المسلسلات الكويتيه تدمرنا

[حرة عسل]

الموضوع واااااااااااايد حلو
بصراحه لما اشوف بعض المسلسلات وابوي قاعد احيانا ايجيبون
لقطات تحرج انتصومع انا واختي مثل مسلسل اسوار حسبي الله عليهم قمة الوقاحه
هو ومسلسل الساكنات في قلوبنا يوم الريال يشيل لمياء طارق طاحت من عيني وشوهو سمعت السعوديين
فعلن الكل حاقد على الخليج ويمثلونها بصوره سيئه
ودايمن يطلعون الخليج بالمشهد السلبي مثل الأفلام المصريه تعرض فلم وشوي بالمرقص حاطين شباب علنهم خليجين وملبسينهم اغتر وثياب
الله يثبتنا على الدين ويحفظ خليجنا الغالي

 

[*أم*خالد*]

الحل بسيط

قاطعوا هالمسلسلات ولا تتابعونهم .. بيطيح سوقهم ويوقفونهم

دوروا مسلسل حلو ويستاهل تابعوه .. خواتي اللي قالو عن عيون من زجاج .. يريت تقطعون متابعته وبجذي ينخفض عدد المشاهدين ويوقفون هالانتاج السيء

احنا كـ مستهلك نقدر نختار اللي نشوفه ونحدد لهم معايير من خلال متابعتنا للي يستحق وعنده قضيه والاهمال التام للي غرضه التشويه

 

[بسمتي]

شلون نقاطعهم أختي(ام خالد) إذا القنوات تتنافس على شرائهم

 

[أســيــل]

مع اني ماني كويتيه بس اقهر بعد من اللي يسووووونه
احس يباالغون بكل شي واقول مستحيل الكويتين كذاا
ودايما المشهووورين يعسكون فكه غلط عن مجتمعهم بس هذا بعيد عن اهل الكويت
وكلناا نعرفهم بنحطووووون على الجرح يبرى

 

[جورجيت]

تبــون الصج بنات ..~



أنا قبل لا أسجل في المنتدي .. ماكنت أعرف شي عن بنات الكويت وانهم خلوقات ومحترمات وطيبات .. والله كنت اشوف المسلسلات أقول بل ليش جذي مايلبسون حجاب ، ليش المره تلبس بس عباية وتحطها علي الجتف بدون شيله أو شي يغطي ، وغير التنانيير القصيره واللقطات البايخه الي تصير ..


بس الحمدلله يعني هذا مب واقعكم ..


اسمحولي بنات بس هذا كلامي ..


والنعم فيكم يابنات الكويت ..

من جد هذا الكلام اللي كنت بقوله ؟!!

وتأكدت انه مو بس احنا اللي مسلسلاتنا بجهه واحنا بالثانيه ...


الله يحفظكن يا بنات الكويت وبنات السعوديه وكل بنات الخليج ... تدرون شلون بنات المسلمين اجمعين ...
:dddds:​

 

[dodowa el7elwa]

تسلميــــــــــــــــن حبوووووووووووبه.....

 

[خالديه سعوديه]

شلون نقاطعهم أختي(ام خالد) إذا القنوات تتنافس على شرائهم

المسأله بسيطه
القنوات ماراح تشتري هالمسلسلات اذا كان محد بيطالعها
بس وين الهمه؟؟

 

[نوف العازمي]

السلاام عليكم.... انا عضوه جديده وهذا اول رد اكتبه اتمنى يحاز على رضاج...بصراحه كلاامج مليون بالاميه عدل وشوهو سمعت مجتمعنا عند الخليج....ومشكوووووره حبيبتي على هذا الموضوع الرائع وتقبلي مروري