المدبرة و الاقتصادية ادش اتساعدني ربي يجزاها الجنة

[كيت كات 2007]

السلام عليكم ورحمة الله وبكاته

حبايبي انا حبيت اطرح مشكلتي اهني لاني فعلا حاصة بضيقة و ربي يارب يفرجها علي وعلى جميع المسلمين يارب

المهم

انا موظفة معاشي 700 دينار

راح اقولكم التزاماتي و ابي وحدة شاطرة بالتدبير تعلمني شلون اقتصد و شلون اصرف لاني فعلا مبذرة و الي اشوفه

لازم اشتريه انا اشوف الجاليات العربية معاشاتهم 300 و يوفرون ويشترون عقارات من هال300 سبحان الله

المهم انا بعض التزاماتي و انتوا قولولي شلون اوفر منها

138 قيمة قسط البنك
125 داشة جمعية مع بنات الدوام بالوزارة
امي اعطيها 50 دينار
تلفوني ادفعله 60 دينار
الايقو 15
البانزين 20 دينار
ماجلة البيت 50 دينار

كل هالاتزامات تطلع 458 دينار

يبقى من المعاش :

242 شلون اقدر اوفر منهم وشكثر

وربي يارب يرزقنا جميعا يارب​

 

[كيت كات 2007]

اشدعوة يا بنات

رب يرزقنا ويرزق كل محتاج يارب

 

[كيت كات 2007]

رب يوفقها الي ترد علي لو برفع الموضوع

 

[صـب القـفـشـة]

للرفع

 

[كيت كات 2007]

رفع الله قدرج و و اعطاج ما تتمنين

 

[تعبتوني]

هلا فيج يابعد قلبي ياكيت كات
اسمعي وان اختج انا كنت مثلج مبذرررره ومازلت بس احس اني تحسنت شوي :ggdw:
والسبب ان الاحتياجات مع السنين تزيد والغلا يادافع البلا موووووطبيعي :krkrkr:
وفي مره من المرات صادفت وحده بالمستشفى وقعدنا نسولف عن الراتب وقالت انها مستقطعهمن راتبها 300 دينار للزمن
انا قلت لها تصدقين اني ماوفرت شي ( من الرفاله) :0bee2e8d89:

جان تصرخ بوجهي قالت شنو انتي ماتثمنين تعبج ولا طلعتج من البيت شنو هذا

انا هنيه هزني الكلام حيل صج كل السنين اللي راحت تعبها راح على الفاضي
وا اسفاااااااه

نجي للمهم شوفي حبيبتي لازم يبدأ التغير من داخلج (ان الله لايغير مابقوم حتى يغيروا ما بانفسهم)

اول شي الجمعيه اللي داشتها اكيد بتاخذين الف هذي على طوووووول بيت التمويل وتحطينها وديعه :ada:

ال60 مالت التلفون شدعوه لييييش خلي منج الهذره وامسكي لسانج شوي واستفيدي من تلفون البيت وخليها عشاني 40

ويصير يبقى لج 262
تاخذين كل اسبوع 40 مصرف لج بس 40 اذا خذيتي اكثر ترى ها بازعل :eh_s(14):
يصير الشهر 160 يبقى 102 هذي على طوووووول في حساب التوفير و
وحاولي كل ماصار معاج مبلغ حلو تعطين البنك عشان يطيح من القرض

امشي على الخطه بحذافيرها وان شالله تشوفين كل خير

وحاولي تشوفين لج مدخول ثاني

وبالتوفيق

 

[كيت كات 2007]

هلا فيج يابعد قلبي ياكيت كات
اسمعي وان اختج انا كنت مثلج مبذرررره ومازلت بس احس اني تحسنت شوي :ggdw:
والسبب ان الاحتياجات مع السنين تزيد والغلا يادافع البلا موووووطبيعي :krkrkr:
وفي مره من المرات صادفت وحده بالمستشفى وقعدنا نسولف عن الراتب وقالت انها مستقطعهمن راتبها 300 دينار للزمن
انا قلت لها تصدقين اني ماوفرت شي ( من الرفاله) :0bee2e8d89:

جان تصرخ بوجهي قالت شنو انتي ماتثمنين تعبج ولا طلعتج من البيت شنو هذا

انا هنيه هزني الكلام حيل صج كل السنين اللي راحت تعبها راح على الفاضي
وا اسفاااااااه

نجي للمهم شوفي حبيبتي لازم يبدأ التغير من داخلج (ان الله لايغير مابقوم حتى يغيروا ما بانفسهم)

اول شي الجمعيه اللي داشتها اكيد بتاخذين الف هذي على طوووووول بيت التمويل وتحطينها وديعه :ada:

ال60 مالت التلفون شدعوه لييييش خلي منج الهذره وامسكي لسانج شوي واستفيدي من تلفون البيت وخليها عشاني 40

ويصير يبقى لج 262
تاخذين كل اسبوع 40 مصرف لج بس 40 اذا خذيتي اكثر ترى ها بازعل :eh_s(14):
يصير الشهر 160 يبقى 102 هذي على طوووووول في حساب التوفير و
وحاولي كل ماصار معاج مبلغ حلو تعطين البنك عشان يطيح من القرض

امشي على الخطه بحذافيرها وان شالله تشوفين كل خير

وحاولي تشوفين لج مدخول ثاني

وبالتوفيق

امبيييييييييييييه لو تدرين انا شكثر تعبانة نفسيا من التبذير و الاسراف

و لو مهما احط بالبنك اروح و اصرف

الحين قلت بسويلي حصالة خشب و احط فيها فلوس ورقية و المبالغ الي تفيضعندي

بس يختي السوق يبي و انا احب التشري

شسوي

و الله اني احط اكثر من 60 على الموبايل

و ال 1000 الجمعية صرفتها وراحت بخبر كان

لان كان عندي ماستر و رب لك الحمد سددته

و سددت الديون الي علي

امبيييه و الله صج صج نشفت و المعاش مو قاعد يقعد معاي لي 10 من الشهر شسوي

 

[^kloOot^]

عاد انا اخس منج


وقلت حق نفسي ليييييييييييييييييييييييييييه متى خلاص






اول شي انسي شي اسمه ماستر وفيزا والغيها من حيااااااااااااااااااتج لانها دمار وادمان ويعودج على الاسرااااااااف



ثاني شي قللي مكالماتج وحولي كروت اذا فواتير

وحطيلج كرت حق البانزين عشان تعرفين كل اللى عليج


حاولى ادشين جمعيات وتحطيلج حساب توفير ووتنسينهم بدوووووووون كرت


وانشالله بس تخلصين جمعيه راح يصفالج هالاميه وشوي انشالله



والله يوفقج يااااااااااارب

 

[Om_Fisal_123]

اب
محتاجه دعواتج

 

[Creazy]

اي والله انا بعد هالمعاش مو راضي يقعد معاي كلللللللش

من يقرب المعاش عيالي يطيحون مرضه اثنين

والفلوس تطير على المستشفيات .....

بس خووووووش فكرررررره الحصاله بروح اشتريلي اليوم حصاااله ومن ينزل المعاش بحط 50 فيها

ابي اوفرررررررر

 

[ضحوك11]

نصيحتي لج تسوين استقطاع 100 لحساب ثاني وانسيه .. وقللي قد ماتقدرين من روحات السوق والجمعية ومن الزيارات الاجتماعية هذا اذا كنتي فعلا جادة بالتوفير

 

[غير كل الناس]

افتكي من السوق وشوفي الفرق

 

[الراحله]

اكثروا من الاستغفار

 

[omsaja]

أول شي أكثري من الاستغفار هذا عن تجربه وثانيا روحي كبتج وشوفي اكوام الجبال اللي عندج وسألي نفسج لييييييييييييش كل هذا بتبيعينهم؟ شنوراح يفيدج فيه؟لو ذهب قلنا نبيعه ونستفيد؟؟ وفكري مليون مره بالمحتاجين اللي بأفريقيا والهند روحي يوتيوب وكتبي مجاعة أفريقيا ولا أي شي مشابه وشوفيهم صدقيني ضميرج بيأنبج بتقولين ناس مو لاقيه تاكل وأنا من الفراغه والبذخ والتبذير اللي انا فيه اصرف فلوسجي عالسوق من غير معنى؟؟عذريني على أسلوبي إذا كنت دفشه تحمليني أختي بس اللي أقولج ياه أنا جربته مع نفسي؟ ولا تقولين إني بخيله بالعكس الحمدالله صرت بفضل الله متزنة بمصاريفي بكل موسم لو تلاحظين نقط بلاوي من ملابس واكسوارات وجواتي وجناط وغيره وغيره---- لالالالالالالالالالالالا والمشكله نشتري غالي وماركة عشان الجودة ويدوم معانا وكل موسم نغير عيل شخانت الفلوس اللي نقطها عالغالي نشتري بو1.5 عشان ما نتحسف عليه!!! الغالي يعني يقعد معاج سنين لين يقول قطيني وهذا مو بخل حرص تقدرين تستغنين عن النقال وتستخدمين تلفون البيت حطي ابالج النقال للضرورة بره البيت فقط!!! قبل لا اتزوج كنت من ادخل البيت اطفي نقالي واللي يبيني يعرف رقم البيت والحين أنا حاطه ميزانيتي 20 للنقال وعندج كروت بترونت الجاهزه وعندهم خدمة اشتراك حلوه صج توفر دقي عليهم سأليهم والملابس حاولي تشترين بس بالمناسبات ويفضل تخشين فلوسج لما يصير تنزيلات روحي جيلي منهم حق سنه إن الله أحيانا لاتقولين موديلاتهم قديمه لا والله هذي بضاعتهم قبل التنزيلات وبعدها عليهم مقالب بايخه هالمحلات!! ودخلي جمعية ب200 من تاخينهم حطيهم وديعة بيت التمويل ولا تنسين الصدقة سواء الجارية ولا اللي يناسبج مانقص مال من صدقة!! وإذا كنتي متزوجة ليش ماجلة البيت عليج؟؟ الناقص انتي توفرينه بس الماجله الأساسيه عالزوج!!!! لأن وراج مواجيب اللهم زيد وبارك عموما أتمنى إنج فهمتي اللي أقصده حطي في بالج المبذرون إخوان الشياطين ودايما قبل لا تاخيذ الشي سألي نفسج تحتاجينه ولا لأ؟ وحللي فلوس اللي عندج إذا النفنوف مافي شي ليش أقطه وأشتري غيره وأجمع بهالكبت اللي يصيح من الضغط!!!! أختي فكري لي باجر شنو بستفيدين من هالقش اللي شريتيه لاسمح الله لي طحت بمشكله منو بيساعدني؟ معاشي!!! وينه لي نص الشهر مطيرته شفايدته؟؟ أقعد من الصبح وأداوم وأتعب وبالأخير لما أعتاز معاشي المفروض يكون مغنيني عن الناس والديون والقروض؟؟ يعني المفرووووووووووووووووووض توفرين وإذا ماتعرفين توفرين اشتريلج عقار ترى العقار مافي خسارة حاولي تجمعين لج مبلغ محترم مقدم لشقة تمليك بالكويت وتكونين مخلصه كل الالتزامات اللي عليج مسدده قرضج واشتري الشقه وأجريها منها مدخول ثاني ومن جهة ثانية ياخذون منج قسط الشقه وانتي مو متأزمة لأن عندج مدخول ثاني والله يوفقج وأدري طولت عليكم

 

[أحلى الجياكر]

لازم تحسين من داخلج انج فعلا ممكن توفرين ..حاولى تتخيلين البلاوى اللى ممكن تحتاجين فلوسج لها :

علاج - سيارة تندعم - لا قدر الله لا قدر الله ..بس صج ذيج الساعة الواحد شيسوى ؟؟ يطر ؟

والله لو كل واحد يحط هالشى فى مخه و يطرى عليه ..يخش له مبلغ للزمن .

وين الاستقطاعات و الصدقات من معاشج ؟ لو 10 دنانير ..استقطعى من راتبج .

و دايم ادعى ربج انه يبارك لج بمعاشج ...و الله كريم

 

[حااايره]

سوي استقطاع من معاشج 70 دينار والكرت الا تاخذينه مال الاستقطاع كسري وقطي في الزباله بس هااا لا تفكرين ان عندج 70 دينار حق الاستقطاع انسيها لاتفكرين انج عندج دخل ثاني والفلوس مالوت الجمعيه حطيهم فوقهم وانسى انج عندج دخل ثاني علشان ماتصرفين منهم موفقه