- إنضم
- 30 سبتمبر 2005
- المشاركات
- 36,095
- مستوى التفاعل
- 13
- النقاط
- 0
المقادير بالصور
دياي مقطع ومنظف ومغسل+ بيديان وبطاط وقرع وجزر وكوسا واي خظره تحبينها قصصيها قطع كبيره
+
عجينه المرقوق عباره عن كوبين طحين اسمر منخول + نص كوب طحين ابيض + رشه ملح وكركم
الكل عجنيهم بماي دافي لما تصير العحينه متماسكه وشوي لينه مومثل عجينه البيتزا وغطيها وخليها ترتاح
طماط مهروس+ علبه معجون طماط + ليمون اسود وفلفل اخظر حار
صبار منقع ومصفى+بصل مفروم وجم حبه ثوم
الطريقه
اولا
احمس البصل بشويه زيت واحط عليه الدياي والفلفل الحار مع الكركم والبهارات المخلوطه واقلبهم
بعدها احط الثوم والليمون الاسود والطماط النوعين
حطي ماي مغلي وخلي الماي وايد لانه يحتاج طبخ وايد
طلعي العجينه وكوريها وحطي عليها زيت
فردي كل كره عجين بسطح ممسوح بالزيت على شكل دائري وتكون خفيفه وكبيره شوي مومثل المرقوق الكويتي
واذا غلى المرق حطي العجينه بالمرق وردي فردي الثانيه علشان تكون العجينه الاولى شوي طبخت وماتتلزق بالثانيه
خليهم يغلون نص ساعه
بعدين حطي الصبار والخظار والملح ماعدا البيديان اقليه وحطيه بالاخير
وخليهم هم نص ساعه ثانيه
وبعدها يكون استوت الطبخه تقدمينها بالعافيه
وهذا صحن لكم تفضلو وعطوني رايكم
