta]

شكرا عالاقل رديتي

 

[local]

اذا كنتي تعانين من حالة صحية وانتي تبين المجلس الطبي ، تكتبين كتاب بالمدرسة وتوقعه المديرة ان حالتك الصحية تحتاج مجلس طبي ويوجهالكتاب إلى قسم الشؤون الوظيفية بالمنطقة التعليمية.
المجلس الطبي يرد على المدرسة بانه يحدد لك موعد.
عادي لجنة من 3-4 دكاترة بس لازم تودين معاك كل التقارير والاشعة والتحاليل اللي تثبت حالتك.. يمكن يصدقون عليها أو يجرون الفحوصات اللازمة .. وبعدين يردون عليك.. وما تشوفين شر
عادي زوجك يدخل وياك

 

[Tosta]

وااي بعدددد قلبي يا لوووكاال عسى ربي يبرد على قلبج مثل مابردتي علي

يزاج الله خير يالغاليه

 

[¤§ زيتونة §¤]

حبيبتي


اللجنة سهل امرها لا تخافين

انا سويت انابيب وحملت وقعدت بالبيت من شهر 3 الى شهر 10 يعني فصل ثاني وفصل اول وكله مجلس طبي واوراقي من مستشفى لندن اللي سويت فيه كلها مقبولة عندهم وكنت اروح ويا اختي مو شرط ريلج ويقدر يدخل وياج عادي

وجم مرة سوو لي مجلس بس رحت مرتين بس مو كلهم اول شي ووبنص الحمال وبعدها طبعا صار ولادة ووضع


الله يسهل امورج ويقبلون عذرج

 

[Tosta]

الله يفتحها عليج يا زيتووونه يزااج الله خيييييييييييييير

 

[السنيوره]

أولا ادعي ربج واخذي معاج تقرير من المكان إلي تراجعين عنده إذا كانت لجنتج في مستضشفى الفروانيه ماتقصر دكتوره نرجس الصفار عجييييبه ادخلي عليها واشرحي حالتج................................
الله يسهل عليج إن شالله

 

[Tosta]

مشكوره السنيوره
انا تبع العاصمه مادري وين يودوني
وانا تقاريري كلها من الخااص الله يسر اخاف مايقبلونها

 

[كويتيه وافتخر]

ان شاء الله سهالات


انا باقولكم عن حالتي غريبه

بس يمكن عندكم ردود
اناصار لي ست اشهر تعبانه مابقى طبيب مارحت له ماكو شيء
مع انه اطيح من طولي ومهدود حيلي ويغمى علي
واحس بعطش قبل يغمى علي
كل شيء سويت تحاليل دم
اشعه مقطعيه

فحوصات اشكثر سبحان الله وبفضله سليمه
اخرتها الله يهديه دكتور قايل لزوجي لمن زوجي قاله ساعدوني ليش تطيح ويغمى عليها ومرات نحس فيها بتموت
قاله ودها طبيب نفسي


؟؟؟

والحين صار لي شهر ماخذه طبيه من التعب الا انافيه
وودي اطلب مجلس طبي
بس اي تقرير اخذ كله سليم ؟؟

 

[OM_CoCo]

حياتي المجلس الطبي سهل ما فيه شى اذا صار غيابج فتره طويله متواصل يعنى اسبوع يقدرون يحولونج مجلس طبى تري عادي يعطونج اياه

اما بالنسبة اذا كنتى تبين تخفيف عمل او مسويه عملية او حامل
لازم عندج تقارير تشبت و عادي يعطونج الوقت او التخفيف او الاجازه

بس اهم شى التقارير الطبيبه

 

[Tosta]

ام كوكو شكرا جزيلا حبي

وكويتيه وافتخر-- عادي طبيب نفسي ترا!! والله العظيم وحده وياي بالدوام وحامل معاي تقول كل ما احمل اكتاب و مزاجي تكرمون زفت تقول رحت طبيب نفسي وكل شي تماام الحيين
وبعدين اذا حامل خلي دكتورتج تكتبلج التقرير ماتشوووووووفين شررررررر

 

[واثقه خطاي]

الحين شلون يعني لازم اسوي كتاب لدوامي ولا لا لان الحين معاي تقرير من دار البراء او اروح التقرير للمجلس الطبي على طول الله يخليكم ردو علي